როგორ გაწმინდოთ დივანი სწრაფად და ზედმეტი ხარჯის გარეშე? ბევრი დიასახლისი დღესასწაულების წინ სახლის იდეალურად დასუფთავებას ცდილობს. დივანიც უყურადღებოდ არ რჩება. ამ მიზნით ხშირად სპეციალურ მოწყობილობას იყენებენ ან პროფესიონალი მწმენდავის სერვისით სარგებლობენ. ასეთი სერვისი საფულეს დიდ დარტყმას აყენებს და ფინანსებს რომანების მღერას აიძულებს. დივანს რაიმე პლედი შეგიძლიათ გადააფაროთ, მაგრამ Paparazzi დივნის საწმენდად თამამ ხრიკს გთავაზობთ.
დივნის წმენდა – ამ მეთოდით დივნის საწმენდად ქვაბის თავსახური დაგჭირდებათ. ნებისმიერი ლითონის ან მინის თავსახური გამოგადგებათ. უკეთესია, თუ თავსახურს ღირსეული დიამეტრი ექნება. ასე დროის დაზოგვას შეძლებთ.
არასტანდარტული ხრიკი – დივნის საწმენდი საშუალება პლასტმასის ღრმა თასში მოამზადეთ. ყველა კომპონენტი ერთგვაროვანი მასის მიღებამდე აურიეთ. შემდეგ ჩვარი ამ ხსნარში დროდადრო დაასველეთ და გაწურეთ. კარგია, თუ პლასტმასის თასის ზომა დივნის წმენდის პროცესში მის კომფორტულად გადაადგილების საშუალებას იძლევა.
სარეცხი საშუალების კომპონენტები:
- 500 მლ ცხელი წყალი
- 1 ს/კ ჭურჭლის სარეცხი სითხე
- 2 ს/კ ფანჯრის საწმენდი სითხე
- 1 ს/კ სოდა
- 100 მლ სპირტი
- არომაზეთი (სურვილისამებრ)
ორიგინალური რეცეპტი – ცხელი წყალი პლასტმასის თასში ჩაასხით. მდუღარე წყალი არ უნდა იყოს, უბრალოდ ცხელი წყალი. ყველა კომპონენტი თანდათან დაუმატეთ. დაელოდეთ, სანამ ყველა ინგრედიენტი გაიხსნება და წყალს სათანადოდ შეერევა. პირველ რიგში, ჭურჭლის სარეცხი სითხე დაუმატეთ. კარგად აურიეთ, რომ პატარა ქაფი წარმოიქმნას. თითოეული მოქმედება მშვიდად და აუჩქარებლად შეასრულეთ. მაგალითად, სარეცხი საშუალების დამატების შემდეგ ქაფი მსუბუქი უნდა იყოს, რომ ამ საშუალებით თავად დივანი არ დასვაროთ. წყალი, ფანჯრის საწმენდი სითხე და დანარჩენი ინგრედიენტები აუჩქარებლად დაუმატეთ. არომაზეთი სურვილისამებრ გამოიყენეთ. რამდენიმე წვეთი საკმარისია. თუ ზეთს ირჩევთ, ციტრუსის ან წიწვის ზეთს უპირატესობა მიანიჭეთ. წაუგებელი ვარიანტებია. ერთგვაროვან ხსნარში ჩვარი ჩადეთ, შემდეგ ფრთხილად გაწურეთ, რომ ჩვრიდან წყალი არ წვეთავდეს. თუ ძალიან ნაზი კანი გაქვთ, ხელთათმანები გაიკეთეთ.
დივნის გაწმენდა თავსახურით – სველი ჩვარი დივანზე გაშალეთ. ზემოდან თავსახური დაადეთ და ჩვრის კიდეები თავსახურის სახელურთან შეკრიბეთ. დივნის საწმენდი ერთგვარი უთო გამოვა. დივნის მთელ პერიმეტრზე წრიულად გადაატარეთ. რამდენიმე წუთში შედეგს დაინახავთ. ასეთი ხრიკი მცირე ჭუჭყს გაუმკლავდება. მტვერს და უსიამოვნო სუნს მოაშორებს. თუ დივანს კაპიტალური წმენდა სჭირდება, მაშინ პროფესიონალებს მიმართეთ. იმედი გვაქვს, რომ ასეთი საინტერესო ხრიკი სასარგებლო აღმოჩნდება.
