ზოგჯერ განქორწინებულ ქალს უსიამოვნო განცდა ეუფლება, როცა ხვდება, მისი ყოფილი ქმარი ბედნიერია. ადამიანი, რომელთანაც გარკვეული ხანი იცხოვრეთ, რომელიც სიყვარულს გეფიცებოდათ და ბეჭედი გაჩუქათ, დაგშორდათ და ახლა ბედნიერია? აგრძელებს ცხოვრებას და სხვა უყვარს? უსიამოვნოა. ყველა ქალი ასე არ ფიქრობს, მაგრამ რაღაც პროცენტი მაინც არსებობს. მეორე მხრივ, ზოგიერთი ქალი ბრძნულად იქცევა და ცხოვრებას აგრძელებს. ზოგჯერ რთული სიტუაციიდან სარგებელსაც იღებს. მილიარდერი ჯეფ ბეზოსის მეუღლე ამის მაგალითია.
„საკმაოდ ეჭვიანი და მგრძნობიარე ვარ. 49 წლის ასაკშიც. არ ვიცი, ასეთი დავიბადე თუ მშობლებმა მიმაჩვიეს. გავიზარდე უზრუნველ ოჯახში, ერთადერთი შვილი ვარ. ოჯახში მთავარი დედა იყო და ის მზრდიდა. ჩემი ბავშვობა ზღაპრული არ ყოფილა, მაგრამ ზოგიერთ თანატოლს ჩემი შურდა. ახალგაზრდობაში ჩემი მოწოდება ვიპოვე. მაკიაჟის ხელოვნება. საათობით სარკის წინ გალამაზება და სხვადასხვა იმიჯის შექმნა, გარეგნობაზე ზრუნვა მომწონდა. ზოგი ამას ნარცისიზმს უწოდებს, მაგრამ ქალი ასეთი უნდა იყოს. უნდა ატაროთ სილამაზე, რომელსაც სამყაროს გადარჩენა შეუძლია.
მოგვიანებით, როცა გლამურობა სამარცხვინოდ აღარ ითვლებოდა, ყურადღებას მაქცევდნენ. ბევრი თაყვანისმცემელი მყავდა, მაგრამ დაწვრილმანება არ მჩვევია და ერთხელ მომავალი მეუღლე გავიცანი. რომანი გავაჩაღეთ, მასში ყველაფერი მომწონდა და მალე დავქორწინდით. ქმარი შეძლებულია. გარეგნობისადმი ჩემს ლტოლვას პატივის სცემდა და თავისი წვლილი შეჰქონდა. სასაცილოა, მაგრამ ერთი დღეც არ მიმუშავია. ვგულისხმობ, სამსახურს ხელფასით. თუმცა ოჯახის კერაზე ზრუნვაც სამსახურია. მით უფრო, ვაჟი გაგვიჩნდა და ყველა ქალმა იცის დედობის სიმძიმის შესახებ.
ოჯახურ ცხოვრებას ღიმილით ვიხსენებ. სამოგზაუროდ ხშირად დავდიოდით. ალბათ, მსოფლიოს ყველა სამზარეულოს კერძი გავსინჯე. მეუღლე დღესასწაულებზე საჩუქრებით მანებივრებდა. ბრილიანტები ქალის საუკეთესო მეგობარია, ასე ამბობდა ცნობილი მსახიობი. ვინ ვარ, რომ შევეწინააღმდეგო? მაგრამ ყველაფერი მთავრდება. ახალგაზრდა არ ვხდები. ყოველწლიურად მეტოქეთა რაოდენობა იზრდება. ჩემი ქმარი ერთ ასეთი ქალის კლანჭებში მოხვდა. ამის შესახებ მათი ურთიერთობიდან მხოლოდ 1 წლის შემდეგ გავიგე. ზოგიერთმა ქალმა იცის უსიამოვნო ნიშნების შემჩნევა: გრძელი თმა პერანგზე, ქალის სუნამო და სხვა. ჩემი შემთხვევა ბანალური იყო: ქალი ხმა მობილურის დინამიკიდან.
რთული საუბარი გვქონდა. უფრო ჩხუბი. ბევრი ვიყვირე, ვიტირე და ხელები ვიმტვრიე. სარკეც გავტეხე. ქმარი ყველაფრის გამოსწორებას დამპირდა, მამშვიდებდა, წარსულის გახსენებას ცდილობდა და დავუჯერე. 1 დღე მივეცი, რომ ის ქალი მიეტოვებინა, შვილთან ერთად სამოგზაუროდ წავედი, დაბრუნებისას ყველაფრის თავის ადგილზე დატოვება გადავწყვიტე. ოჯახის დანგრევა არ მინდოდა.
