ამბობენ, რომ ქორწინება იშლება მაშინ, როცა ეს მხოლოდ ერთ პარტნიორს სურს. როდესაც ორივე მეუღლეს სურს განქორწინება ან ორივე მეუღლეს არ სურს განქორწინება, ქორწინება უფრო დიდხანს გრძელდება. ადამიანები, რომლებიც რამდენიმე წელი ერთად ცხოვრობენ, მალე ვერ ივიწყებენ ერთმანეთს. დიახ, მათი გზები იყოფა, მაგრამ ფიქრები იმაზე, რომ შეიძლებოდა რაღაცის შეცვლა ურთიერთობის გადასარჩენად, რჩება. მარი ორი წელია დაქორწინებულია ალექსიზე. ქალმა არაერთხელ შენიშნა, რომ მისი ქმარი ხშირად გვიანამდე ჩერდებოდა სამსახურში და ურთიერთობა ჰქონდა სხვა ქალებთან, მაგრამ ამას არ ანიჭებდა დიდ მნიშვნელობას. საბოლოოდ მამაკაცი სხვა ქალთან წავიდა. ახლა მარი თვალს ადევნებს მის სოციალურ ქსელებს და აკვირდება როგორ ცხოვრობს მისი ყოფილი ქმარი.
როგორ ცხოვრობს ყოფილი ქმარი
„აპრილში მე და ალექსი დავშორდით. ერთგულების პირობა არასდროს მოუცია. პირიქით, ვიცოდი, რომ მატყუებდა. ერთმანეთს ვხვდებოდით, ერთად კარგად ვატარებდით დროს. ის ყოველთვის ამბობდა, რომ უყვარდა თავისუფალი ურთიერთობები, რადგან ერთი ქალი სწრაფად ბეზრდებოდა და არ სურდა სასიამოვნო კომუნიკაცია გადაქცეულიყო ერთმანეთისგან დაღლილი ორი ადამიანის მოსაწყენ ცხოვრებად.არაფერს ვუშლიდი და ვცდილობდი არ შემემჩნია მისი გატაცებები. ექვსი თვის შემდეგ მივხვდი, რომ შემიყვარდა და მისი ვნებები უკვე მაღიზიანებდა. არაერთხელ ვუთხარი, რომ ჩემი პარტნიორის ურთიერთობა სხვებთან გულს მტკენდა, მაგრამ ალექსი ჩემს სიტყვებს მნიშვნელობას არ ანიჭებდა. გადავწყვიტე აღარ მენახა, შევწყვიტე ზარებსა და შეტყობინებებზე რეაგირება, ვუთხარი, რომ რომ მისი ნახვა აღარ მსურდა. ყველაზე საინტერესო კი ისა არის, რომ ამის მერე უფრო მოუნდა ჩემთა ურთიერთობა და ვერ მოვიშორე.
ერთ დღეს ჩემთან თაიგულით მოვიდა და გამომიცხადა, რომ მზად იყო სერიოზული ურთიერთობისთვის. მეც დავთანხმდი. ქორწილი არ გვქონია, მხოლოდ ნაჩქარევად მოვაწერეთ ხელი. ყველაფერი ჩვეულებრივად გაგრძელდა. ბედნიერი ვიყავი, რომ გვერდით მოსიყვარულე ქმარი მყავდა. მან პირობა დადო, რომ სხვა ქალებთან აღარ ექნებოდა ურთიერთობა, მეტი ნდობისთვის მომცა სოციალური ქსელის ყველა პაროლი.
საყვარელი ქალი – ალექსი კარგა ხანი ერთგული ქმარივით იქცეოდა. ორი წელი მშვიდად ვიცხოვრეთ, ერთ მშვენიერ საღამოს კი მოვიდა და გამოაცხადა, რომ სხვა სიყვარულს შეხვდა და მიდის. დამუნჯებული ვიდექი და არაფერი მესმოდა. მითხრა, რომ არასდროს ვყვარებივარ, რომ დაიღალა ჩემი პრეტენზიებით და რომ საბოლოოდ, როგორც იქნა, შეხვდა ღირსეულ ქალს, რომელთანაც მთელს ცხოვრებას გაატარებს!გავბრაზდი, რა თქმა უნდა. მეგონა, რომ ყველაფერი კარგად გვქონდა, მაგრამ აღმოჩნდა, რომ ის ჩემს ზურგს უკან უღირსად იქცეოდა. რა თქმა უნდა, დავშორდით. ახლა ალექსი ცხოვრობს იმ “ღირსეულ” ქალთან. ვათვალიერებ ხოლმე და ფოტოებში ყველაფერი კარგად აქვთ, მაგრამ ალექსი აგრძელებს საყვარლებთან მიმოწერას და ურთიერთობას. მე ვიცი ეს, რადგან მას არ შეუცვლია თავისი პაროლები. ახლა ვზივარ და ვფიქრობ, როგორ გავაგებინო იმ ქალს, რომ ატყუებენ?”
რჩევა რედაქციისგან: როგორც ჩანს, მარის ჯერ კიდევ აქვს გრძნობები ყოფილი ქმრის მიმართ და ქვეცნობიერად სჯერა, რომ შეუძლია მისი დაბრუნება. ღირს თუ არა შურისძიების მიზნით სხვა ადამიანების ურთიერთობების განადგურება? ნაკლებად სავარაუდოა, რომ ამის შემდეგ ქალმა თავი უკეთ იგრძნოს. მოსალოდნელია, რომ ახალმა პარტნიორმა არ დაიჯეროს მისი სიტყვები. ამავდროულად, ეს არ შეაჩერებს მამაკაცს. ის არის ის, რაც არის. მთავარი კი არის, რომ მარიმ უნდა შეწყვიტოს ყოფილი პარტნიორის პირადი ცხოვრების თვალყურის დევნება და იფიქროს საკუთარზე. სანამ მისი ფიქრები დაკავებულია ალექსის პირადი ცხოვრებით, ის კარგავს ღირსეულ მამაკაცთან შეხვედრის შესაძლებლობას.
თქვენ შურს იძიებდით ყოფილ ქმარზე? გაგვიზიარეთ კომენტარებში.
