მოდით ვისაუბროთ ზოდიაქოს ნიშნებზე და მათ თვისებებზე. უფრო კონკრეტულად კი, ყურადღება ტყუპებზე გავამახვილოთ. ტყუპების სასიყვარულო ურთიერთობები შეიძლება სხვადასხვა გზით განვითარდეს, იმისდა მიხედვით, თუ ვისთან აპირებენ ისინი ახალი კავშირის შექმნას. თუმცა, უმეტეს შემთხვევებში ტყუპები დასაწყისიდანვე შეეცდებიან დომინირებას. ასეთია მათი ბუნება.
თუმცა ეს საქციელი არ ნიშნავს იმას, რომ ტყუპები ცუდი ნიშანია. მისი ლიდერობა ზოგიერთისთვის ძალიან შესაფერისია, ზოგი კი ამით აღფრთოვანებული არ არის. და ეს ნორმალურია, იდეალები ამ მხრივ უბრალოდ არ არსებობს. თუმცა სამომავლოდ კარგი იქნებოდა იმის ცოდნა, ვინ დგას შენს წინ და რას უნდა ელოდო მისგან. ამაში კი, პაპარაცის რედაქციის მიერ მომზადებული დღევანდელი სტატია დაგეხმარებათ.
ტყუპების სასიყვარულო ურთიერთობა
დავიწყოთ იმით, რომ ტყუპების სტიქია ჰაერია. როგორც წესი, ამ ადამიანებს აქვთ განვითარებული ინტელექტი, ქარიზმა და სხვების ხელმძღვანელობაც კი შეუძლიათ.
ტყუპები ვერ ხედავენ სხვებში იმას, რასაც საკუთარ ანარეკლში ხედავენ. ამიტომ მათ შეუძლიათ ადვილად დაამცირონ ადამიანი, თვლიან, რომ ის არ არის საკმარისად კარგი, რომ იყოს მათი თანასწორი. ეს განსაკუთრებით მწვავედ ვლინდება ბავშვობაში. სხვა ბავშვის შეურაცხყოფა, დაცინვა, საიდუმლოს გაცემა, რომელიც ცოტა ხნის წინ ვიღაცამ გაუზიარა. ეს ყველაფერი დამახასიათებელია ტყუპებისთვის.
გაზრდის და ცხოვრების წესების გაგების შემდეგ, ტყუპები, რა თქმა უნდა, იკავებენ საკუთარ იმპულსებს. მაგრამ ასევე ხშირად ხდება, რომ შინაგანად რჩებიან იგივე ბოროტ ბავშვად, რომელსაც მხოლოდ ერთი სიხარული აქვს ცხოვრებაში – დაჩაგროს ის, ვინც უფრო სუსტია და არ შეუძლია წინააღმდეგობის გაწევა. მაგრამ ახლა ბავშვის ადგილას შეიძლება იყოს მისი ცოლი ან შეყვარებული, ბავშვურ ბოროტ საქციელს კი ტოქსიკურობა და პასიური აგრესია ანაცვლებდეს.
ტყუპების ბუნებრივი ქარიზმის გამო, ბევრს სურს მათთან მეგობრობა, ან თუნდაც კარგი ურთიერთობის ქონა. მაგრამ ეს ნიშანი მეგობრებსაც არა გულის ძახილით, არამედ ანგარებით ირჩევს. ასე რომ, თუ ვინმე მისი ახლო სამეგობრო წრიდან პროფესიულად ან სოციალურად წარუმატებელი გახდება, ის მაშინვე ამოიშლება მეგობრებისა და ამხანაგების სიიდან. უარეს შემთხვევაში, მას საჯაროდაც დასცინებენ.
მაგრამ როდესაც ტყუპებს რაღაც უჭირთ, შორეული ნაცნობებიც კი სასწრაფოდ მიისწრაფვიან დასახმარებლად. ყველას სურს დაეხმაროს, დანარჩენებისგან გამორჩეული იყოს. გარკვეული პერიოდის განმავლობაში მათ შეუძლიათ მიიღონ პასუხი, ქება გაწეული დახმარებისთვის. მაგრამ ეს დამოკიდებულება დიდხანს არ გაგრძელდება. ქებას ჩვეულებრივ გულგრილობა და აპათია მოჰყვება. იმ შემთხვევაშიც კი, თუ მათთვის გმირობა ჩაიდინეს.
ზოგიერთმა შეიძლება ტყუპები ორგულობაში დაადანაშაულოს. თვით ნიშანიც კი პირდაპირ მიუთითებს ამაზე. მაგრამ თუ დაფიქრდებით, ცხადი გახდება, რომ ეს ასე არ არის. თავად ტყუპების არსი იმაში მდგომარეობს, რომ იყვნენ იქ, სადაც მათთვის ყოფნა სასარგებლოა. ეს ნიშანი არ ეძებს მომენტს, რათა ვინმემ თავი ცუდად იგრძნოს. რა ქნას, თუკი თავისი მიზნების წინ ის ვერ ამჩნევს სხვა ადამიანების ინტერესებს და მისწრაფებებს? ასეთია მათი ბუნება.
