თითქმის ყველა მოაგარაკე, რომელსაც სათბური აქვს, პომიდვრის მოშენებით არის დაკავებული. მიუხედავად იმისა, რომ ამ ბოსტნეულს კარგი მოვლა სჭირდება, ბევრი მებოსტნე მაინც სიამოვნებით რგავს მას, დიდი და წვნიანი ხილის მისაღებად. პომიდორი სასურველ კაშკაშა წითელ შეფერილობას მხოლოდ სასურველი სითბოსა და სინათლის პირობებში იღებს. პაპარაცის დღევანდელ სტატიაში გიამბობთ, თუ როგორ უნდა დააჩქაროთ პომიდვრის მომწიფების პროცესი, რათა რაც შეიძლება მალე მიიღოთ დიდი ხნის ნანატრი მოსავალი.
ზოგიერთი მებოსტნე სათბურში პომიდვრის მოყვანისას გარკვეულ ხრიკებს მიმართავს. შედეგად, ისინი იღებენ ხარისხიან მოსავალს, რომელიც ვადაზე ადრე მოდის. რა ხრიკებს მიმართავენ გამოცდილი მებოსტნეები?
რის მეშვეობით შეგვიძლია დავაჩქაროთ სათბურში პომიდვრის მომწიფება
იოდი
პომიდვრის გაწითლების დასაჩქარებლად ყველაზე ეფექტური მეთოდია – იოდის გამოყენება. ამ სააფთიაქო პროდუქტის აორთქლება, რომელიც ძალიან იაფი ღირს, ხელს უწყობს პომიდვრის ზრდის სტიმულირებას. ასევე, იოდის გამოყენება ხელს უშლის ნაყოფზე ნახეთქების და სოკოს გაჩენას. ამისათვის, ზაფხულის პირველ ნახევარში სათბურის კუთხეებში იოდის ღია ფლაკონები უნდა ჩამოკიდოთ (6 კვადრატულ მეტრზე 4 ფლაკონი).
გახსოვდეთ, რომ ნივთიერება დროთა განმავლობაში აორთქლდება. ამიტომ, ფლაკონები რეგულარულად უნდა შეცვალოთ ახლით. აღსანიშნავია, რომ სათბურში ყოფნა, სადაც იოდის ორთქლია, დიდხანს არ შეიძლება. ამან შეიძლება უარყოფითად იმოქმედოს თქვენს ჯანმრთელობაზე, ფრთხილად იყავით.
დამატებითი მეთოდები
სათბურის პირობებში პომიდვრის დამწიფების დაჩქარება კიდევ ორი საიმედო მეთოდის გამოყენებით შეგიძლიათ, რომლებიც ბრწყინვალე შედეგის გარანტიას იძლევა.
სპირტის ინექცია. პომიდორი ისევ მწვანეა, მაგრამ უკვე მიაღწია ჯიშურ ზომას? გაუკეთეთ მას ინექცია იმ ადგილას, სადაც ყუნწია მიმაგრებული. პომიდორში შეიყვანეთ 0,5 მლ ჩვეულებრივი არაყი. 2 კვირის შემდეგ პომიდორი გაწითლებას დაიწყებს.
ჭინჭრის ნაყენი. 10 ლიტრი სუფთა წყალი ადუღებამდე მიიყვანეთ. ცხელ სითხეში მოათავსეთ 7 მცენარე (არა ახალგაზრდა). დაელოდეთ სანამ ნაყენი მთლიანად გაცივდება. შემდეგ გადაწურეთ. მიღებული ჭინჭრის ნაყენი ჩაასხით შესასხურებლიან ბოთლში და პომიდვრის ნაყოფსა და ფოთლებს დაასხურეთ.
ერთ-ერთი ამ მეთოდის გამოყენებით, შეძლებთ მნიშვნელოვნად დააჩქაროთ პომიდვრის გაწითლების პროცესი. ასევე, არ დაგავიწყდეთ, რომ სათბურში არ არის საჭირო მცენარეების ახლო-ახლო დარგვა. პომიდორს მზის შუქი სჭირდება, ამიტომ ასეთ პირობებში ნაყოფი მსხვილი არ იქნება და მათი მომწიფება ძალიან შენელებული იქნება.
