ყველამ, ვისაც ერთხელ მაინც გაუკეთებია კონსერვები, იცის, რომ ამ პროცესის დაწყებამდე საჭიროა ქილების სტერილიზაცია. ზოგი ამას ორთქლით აკეთებს, ზოგი კი ამისთვის ღუმელს იყენებს. ამ მეთოდებით, ქილების სწრაფ სტერილიზაციაზე ოცნებაც კი შეუძლებელია, რადგან ასეთ მეთოდებს დიდი დრო სჭირდება.
პაპარაცის დღევანდელ სტატიაში გაგიზიარებთ ქილების სტერილიზაციის სუპერ სწრაფ მეთოდს, რომელიც საშუალებას მოგცემთ დაამუშავოთ 20 ქილა 5 წუთზე ნაკლებ დროში. ამ გზით ბევრად მეტი კონსერვის მომზადებას შეძლებთ, ვიდრე ქილების დამუშავების ჩვეულებრივი მეთოდებით.
ქილების სწრაფი სტერილიზაცია: ეტაპობრივი ინსტრუქცია
სპირტის მეშვეობით
ქილების სტერილიზაციისთვის აფთიაქში შეიძინეთ სპირტი. ჯერ კარგად გარეცხეთ ქილები და თავსახურები საკვები სოდის გამოყენებით. კარგად გაავლეთ. მთელი წყალი ჩამოიწურა? შესანიშნავია! გადავიდეთ დეზინფექციაზე. ქილაში ჩაასხით სპირტით სავსე ჭიქა და დაახურეთ თავსახური. ქილა კარგად შეანჯღრიეთ მაქსიმალური დამუშავებისთვის. შემდეგ სპირტი სხვა ქილაში გადაასხით. გაიმეორეთ იგივე პროცედურა, სანამ ყველა ქილა არ იქნება მზად.
ზოგიერთი დიასახლისი სპირტის ნაცვლად სუფრის ძმარს იყენებს. უნდა აღინიშნოს, რომ ამ მეთოდს საკუთარი ნაკლი აქვს. ძმრის სუნი ქილებში დიდხანს რჩება. ამიტომ, ასეთი ქილები ჯემის ან კომპოტის დასაკონსერვებლად არ გამოდგება. ამ პრობლემის თავიდან ასაცილებლად უმჯობესია სპირტის გამოყენება.
მიკროტალღური ღუმელის გამოყენებით
თუ სპირტის შეძენის შესაძლებლობა არ გაქვთ, გირჩევთ ქილების სტერილიზაციას სხვა გზით (საკმაოდ მოსახერხებელი). ქილებში ჩაასხით ცოტაოდენი წყალი (არ უნდა იყოს 2 სმ-ზე მეტი) და მოათავსეთ მიკროტალღურ ღუმელში. დააყენეთ მაქსიმალური სიმძლავრე. ჩართეთ მიკროტალღური ღუმელი დაახლოებით 5 წუთის განმავლობაში. ქილებში წყალი დუღილს დაიწყებს და ჭურჭელი შიგნიდან მსხვილი წვეთებით დაიფარება. ეს იმის მაჩვენებელია, რომ ყველაფერი მზად არის. ქილები მიკროტალღური ღუმელიდან გამოიღეთ და წყალი გადაწურეთ. ქილები თავდაყირა დაალაგეთ მშრალ პირსახოცზე და აცადეთ გაშრობა.
მნიშვნელოვანია! გახსოვდეთ, რომ მიკროტალღურ ღუმელში შესაძლებელია ქილების სტერილიზაცია, მაგრამ არა თავსახურების.
თუ ამ ორი მეთოდით შეიარაღდებით, რომლებიც ქილების სწრაფ სტერილიზაციაში დაგეხმარებათ, კონსერვაციის პროცესი მხოლოდ სიამოვნებას მოგანიჭებთ.
