- საოცარი დედამთილი გყავს! სიბერეში მოუნდა გათხოვება! სულ გააფრინა! ორი შვილიშვილი ჰყავს და იმის მაგივრად, რომ ბავშვებს დაეხმაროს… – მითხრა გაოცებულმა დედამ.
- ჰო, დედა! წარმოიდგინე, ეხლახანს ნიკას დაბადების დღე იყო და დედამთილი არც კი მოსულა! საჩუქრის ფული ბარათზე გადმოურიცხა, დაურეკა, მიულოცა და ეგ იყო. მითხრა, რომ ექიმთან იყო ჩაწერილი და ვერ მოვიდოდა. ნუთუ არ შეეძლო ხვა დროს წასულიყო?
თურმე, ჩემს დედამთილს პაემანზე მიეჩქარებოდა. ის 55 წლის იყო და ცხოვრების თავიდან დაწყება გადაწყვიტა. შეხვდა მამაკაცს, ვისზეც აპირებდა დაქორწინებას. დედამთილს დიდხანს არ უცხოვრია პირველ ქმართან, ახლა კი ღირსეული კაცი გაიცნო და შეუყვარდა.მან მთელი ცხოვრება ჩემს ქმარს, ანუ შვილს მიუძღვნა. ყველაფერი გააკეთა იმისათვის, რომ ის ღირსეული ადამიანი გაზრდილიყო.პირველ ქმართან მხოლოდ ორი წელი იცხოვრა, შემდეგ კი დაშორდნენ. მამა შვილის ცხოვრებაში აღარ გამოჩენილა. მცირე ალიმენტს იხდიდა და სულ ეს იყო.
დედამთილი ორ სამსახურში მუშაობდა და შვილს არაფერს აკლებდა. სანდრო გაიზარდა, დაამთავრა ინსტიტუტი, იშოვა კარგი სამსახური.მერე მე მომიყვანა ცოლად. ნაქირავებ ბინაში ვცხოვრობდით. ჯერ ვაჟი შეგვეძინა, წელიწადნახევრის შემდეგ კი ქალიშვილი.მე დედა მეხმარებოდა ბავშვების გაზრდაში, დაბანაში, კვებაში, სეირნობაში. დედამთილი კი ორ სამსახურში განაგრძობდა მუშაობას და შვილიშვილებს საერთოდ ვერ აქცევდა ყურადღებას.მადლობელი ვიყავი დედაჩემის, მაგრამ ჩემს ქმარს არ მოსწონდა სულ ჩვენთან რომ იყო, ამიტომ ჩვენი შვილი 4 წლის გახდა, დედაჩემს უთხრა, აღარ გვჭირდება ამდენი დახმარებაო…შემდეგ ვაჟი გაიზარდა და სკოლაში წავიდა.
- ეს როგორი ბებიაა, შვილიშვილებთან არასდროს ჩერდება? – უკმაყოფილებას გამოთქვამდა დედაჩემი.ჩემმა ქმარმა ეს რომ გაიგო, უთხრა:
- დედაჩემი მუშაობს ორ სამსახურში და ძალიან კარგად გვეხმარება ფინანსურად! მან გვიყიდა ახალი სარეცხი მანქანა, ჭურჭლის სარეცხი მანქანა, მუდმივად ყიდულობს ტანსაცმელს და ხილს ბავშვებისთვის. მანქანის ყიდვაშიც კი დამეხმარა! მეტი რა დახმარება გჭირდებათ?
მალე გავიგეთ, რომ დედამთილი დაქორწინებას აპირებდა. მან რესტორანში საქმროსთან ერთად მდიდრული ქორწილი გადაიხადა.და ცოტა ხანში კი უთხრა ჩემს ქმარს, რომ თავისი ოროთახიანი ბინის გაყიდვა სურდა. ქმარი უმატებდა ფულს და სამოთახიანი ბინა უნდა ეყიდათ. ამისათვის კი საჭირო იყო, რომ სანდრო ამოწერილიყო მისი ოროთახიანი ბინიდან.ეს რომ გავიგე, სკანდალი მოვაწყვე. მეშინოდა, რომ სანდროს დედა ამოწერდა და აღარაფერს მისცემდა.ამაზე ქმარი ძალიან გამიბრაზდა და მითხრა:
- და რა პრეტენზიები შეიძლება გვქონდეს დედაჩემის ბინაზე? ჩვენ ხომ იპოთეკით ვაპირებთ ყიდვას? პირველადი შესატანი თანხა უკვე შევაგროვეთ. ცოტასაც დავამატებთ და ვიყიდით ბინას.
დედას კი თავისი ცხოვრება აქვს! ის სულ მუშაობდა, ყველაფრით უზრუნველმყო და ახლა შეუძლია ისე იცხოვროს, როგორც თვლის საჭიროდ!მე გავჩუმდი…დედამთილი და მისი ქმარი თაფლობის თვის გასატარებლად საზღვარგარეთ გაემგზავრა. როცა დაბრუნდნენ, გაყიდეს ოროთახიანი ბინა, იყიდეს სამოთახიანი და ბედნიერად ცხოვრობენ.მე და სანდრომ იპოთეკით ვიყიდეთ ოროთახიანი ბინა. იშვიათად ვსაუბრობთ დედამთილზე. მართლაც ასე ჯობია. რატომ უნდა ავტეხოთ ზედმეტი აურზაური?
