ნებისმიერ ქალს სურს ჰქონდეს გლუვი და რბილი კანი. რა პროცედურებს აღარ მიმართავს ქალი, რომ მუდამ ახალგაზრდა და ლამაზი იყოს. მკვრივი კანი ძალიან სწრაფად კარგავს თავის ელასტიურობას. კარგი ეფექტის მისაღწევად, ყოველთვის არ არის საჭირო დიდი თანხის დახარჯვა, რადგან სახისთვის არსებობს ჩვეულებრივი ბრინჯის წყალი. ეს მართლაც სასწაულებრივი საშუალებაა!
პაპარაცის დღევანდელ სტატიაში გიამბობთ, თუ როგორ დაგეხმარებათ ბრინჯის წყალი თქვენ და თქვენს საყვარელ ორქიდეებს გაახალგაზრდავებაში.
ბრინჯის წყალი სახისთვის
ტრადიციული მედიცინის დავიწყება ნამდვილად არ ღირს. ჩვენს ბებიებს და დედებს არ ჰქონდათ შესაძლებლობა, რომ სილამაზის სალონებში ევლოთ, თუმცა მათ უყვარდათ თავის მოვლა და ამას ყოველთვის აკეთებდნენ თავისუფალ დროს. ამისთვის გამოიყენებდნენ ბალახეულს, ტალახს და სხვადასხვა პროდუქტებს. კანის მოვლის ერთ-ერთ ასეთ პროდუქტად ბრინჯის წყალი ითვლება. მას იყენებდნენ დასაბანად საშუალებად და ასეთი წყლის შემდეგ კანი ელასტიური და ნაზი ხდებოდა.
რაში მდგომარეობს ბრინჯის წყლის საიდუმლო? ყველაფერი ძალიან მარტივია. ბრინჯი მდიდარია ვიტამინებითა და მინერალებით, რომლებიც ჩვენს ორგანიზმს ძალიან სჭირდება. სწორედ მათი წყალობით არის ჩვენი კანი ელასტიური და დაჭიმული. ბრინჯი განსაკუთრებით მდიდარია B ვიტამინებით, კალიუმით, ფოსფორით, ამინომჟავეებით და ასე შემდეგ. სწორედ ვიტამინების ეს კომპლექსი ანელებს კანის დაბერების პროცესს. ბრინჯის წყლით ტონიკის მომზადება ნებისმიერ დიასახლისს შეუძლია. ნახევარი ჭიქა ბრინჯი გამდინარე წყალით უნდა გარეცხოთ. ამასთანავე, ბრინჯი უნდა იყოს უხეში, არ უნდა იყოს გაპრიალებული ან ორთქლში გატარებული. ამის შემდეგ ბრინჯი სუფთა ქილაში გადაიტანეთ და დაასხით ერთი ჭიქა გაფილტრული სუფთა წყალი.
ბრინჯის წყლის რეცეპტი
დააფარეთ თავსახური და გააჩერეთ თბილ ადგილას 6 საათით, დროდადრო ურიეთ. ამის შემდეგ, ფრთხილად გაფილტრეთ, ჩაასხით ბოთლში და ამ ტონიკით სახე დღეში ორჯერ – დილით და საღამოს გაიწმინდოთ. შეინახეთ ტონიკი მაცივარში, მაგრამ არა უმეტეს 5-7 დღისა. სხვათა შორის, თუ გეშინიათ, რომ ამ პერიოდში მთელ ამ საშუალებას ვერ მოიხმართ, მაშინ შეგიძლიათ ის ორქიდეის მოსარწყავად გამოიყენოთ.
ბრინჯის წყალი ორქიდეებისთვის
ორქიდეას ძალიან ნაზი ფურცლები აქვს, რომლებსაც განსაკუთრებული მოვლა სჭირდება. ასევე, ძალიან ნაზია ორქიდეის ფესვებიც. თუ გსურთ, რომ თქვენი ორქიდეა კარგად გაიზარდოს და აყვავდეს, მორწყეთ იგი ბრინჯის წყლით. ორქიდეა მშვენიერი ყვავილია, რომელიც მზერას იზიდავს. თუ სწორად მოუვლით, ის დიდი ხნის განმავლობაში გაგახარებთ ყვავილების უზარმაზარი თაიგულებით. ნებისმიერი ცოცხალი ორგანიზმის მსგავსად, ორქიდეასაც სჭირდება ვიტამინებითა და სასარგებლო ნივთიერებებით კვება. ბრინჯის წყალი სწორედ ასეთი მკვებავი ელექსირია ორქიდეებისთვის. ის შეიცავს ყველა საჭირო ვიტამინს სტაბილური ზრდისა და ყვავილობისთვის.
მომზადების მეთოდი იგივეა, რაც სახისთვის. მომზადების შემდეგ ბრინჯის წყალი შეგიძლიათ გადაანაწილოთ. ერთი ნაწილი სახისთვის გამოიყენეთ, ხოლო მეორე ნაწილი ორქიდეის გასანაყოფიერებლად. მორიგი მორწყვის წინ ორქიდეის ფესვები ბრინჯის წყალში მოათავსეთ.
აცადეთ, რომ ორქიდეა რამდენიმე წუთის განმავლობაში ამ წყლით დატკბეს, შემდეგ კი ამოიღეთ. გაიმეორეთ ეს პროცედურა ყოველ ორ კვირაში ერთხელ, ყვავილობის დაწყებამდე. ახალი კვირტები უფრო მკვრივი, ძლიერი და ფუმფულა გახდება და ორქიდეა თავისი ყვავილობით კიდევ უფრო დიდხანს გაგახარებთ.
