ჩვენ, ყველა ხშირად წესებს არ ვითვალისწინებთ, მათ უსარგებლოდ ვთვლით. მათ შორის მძღოლებიც. თუმცა ყველა მძღოლი მანქანის აღჭურვილობაში უნდა ერკვეოდეს. უნდა იცოდეს, რა უნდა ჰქონდეს მანქანაში აუცილებლად. Paparazzi გიამბობთ, რომელი ორი ნივთის გარეშე არ უნდა გახვიდეთ გზაზე.
რა უნდა გქონდეთ მანქანაში – წინასიტყვაობის გარეშე შეგვიძლია ვთქვათ, რომ მანქანაში აუცილებლად უნდა გქონდეთ 2 ნივთი: ცეცხლსაქრობი და საავარიო გაჩერების ნიშანი. ამ ნივთების არ ქონის შემთხვევაში შეიძლება დაგაჯარიმონ. ეს მთავარი არაა. მნიშვნელოვანია, რომ ამ ნივთებს თქვენი სიცოცხლის გადარჩენა შეუძლია.
- ცეცხლსაქრობი – ცეცხლსაქრობის ქონა საკმარისი არაა. უნდა იცოდეთ, სად დევს და როგორ გამოიყენოთ ხანძრის შეთხვევაში. გაოცდებით, როცა გაიგებთ, რამდენმა მძღოლმა არ იცის, სად არის ცეცხლსაქრობი მათ მანქანაში. ცეცხლსაქრობის არჩევას სერიოზულად უნდა მიუდგეთ. ეს დეკორი ან ჯარიმის თავიდან აცილების მეთოდი არაა, არამედ უსაფრთხოების ზომა. ყურადღება მიაქციეთ, რომ მუშაობდეს, ვადას დააკვირდით. გამოყენების წესებს წინასწარ გაეცანით.
- საავარიო ნიშანი – მეორე ნივთი დაგჭირდებათ, თუ მანქანა გზაზე გაფუჭდა. ნიშანი გზაზე იდგმება, რომ საგზაო მოძრაობის სხვა მონაწილეებს აცნობოს, რომ რაღაც დაგემართათ. ასე სულელურ ავარიებს თავიდან აიცილებთ. ნიშანი შესაბამისი უნდა იყოს. სწორი ფორმა და გამძლე მასალისგან დამზადებული უნდა იყოს. ნიშანი არშიით საუკეთესო ვარიანტია. ის შესამჩნევია და ქარის დაბერვისას არ წაიქცევა.
- პირველადი დახმარების ნაკრები – კანონმდებლობით გათვალისწინებულია, რომ მძღოლს მანქანაში პირველადი დახმარების ნაკრები უნდა ჰქონდეს. ამას სერიოზულად უნდა მიუდგეთ. ჯერ შეაგროვეთ წამლები, რომლებიც წესდებით გათვალისწინებულია. შემდეგ დაამატეთ ის, რაც თქვენთვის და თქვენი ოჯახისთვის აუცილებელია. ვადას ყურადღება მიაქციეთ და მედიკამენტები წესის მიხედვით შეინახეთ. ერთი შეხედვით, ამის გაკეთება სისულელეა. უკეთესია, რომ საგანგებო სიტუაციები არასდროს მოხდეს, მაგრამ ყველაფერი ხდება. ამ შემთხვევაში პირველადი დახმარების ნაკრებს ვიღაცის სიცოცხლის გადარჩენა შეუძლია.
- დამატებითი აღჭურვილობა – გზაზე სხვადასხვა სიტუაცია შეიძლება მოხდეს. ზედმეტი არაა, თუ გექნებათ სათადარიგო ბორბალი, საბუქსირო გვარლი, ავტოკომპრესორი და კლემების დამაგრძელებელი. კაბელი ზამთარში ძალიან აქტუალურია. ბატარეის ცვეთის შემთხვევაში დაგჭირდებათ. საბუქსირო გვარლი შუა გზაზე ავარიის შემთხვევაში გამოგადგებათ. მისი გამოყენებით სხვა მძღოლი უახლოეს სერვისცენტრთან მისვლაში დაგეხმარებათ. მთავარია, ხარისხიანი გვარლები გქონდეთ. ავტოკომპრესორიც შეუცვლელია. მისი დახმარებით ბორბალს დამოუკიდებლად დაბერავთ. გზაზე სასარგებლო ნივთია, როგორც სათადარიგო ბორბალი. ალბათ, ამის ახსნა საჭირო არაა. მანქანაში ხელსაწყოების ყუთის ქონა ზედმეტი არაა.
თითოეულმა მძღოლმა თავად იცის, რა გამოადგება გზაზე, თუმცა ძირითადი წესების დავიწყება არ ღირს. საგზაო მოძრაობის წესები დაიცავით. დაე, ყველა მოგზაურობა უსაფრთხო იყოს. წარმატებებს გისურვებთ!
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
