ჩემი ქმრის მშობლები ჩვენს ქორწინებამდე დიდი ხნით ადრე განქორწინდნენ და რადგან ბინა ეკუთვნოდა კოტეს მამას, დედა გადავიდა სხვაგან. მალე იგი კვლავ დაქორწინდა და ქმართან ერთად სხვა ქვეყანაში წავიდა საცხოვრებლად.შემიძლია ვთქვა, რომ ამ ქალს რკინის ნერვები ჰქონია, რომ თითქმის 20 წელი გაუძლო ჩემს მამამთილს.
კოტეს მამა განქორწინების შემდეგ აღარ დაქორწინებულა, 12 წელია მარტო ცხოვრობს და მხოლოდ არდადეგებზე მოდის ჩვენთან სტუმრად. როცა ჩვენი ტყუპები 11 წლის გახდნენ, სოფელში წავიყვანე მშობლებთან. ბიჭები მოუთმენლად ელოდნენ ზაფხულს, ისევე, როგორც, მე და ჩემი ქმარი – ამდენი წლის ქორწინების შემდეგ ველოდით მარტო დარჩენას.
მაგრამ ჩვენი გეგმები მამამთილმა აურია! მაისის ბოლოს დაგვირეკა და შემოგვჩივლა, რომ მეზობლებმა ისევ დაუტბორეს ბინა და სახლი საშინელ დღეში იყო. იმდენი იწუწუნა, რომ იძულებულები გავხდით ჩვენთან გადმოგვეყვანა სანამ სახლი გაშრებოდა და გარემონტდებოდა.მამამთილი ბიჭების ოთახში მოვათავსეთ და მივხვდით, რომ ცოტა ხანი ძალიან გაგვიჭირდება.სახლი სულ წესრიგში მაქვს, არც ჭუჭყიან ჭურჭელს ვტოვებ ნიჟარაში, მაგრამ კოტეს მამა გვიან ღამით ჭამის მოყვარულია და ჭურჭელს ტოვებს ხოლმე.
ერთ დღესაც მესმის:
- არ გაუმართლა კოტეს, შენნაირი დიასახლისი რომ ჰყავს. ჩემი ცოლი არასდროს ტოვებდა ჭუჭყიან ჭურჭელს ნიჟარაში.
- ჭურჭელი სუფთა იყო, სანამ ღამით აქ საჭმელად არ მოხვედით – გავბრაზდი მე.
- რომ გამოვედი, უკვე ჭუჭყიანი იყო!
- Რაზე ლაპარაკობთ! როგორ ფიქრობთ, ღამით მე ვჭამე და ჭუჭყიანი ჭურჭელი მე დავტოვე?
- აქეთ მადანაშაულებ? – აღშფოთდა მამამთილი.
და ის აკეთებდა იმავეს ყოველდღე. სულ შენიშვნებს გვაძლევდა და ჭამდა ჩვენს ხარჯზე. კმაყოფილი არასდროს იყო და სიაც კი მოამზადა, თუ რა სურდა სადილისთვის.
ამ ზაფხულმა აშკარად ვერ გაამართლა ჩვენი მოლოდინი. საყვარელ მეუღლესთან დასვენების ნაცვლად, მივიღე მავნე მამამთილი, რომელმაც ყველაფერი გააფუჭა.ამ სიტუაციამ კოტეც ააღელვა და მან გადაწყვიტა დაეჩქარებინა სარემონტო პროცესი, მაგრამ ყოველ ჯერზე მამამისი საბაბს პოულობდა და იშორებდა თემას.ამ ორმა თვემ მძიმედ დაარტყა ჩვენს ბიუჯეტს და რაც კიდევ უფრო უარესია, ჩვენს სიმშვიდეს!
უკვე ეჭვი გვეპარებოდა, რომ რაღაც ვერ იყო რიგზე მამამთილის ბინასა და მის სარემონტო სამუშაოებზე.ერთ საღამოს კარზე ახალგაზრდა წყვილმა დარეკა ზარი, მათ ჩემი მამამთილი იკითხეს, რათა ბინის ქირის ფული გადაეცათ.
- კი მაგრამ, რა ფული?
- ჩვენ ბინა ვიქირავეთ. სახლის პატრონმა გვითხრა, რომ ამ მისამართზე მოგვეტანა ფული.
მე და ჩემი ქმარი გაოგნებულები ვიდექით. ამ დროს მამამთილი გამოვარდა ოთახიდან და უსაყვედურა ახალგაზრდა წყვილს ცუდ დროს მისვლისთვის. მე უბრალოდ დამუნჯებული ვიყავი, ისევე, როგორც ეს წყვილი.
- რა ხდება მამა? ანუ არანაირი დატბორვა და რემონტი?
- აბა რა უნდა მექნა? თქვენ მიატოვეთ ავადმყოფი მოხუცი მინიმალური პენსიით!
- მამა, რას ამბობ? შენი პენსია საშუალოზე მაღალია და სავსებით საკმარისია საკვებისთვის, მედიკამენტებისთვის. შეძლებისდაგვარად, ჩვენც გეხმარებით ხოლმე. მშობლებმა არ უნდა იცხოვრონ შვილებთან ერთად, თუ ფინანსები და გარემოებები იძლევა ამის საშუალებას!
ახალგაზრდა წყვილს ვთხოვეთ რაც შეიძლება მალე დაეცალათ ბინა და ქმარმა მამა თავის სახლში წაიყვანა…
