კომბოსტოს ტოლმა ცნობილი კერძია, რომლის რეცეპტი გამოუცდელმა დიასახლისმაც იცის. ერთი რეცეპტია, მაგრამ გემო განსხვავებული გამოდის. დამწყები მზარეული ხშირად ინტერესდება: რამდენ ხანს უნდა მოვხარშო კომბოსტოს ტოლმა? არც ერთი წამით! ტოლმა ღუმელში უნდა ჩაშუშოთ! ზოგიერთ დიასახლისს მშრალი ტოლმა გამოდის, ზოგი შიგთავსად მხოლოდ ხორცს იყენებს. კერძი ნაზი და პირში მდნობი უნდა იყოს. Paparazzi გიზიარებთ იდეალური კომბოსტოს ტოლმის მომზადების ყველა საიდუმლოს.
ინგრედიენტები:
- 3 პატარა თავი კომბოსტო
- 2 დიდი ხახვი
- 2 დიდი სტაფილო
- 0,5 კგ ღორის ხორცი
- 0,5 კგ ბრინჯი
- 2-3 ს/კ პომიდვრის პასტა
- 50 მლ არაჟანი (ან ნაღები)
- მზესუმზირის ზეთი
- მარილი და წიწაკა გემოვნებით
- 2 დაფნის ფოთოლი
- წყალი
მომზადების წესი:
- ბრინჯი გარეცხეთ, ქვაბში ჩაყარეთ, წყალი დაასხით ისე, რომ ერთ თითზე დაიფაროს. ცეცხლზე დადგით. როცა ბრინჯი ადუღდება, თავსახური ნახევრად დაახურეთ და სუსტ ცეცხლზე წყლის აორთქლებამდე ხარშეთ. როცა დაინახავთ, რომ წყალი არაა, ქურას მოაშორეთ და გვერდზე გადადეთ. ბრინჯს გაგრილება აცადეთ.
- კომბოსტოს ხიკვი ამოაჭერით. მდუღარე მარილიან წყალში ჩადეთ, რომ დაიორთქლოს. დარბილებული ფურცლები კომბოსტოს თავს მოაშორეთ და ისევ წყალში ჩადეთ. ასე გააკეთეთ მანამ, სანამ მხოლოდ დაჭმუჭნული და ტოლმისთვის გამოუსადეგარი ფურცლები არ დარჩება. ყველაზე ზედა და ბოლო ფურცლები ცალკე მოათავსეთ: მათში არ ვახვევთ. ცივ ფურცლებს სქელი ძარღვები მოაჭერით, რომ სწორი ზედაპირი გამოვიდეს.
- ხახვი დაჭერით, სტაფილო გახეხეთ. ტაფას ზეთი დაასხით, ხახვი და სტაფილო სუსტ ცეცხლზე შეწვით. ბოლოს პომიდვრის პასტა დაუმატეთ და ქურას მოაშორეთ. ღორის ხორცი ხორცსაკეპ მანქანაში გაატარეთ.
- ბრინჯი, ხორცის ფარში, ხახვისა და სტაფილოს 2/3 ნაწილი აურიეთ, მარილი და წიწაკა გემოვნებით დაუმატეთ. შიგთავსი მზადაა. ბრინჯიანი ფარში კომბოსტოს ფურცლებს დაუმატეთ და ფრთხილად შეახვიეთ. ფურცლები შუაზე გაჭერით და პატარა კონუსის ფორმის ტოლმა გააკეთეთ. ღუმელი ჩართეთ და გაახურეთ.
- თუჯის ქვაბში ცოტა ზეთი ჩაასხით, გადადებული ფურცლები ჩააფინეთ და ტოლმები სქელ ფენად ჩააწყვეთ, თითოეული ფენა კოვზი სტაფილოსა და ხახვის ნარევით დაფარეთ. ზემოდან 1–2 დაფნის ფოთოლი დაუმატეთ. არაჟანი წაუსვით და ტოლმის დონემდე წყალი დაასხით. დარჩენილი არასტანდარტული ფურცლებით შეფუთეთ. თავსახური დაახურეთ და გახურებულ ღუმელში ადუღებიდან 1 საათით ჩაშუშეთ. კერძი 60 წუთში მზად იქნება. სუფრაზე არაჟანთან ან ნაღებთან ერთად გაიტანეთ.
იდეალური კომბოსტოს ტოლმის საიდუმლო – კომბოსტოს ტოლმის მომზადების რამდენიმე დეტალი უნდა იცოდეთ. ეს საკმაოდ რთული კერძია და მომზადების წესების ცოდნა აუცილებელია.
- ტოლმისთვის ხახვი და სტაფილო შეგიძლიათ არ შეწვათ, არამედ უმი გამოიყენოთ. ასე უფრო წვნიანი კერძი გამოვა.
- შიგთავსს ბევრი ხორცი არ დაუმატოთ. ასე უფრო გემრიელი არ გახდება.
- ტოლმა სწრაფად რომ ჩაშუშდეს, ქურაზე აადუღეთ, შემდეგ გახურებულ ღუმელში გადაიტანეთ.
- სამარხვო ტოლმა შეგიძლიათ მოამზადოთ. ხორცის ფარშის ნაცვლად სოკო გამოიყენეთ.
რეცეპტები ერთია, მაგრამ კერძი გემრიელი ვერ გამოვა, თუ განსაკუთრებულ საიდუმლო ინგრედიენტებს არ დაუმატებთ. ეს ყველას თავისი აქვს. მაგალითად, თავად სულსა და გულს ვუმატებ.