ტყუპების კიდევ ერთი გამაღიზიანებელი თვისება განწყობის სწრაფი ცვლილებაა. შესაძლოა, რაღაც მომენტში კარგ განწყობაზე არ იყოს, ორიოდე წუთის შემდეგ კი ბედნიერებისგან ანათებდეს. თუმცა, ამ ხნის განმავლობაში არაფერი მომხდარა. სანამ ჩვენ გავარკვევთ, თუ რა მოხდა სინამდვილეში, ის უკვე შეიჭმუხნება და აუტანელ განწყობაზე დადგება. შეიძლება გარედან სასაცილოდ გამოიყურებოდეს, მაგრამ ცხოვრებაში ასეთი ხრიკები ნერვულ სისტემას აზიანებს.
ეს საქციელი ალბათ ხსნის იმას, თუ რატომ უჭირთ ტყუპებს რაიმე საქმის ბოლომდე მიყვანა. მათ რაღაც პერსპექტიული იდეა უჩნდებათ, მისი პერსპექტიულობის შესახებ ყველას უყვებიან, შემდეგ კი, როდესაც მისი განხორციელების დრო მოდის, ინტერესი მაშინვე უქრებათ. ამის გამო მათ გარდა სხვებიც ზარალდებიან.
ზარალდებიან ადამიანები, რომლებსაც ამ იდეის სჯეროდათ. მათ დახარჯეს დრო და ძალისხმევა, რადგან ტყუპებისთვის ნდობის მოპოვება ძალიან მარტივია. მათ ნამდვილად შეუძლიათ ადამიანების დარწმუნება, რომ მომავალი წამოწყება მარტივი და საინტერესო იქნება. და ყველაზე გადამწყვეტ მომენტში… რაღაც უფრო საინტერესო გამოიძებნება.
რაც შეეხება მნიშვნელოვან მომენტებს ოჯახში, როგორიცაა ახალი სახლის ყიდვა ან ბავშვის გაჩენა, ტყუპებს შეუძლიათ კრიტიკულ მომენტში უკან დახევა. არა მომავლის შიშის გამო, არამედ უბრალოდ იმიტომ, რომ ამ იდეას საკუთარი თავისთვის არასაკმარისად საინტერესოდ თვლიან. ამიტომ განქორწინებების საკითხში ტყუპები ჩემპიონებად ითვლებიან.
მაგრამ მათთან ურთიერთობის გაწყვეტა მათი სურვილის გარეშე, შესაძლოა მათთვის ძალიან მტკივნეული იყოს. ტყუპებმა კარგად იციან ადამიანის სუსტი მხარეები. თუმცა, მათ ასევე იციან მათი ძლიერი მხარეებიც. და ისინი საერთოდ არ ერიდებიან ამის გამოყენებას. ასე რომ, ვინც გადაწყვეტს ამ ნიშანთან ურთიერთობის გაწყვეტას, უნდა მოემზადოს ფსიქოლოგის კაბინეტში ხშირი ვიზიტებისთვის. ტყუპებმა ჩხუბის დროს იციან როგორ გამოიტანონ ყველაფერი ცუდი სააშკარაოზე, რათა მოგვიანებით იგრძნონ სრული კმაყოფილება.
და მაინც, ზოდიაქოს ამ ნიშნის ყველა წარმომადგენელი არ არის ისტერიული სინდრომის მქონე მანიპულატორი. მათ ბევრი კარგი თვისება აქვთ. ხშირად ისინი შემოქმედებითი ადამიანები არიან, თუმცა თავებში საკუთარი “ტარაკნებით”. მათ თავისებური მიდგომა სჭირდებათ. იდეალური იქნება, თუ მათი მეორე ნახევარი იქნება ძლიერი პიროვნება, რომელიც მის პროვოკაციებს არ წამოეგება.
ტყუპებთან ურთიერთობის დაწყებამდე, ეცადეთ, აწონ-დაწონოთ დადებითი და უარყოფითი მხარეები. მხოლოდ ამის შემდეგ გადაწყვიტეთ შეძლებთ თუ არა მასთან ურთიერთობას. პერსპექტივები და ინტრიგა შეიძლება გადაიქცეს რაღაც კარგ რამედ ან კოშმარად. თუმცა ცხოვრება სწორედ ასეთი არჩევანისგან შედგება. ასეა თუ ისე, ისინი ყველას იმასთან მიიყვანენ, რაც ბედმა დაუწესათ.
