ოპტიკური ილუზიების გამოყენება შეიძლება არა მხოლოდ გასართობად, არამედ საინტერესო ფსიქოლოგიური ტესტებისთვისაც. მთავარია, რომ ადამიანმა მომენტალურად აღნიშნოს, თუ რა დაინახა ყველაზე პირველად. ამ ინფორმაციის გაშიფვრა კი უკვე გამოცდილ სპეციალისტს შეუძლია, პიროვნებაზე უფრო მეტი ინფორმაციის მოსაპოვებლად.
დღეს პაპარაცის რედაქცია ასეთი მარტივი ტესტის გავლას გთავაზობთ. შეხედეთ ზემოთ მოცემულ სურათს და უკეთ გაიცანით საკუთარი თავი. რასაც პირველ რიგში შენიშნავთ, სწორდ ის იქნება კითხვაზე პასუხი. განმარტებები კი – ჩვენს დღევანდელ სტატიაში წაიკითხეთ.
შეიცანი საკუთარი თავი
1. თუ პირველ რიგში სპილო დაინახეთ, ეს გახასიათებთ, როგორც ცოტა ზარმაც ადამიანს. თქვენ არ გიყვართ ძალიან ბევრი ძალისხმევის დახარჯვა, სასურველის მისაღწევად. თქვენ ხშირად ფიქრობთ იმაზე, როგორ გაამარტივოთ თქვენი სამუშაო და შეიძლება თუ არა რაიმე საქმეზე საერთოდ უარის თქმა.
ასეთ ადამიანს დიდხანს საწოლში წოლა და მომავლის გეგმებზე ფიქრი უყვარს, თუმცა არ ჩქარობს მათ განხორციელებას. მას უსაქმურს ვერ ვუწოდებთ, მაგრამ ის იმ ადამიანთა რიცხვს მიეკუთვნება, რომელთაც სრული მოდუნების მომენტები სჭირდებათ.
2. აქტიური ადამიანები, რომელთა ენერგიაც უსაზღვროა – პირველ რიგში ქალის სახეს ხედავენ. თქვენ სიამოვნებით იღვიძებთ ყოველ დილით და ამას რაც შეიძლება ადრე აკეეთებთ, რათა მეტი მოასწროთ.
ასეთ ადამიანს უამრავი სხვადასხვა საქმე და გატაცება აქვს. მას ახარებს ეს მრავალფეროვნება და აქედან იღებს შთაგონებას ახალი წამოწყებებისთვის. ასეთი აქტიური პიროვნების ტვინიც მუდამ მოძრაობაში და ახალი იდეების ძებნაშია.
კიდევ ერთი ტესტი
სტატია ასე მალე რომ არ დავასრულოთ, კიდევ ერთ საინტერესო ტესტს გთავაზობთ, რომელიც ქცევის თავისებურებებს გამოავლენს რომანტიკულ ურთიერთობებში. ტესტს ერთ წუთზე მეტი არ დასჭირდება. უბრალოდ შეხედეთ ქვემოთ მოცემულ სურათს და დაიმახსოვრეთ, რა დაინახეთ პირველ რიგში. განმარტებები – ქვემოთ წაიკითხეთ.
1. მოხუცის სახეს პირველ რიგში ისინი ხედავენ, ვისაც საკუთარი ურთიერთობების გვერდიდან დანახვა შეუძლია. თქვენ ყოველთვის აკონტროლებთ ზოგად სურათს და გრძნობები თავს არ გაკარგვინებენ. რომანტიკული კავშირი გექნებათ მხოლოდ იმ ადამიანთან, რომელიც თავადაც ჩადებს ამ ურთიერთობაში საკუთარ რესურსებს.
2. ცხენზე ამხედრებულ მამაკაცს ხედავენ ისინი, ვისაც მიმდინარე ურთიერთობები არ მოსწონთ. შესაძლოა, მათ გვერდით შესაფერისი მამაკაცია, მაგრამ არსებობს ნიუანსები, რომლებიც ყველაფერს აფუჭებს. თანაც იმდენად აფუჭებს, რომ ურთიერთობების გაწყვეტა უკვე ძალიან ახლოს არის. შესაძლებელია თუ არა ამ ყველაფრის გამოსწორება?
3. მდინარის ნაპირზე მწოლიარე გოგონას ხედავენ ადამიანები, რომლებიც უკვე იმედგაცრუებულნი არიან ნამდვილი სიყვარულის ძიებაში. ახალი ურთიერთობები არ იზიდავთ, უფრო აშინებთ, რადგან არსებობს დიდი რისკი, რომ ყველაფერი მორიგი იმედგაცრუებით დამთავრდება. ალბათ უნდა ადროვოთ საკუთარ თავს, აზრებისა და გრძნობების წესრიგში მოსაყვანად.
4. ქვის თაღის ნახვას ახერხებენ ისინი, ვისაც ყველაზე მეტად სიახლე და თავგადასავლები უყვართ და არა სტაბილურობა. ურთიერთობები მათ ბორკილებად მიაჩნიათ, რომლებითაც თავს იბამენ. ნუ დანებდებით, რადგან სავსებით შესაძლებელია თქვენივე მსგავსი პარტნიორის პოვნა.