ალბათ, უკვე იცით, რაც მოხდა. ჩემმა ქმარმა ისევ მიღალატა. უფრო მეტიც, ის ქალი დაორსულდა. ამჯერად, უფრო შორს წავიდა. არაფერს მთხოვდა, ჩუმად იყო და რაღაცაზე ფიქრობდა. დრო მთხოვა, რომ მოეფიქრებინა, როგორ მოქცეულიყო. ანუ ახლა ინიციატივა ჩემს ხელში იყო. თავად არაფრის გაკეთება მსურდა. ჩემი პოზიცია ურყევი იყო: დაე, ის ქალი ჩემი ცხოვრებიდან გაქრეს. არაფრის მოსმენა მინდოდა. ქმარი წავიდა და სახლში მარტო დავრჩი. შვილი შორს იყო, არავინ მიშლიდა ხელს, რომ მეყვირა და მეტირა. საღამოს დედას დავურეკე და სადღაც სუფთა ჰაერზე შეხვედრა შევთავაზე.
კაფეში შევხვდით. ყველაფერი ვუამბე. ცრემლების შეკავებას ვცდილობდი, მაგრამ ძალიან მიჭირდა. დედამ მომისმინა და დამშვიდება მირჩია. აღიარა, რომ ამას არ მოელოდა. მე ხომ პირველ და ერთადერთ მამაკაცთან ამდენი წელი გავატარე. და ეს სიმართლეა. „განქორწინებაში ცუდი არაფერია. სტატისტიკის მიხედვით, ქორწინების ნახევარი ადრე თუ გვიან ინგრევა. დაფიქრდი, რა გაქვს. შვილი გყავს, ქმარი მდიდარია. მიმზიდველი და შედარებით ახალგაზრდა ხარ. ეს გამოიყენე. შენი ქმარი ერთადერთი მამაკაცი არაა. ამაზე მაღლა დადექი. და უფრო ჭკვიანი იყავი“.
როცა ყოფილ ქმარს შევხვდი (სწორად მიხვდით), სხვა ატმოსფერო იყო. რა თქმა უნდა, არ ვიღიმოდი, მაგრამ თავშეკავებული ვიყავი. ვუთხარი, რომ მისი მესმის. ვერ ვაპატიებდი, მაგრამ რთული გარემოების მიღება შემეძლო. ახლა უბრალოდ მინდა გავიგო, ისევ ვუყვარვარ თუ არა. აღმოჩნდა, რომ არა. მისი ახალი რჩეული, 30 წლის ქალი, მის გულში უკვე დასახლდა. მთელი ეს დრო ურთიერთობას მხოლოდ ჩემს მიმართ პატივისცემის გამო მალავდა. ვუპასუხე, რომ კონფლიქტი არ მინდა და მშვიდად განქორწინება მირჩევნია. მაინც ერთ დროს ერთმანეთი გვიყვარდა. მისი რეაქცია მყისიერი იყო. გაახალგაზრდავდა. დამნაშავესავით გაიღიმა და ჩამეხუტა, მაგრამ როგორც უცხომ. მადლობა გადამიხადა და მარწმუნებდა, რომ მისი იმედი შემეძლო მქონოდა.არ ეგონა, რომ ზრდასრული და გონიერი ქალივით მოვიქცეოდი.
აი ასე. ახლა ჩემს შვილთან ერთად ძველ სახლში ვცხოვრობ. თუ ორსართულიან სასახლეს თანამედროვე რემონტით „ძველს“ ვუწოდებთ. მანქანა დამიტოვა, მაგრამ ტარება ვერ ვისწავლე. ეს მოგვარებადია. ალიმენტი, რომელსაც ყოველთვე მიხდის, ქალაქში საუკეთესო მძღოლის დაქირავების საშუალებას მაძლევს. თუმცა დიდად არ მჭირდება. ტაქსი უფრო მოსახერხებელია. ზოგჯერ ერთმანეთს ვხვდებით. რამდენჯერმე საცოლეც ახლდა. საყვარელი გოგოა, თუმცა რას ველოდი? რომ მოხუც და უშნო ქალზე გამიცვლიდა? არ ვეჭვიანობ. მე ხომ მყავს შვილი, მაქვს კომფორტული ცხოვრება. დიახ, ჩემი ყოფილი ბედნიერია. მე მომავალი მაქვს. გამოჩნდება თუ არა ვინმე ჩემს ცხოვრებაში, მხოლოდ ჩემი გადასაწყვეტია. არსად ვჩქარობ, განქორწინებულის ცხოვრება ბოლომდე ვერ გამოვცადე. იქნებ, მართლა მომეწონოს?“
