როგორ შევამოწმოთ შინაური კვერცხების სიახლე? ბაზრებში გამყიდველები ამ კითხვაზე გულწრფელად თითქმის არასდროს გიპასუხებენ, მაგრამ პაპარაცის დღევანდელ სტატიაში მოცემული სასარგებლო რჩევები აუცილებლად დაგეხმარებათ. თქვენ შეგიძლიათ მარტივად გადაწყვიტოთ თითოეული კვერცხი ბედი რამდენიმე წამში: რომელი წავა ურნაში და რომელი გადაიქცევა სურნელოვან ერბო-კვერცხად?
ახალი კვერცხი
თუ კვერცხს მაღაზიაში ყიდულობთ, პირველ რიგში ყურადღება მიაქციეთ შეფუთვაზე თარიღს. ნუ უგულვებელყოფთ ყუთში ჩახედვის შესაძლებლობას და დარწმუნდით ყველა კვერცხის მთლიანობასა და სისუფთავეში.
პატარა “მიწისძვრა” – ვსწავლობთ შინაური კვერცხების სიახლის განსაზღვრას სმენით: მიიტანეთ კვერცხი ყურთან და ნაზად შეანჯღრიეთ. თუ ზედმეტი და საეჭვო ხმები არ არის, მაშინ ის შესაფერისია ნებისმიერი კერძის მოსამზადებლად. მაგრამ თუ შიგნიდან გაუგებარი ხმები გესმით, არ გარისკოთ – გატეხეთ და მოაწყეთ დამატებითი შემოწმება.
ნამდვილი აღმოჩენა – რაც შეეხება კვერცხის შიგთავსს: პროდუქტის სუნი და ვიზუალი ზუსტად გვეხმარება სიახლის დადგენაში. კარგ კვერცხს არ აქვს განსაკუთრებული, ან ძლიერი სუნი. გაფუჭებული კვერცხის სუნი კი ალბათ ყველას გეცოდინებათ.მიაქციეთ ყურადღება გატეხილ კვერცხში ცილისა და გულის მდგომარეობას. ახალ კვერცხს აქვს სუფთა და ელასტიური ცილა. ხოლო გული არის ნათელი, მკვრივი და ამოზნექილი. ძველ კვერცხს ექნება ოდნავ ნაცრისფერი, მუქი ცილა და გაბრტყელებული, რბილი გული.
მანიპულაცია წყლით – გაგიგიათ ალბათ, კვერცხის წყალში ჩაძირვის მეთოდზე, მისი სიახლის დასადგენად. ახლა მოდით განვაახლოთ თქვენი ცოდნა: დაასხით წყალი შუშის ჭიქაში ან თასში, რათა ჩანდეს სითხის დონე და ასევე ჩანდეს, როგორ მოიქცევა კვერცხი.ახალი კვერცხი უნდა ჩაიძიროს ფსკერზე და დაიკავოს ჰორიზონტალური პოზიცია. საშუალო სიახლის კვერცხი შეეცდება ამოსვლას და ბლაგვი მხარის მაღლა აწევას. ის ჯერ კიდევ არ არის გაფუჭებული, მაგრამ თერმული დამუშავების გარეშე ნუ გამოიყენებთ.
კვერცხი, რომელიც მთლიანად ამოვა წყლის ზედაპირზე, არ ვარგა. ამიტომ კატეგორიულად არ გირჩევთ მის გამოყენებას სამზარეულოში. მეტი სარწმუნოებისთვის შეგიძლიათ გატეხოთ, შეამოწმოთ მისი სუნი და შინაგანი მდგომარეობა. მაგრამ ჯობია არ გარისკო და გაფუჭებული კვერცხი ნაგვის ურნაში გააგზავნოთ.შეეცადეთ ყურადღებით დააკვირდეთ შეძენილი კვერცხის ვადის გასვლის თარიღს. გამოიყენეთ პროდუქტი დროულად, რათა არ გაჩნდეს პრობლემები. გარდა ამისა, ზედმეტი არ იქნება კვერცხის გარეცხვა გამოყენებამდე, ვინაიდან გარსზე შეიძლება იყოს პათოგენური ბაქტერიები.
თქვენ გაქვთ რაიმე ხრიკი კვერცხის სიახლის შესამოწმებლად? გაგვიზიარეთ კომენტარებში.
