დღეს პაპარაცის ამ სტატიაში მოვამზადებთ შინაურ ყველს იოგურტისა და რძისგან. ეს მადისაღმძვრელი პროდუქტი არაფრით ჩამოუვარდება მაღაზიაში შეძენილ მოცარელას და საკმაოდ მარტივად და სწრაფად მზადდება. ასე რომ მოდით, სწრაფად შევისწავლოთ ინგრედიენტების სია.

ყველის მომზადება იოგურტისგან

წარმოგიდგენთ ასეთი ყველის ორ ვარიანტს. ერთი მათგანი შეიცავს მხოლოდ რძეს, იოგურტს და სანელებლებს, ხოლო მეორე გამდიდრებულია მწვანილებით და უფრო მეტად პიკანტურია. პირველი რეცეპტი შეიძლება გამოყენებულ იქნას დილის სენდვიჩებისთვის, მეორე იდეალურად ეთვისება ახალ სალათებს ან მაკარონს.

ინგრედიენტები

• 1 ლიტრი რძე
• 150 გრ. ნატურალური იოგურტი
• 1 ს/კ ძმარი
• 1,5 ს/კ მარილი

მომზადების წესი

1. სასურველია, ყველი სქელ ძირიან ქვაბში მოამზადოთ, რათა არ მიიწვას. ჭურჭელში ჩაასხით რძე და მოაყარეთ მარილი. აურიეთ სითხეს და დადგით გაზქურაზე მინიმალური სიმძლავრეზე. რძე არ უნდა ადუღდეს.
2. სანამ ქვაბს გადმოდგამთ, რძეს დაუმატეთ იოგურტი და ისევ აურიეთ ყველაფერი. ნარევში უნდა გაჩნდეს პატარა ნაკუწები. დაუმატეთ ძმარი და კვლავ აურიეთ.
3. მოამზადეთ დოლბანდის ნაჭერი, გადაკეცეთ მინიმუმ 3 ფენად,  გადააფარეთ საწურზე და ჩაასხით მასში მომავალი ყველის ნაწილაკები. აიღეთ დოლბანდის კიდეები და გამოწურეთ დარჩენილი შრატი, ძალა არ დაატანოთ.
4. მზა ყველი დატოვეთ საწურზე და დაელოდეთ სანამ მთლიანად დაიწრიტება და გაცივდება ოთახის ტემპერატურაზე. შემდეგ ყველი მცირეოდენი შრატით გადაიტანეთ მაცივარში ერთი დღით. აი, ამის შემდეგ შეგიძლიათ მიირთვათ. უმჯობესია ყველი შეინახოთ იგი პლასტმასის კონტეინერით მაცივარში.

ყველი იოგურტისა და რძისგან

ინგრედიენტები

• 1 ლიტრი რძე
• 200 გრ. იოგურტი
• 3 კვერცხი
• 1 ს/კ შებოლილი პაპრიკა
• 2 ს/კ გამხმარი პიტნა
• მარილი

მომზადების წესი

1.  ღრმა თასში შეურიეთ კვერცხი და იოგურტი ერთგვაროვანი მასის მიღებამდე. ამასობში რძე დადგით გაზქურაზე და მიიყვანეთ ადუღებამდე. როგორც კი რძე დუღილს დაიწყებს, კვერცხის და იოგურტის მასა ჩაასხით ქვაბში.
2. ასეთი ყველი უნდა ხარშოთ დაახლოებით 7-8 წუთის განმავლობაში. როცა ის ადუღებას დაიწყებს, დაუმატეთ პიტნა, პაპრიკა და სანელებლები. ნარევი კიდევ 1 წუთი გააჩერეთ გაზქურაზე და გადმოდგით.
3. შემდეგი პროცესი მსგავსი იქნება პირველ რეცეპტის. ყველი უნდა ჩაუშვათ დოლბანდ გადაფარებულ საწურზე. მოაშორეთ ზედმეტი სითხე და გადაიტანეთ სუფთა ტილოზე.
4. ახლა თქვენ უნდა აირჩიოთ ფორმა, სადაც ყველს ჩადებთ და ზემოდან დაპრესავთ. ყველი შეგიძლიათ დააგემოვნოთ უკვე 4 საათის შემდეგ.

როგორც ხედავთ, იოგურტისა და რძისგან ყველის დამზადება საკმაოდ მარტივია. ეს ორი რეცეპტი ნამდვილი აღმოჩენა იქნება ნებისმიერი დიასახლისისთვის. ასე რომ, შეგიძლიათ მოამზადოთ როგორც რბილი ყველი, ხაჭოსებრი მასის, ასევე მყარი ყველი, როგორიც იყიდება მაღაზიაში.

თქვენ მოგიმზადებიათ ყველი? გაგვიზიარეთ კომენტარებში.