პაპარაცის დღევანდელ სტატიაში ქალი საკუთარი ოჯახის ისტორიას გვიამბობს.
ერთი წლის წინ ჩემს ცხოვრებაში დიდი უბედურება მოხდა. ჩემი შვილი მეთევზე იყო და ის ზღვაში დაიხრჩო შტორმის დროს. მას ჰყავდა მეუღლე – ლელა და ქალიშვილი – ლიზი. ლელა უკვე მეორედ გათხოვდა და ახლა ფეხმძიმედ არის.
ლიზი ხშირად ჩემთან მომყავს. მე ის ძალიან მიყვარს და ძალიან მენატრება ხოლმე. ცოტა ხნის წინ შემთხვევით გავიგე, რომ როგორც კი ლიზი რაიმეს დააშავებს, ლელა მაშინვე ბავშვთა სახლში წაყვანით ემუქრება. ლიზის ეს რომ ესმის, ძალიან ეშინია და ტირილს იწყებს.
ლელას ვთხოვე, რომ ასე აღარ მოქცეულიყო. ჩემი აზრით ეს ძალიან დიდ ტრავმას აყენებს პატარა გოგონას ფსიქიკას. ლიზი მხოლოდ 5 წლისაა. ის მამის გარეშე იზრდება.
მე მესმის, რომ მის მამინაცვალს და ლელას ის უშლის, ამიტომ ლელას ვთხოვე, რომ ლიზის ჩემთან წაყვანის უფლება მოეცა. მე თავად გავზრდიდი მას. ლელამ კი მითხრა, რომ მე მათ საქმეებში არ უნდა ვერეოდე და თავად უკეთესად იცის, როგორ უნდა აღზარდოს თავისი ქალიშვილი. ეს ძალიან მეწყინა. მე ჩემი შვილიშვილი ძალიან მიყვარს და ვხედავ, თუ როგორი მშიშარა გახდა ის ბოლო დროს.
– ის სულ წავიდა ხელიდან! საერთოდ აღარ მიჯერებს! – ყვირის ლელა.
– კი მაგრამ, შენ ხომ დედა ხარ! შენ უნდა აღზარდო! და არ უნდა დაემუქრო იმით, რომ ბავშვთა სახლში წაიყვან!
– თავად გავერკვევი, რაც უნდა გავაკეთო! წადით სახლში და ჩვენს ცხოვრებაში ნუ ჩაერევით! – გამომიცხადა ცოტა ხნის წინ ლელამ.
მე არ ჩავერეოდი, მაგრამ საქმე ჩემს ერთადერთ და საყვარელ შვილიშვილს ეხება.
უბრალოდ არ ვიცი, როგორ გავაგებინო ჩემს ყოფილ რძალს. ჩემი შვილიშვილი ძალიან მეცოდება. ვხედავ, რომ ის ძალიან უბედურია. ლელა მას ძალიან ცოტა დროს უთმობს. ის თავის ქმარზე ზრუნვით და თავისი ფეხმძიმობით არის დაკავებული. ლიზის კი ძალიან სჭირდება დედობრივი სიყვარული, ალერსი და ზრუნვა.
დარწმუნებული ვარ, რომ აღზრდის ის მეთოდი, რომელიც ლელამ აირჩია, უბრალოდ საშინელია! თუ ლიზის არ სურს თავის დროზე დაძინება, არ სურს ჭამა და არ სურს ჩაცმა და საბავშვო ბაღში წასვლა, მას მუდამ ერთი და იგივე მუქარა ესმის: ჩაალაგე შენი ნივთები, ბავშვთა სახლში უნდა წაგიყვანო.
როგორ შეიძლება საკუთარი შვილისთვის ამის თქმა?
თუ ლელა ამის გაკეთებას არ შეწყვეტს, მე მეტს ვეღარ მოვითმენ და ვუჩივლებ. ყველაფერს გავაკეთებ იმისთვის, რომ ბავშვი ჩემთან წამოვიყვანო. ჩემი შვილიშვილის დაჩაგვრის უფლებას არავის მივცემ, საკუთარ დედასაც კი.
