ალექსანდრა ლევჩენკო უკვე 100 წლისაა. ქალი დიდი სამამულო ომის მონაწილეა. მას რთული ბედი ხვდა წილად, მიუხედავად იმისა, რომ ალექსანდრა ომიდან ცოცხალი დაბრუნდა. ახლობლებმა მოხუცი ქალის მოტყუება შესძლეს და საცხოვრებლისა და სხვა ქონების გარეშე დატოვეს.
ქალი ლენინგრადში ცხოვრობდა. ქალს ცხოვრებამ დიდი განსაცდელი შეახვედრა – მას ქმარიც გარდაეცვალა და ვაჟიც. ლევჩენკოს ჩრდილოეთში დარჩენა არ სურდა, რადგან იქ სრულიად მარტო დარჩა. მან ჩრდილოეთ ოსეთში გადასვლა გადაწყვიტა.
ალექსანდრა ისტორიულ სამშობლოში 2002 წლამდე ცხოვრობდა. საბრალო მოხუცი მოულოდნელად „შორეულმა ნათესავებმა“ იპოვეს და ბინის სანაცვლოდ მას ცხოვრების ბოლომდე მოვლა შესთავაზეს. მოხუცი ქალი დათანხმდა და ხელი მოაწერა ხელშეკრულებას, რადგან თავის მოვლა უჭირდა და სხვა მემკვიდრეები არ ჰყავდა. თაღლითებმა ალექსანდრა მოატყუეს და უძრავი ქონების გარეშე დატოვეს.
ქალი ქუჩაში აღმოჩნდა. მას არავინ ჰყავდა, ვისაც დახმარებისთვის მიმართავდა, ყველა ახლობელი ადამიანი გარდაეცვალა.
ის სახლებში დახეტიალობდა, პურის ფულს ითხოვდა, ქუჩებში დადიოდა და ფულის შოვნასაც კი ცდილობდა. შეგახსენებთ, რომ ალექსანდრა ლევჩენკო 100 წლისაა, ამ ასაკში ის სახლებს ალაგებდა, სხვის ბოსტანს უვლიდა, საჭმელს ამზადებდა და რეცხავდა.
ქალს ბედმა გაუღიმა. გზად ის რამიზ ალიევს შეხვდა. მან საცოდავი ქალი ყურადღების გარეშე ვერ დატოვა. მამაკაცი თავდაპირველად ალექსანდრასთვის ოთახის დაქირავებას გეგმავდა, მაგრამ ბოლოს ის საკუთარ სახლში წაიყვანა.
მას ახლა არანაირი საფრთხე აღარ ემუქრება, რადგან მის მხსნელს არავითარი ბინა და ფული არ სჭირდება. კეთილი მამაკაცი მოხუცი ქალის კომფორტზე ზრუნავს და მას ეხმარება. ქალს უხარია, რომ ახლა საჭმლის ძებნა აღარ სჭირდება და თბილ სახლში ცხოვრობს.
