ჩვენი ხასიათის თავისებურებები სხეულის ძალიან მცირე მოძრაობებშიც კი ვლინდება. ყურადღებიანი ადამიანისთვის რთული არ არის იმის გაგება, თუ როგორი ადამიანი დგას მის წინ და რა ემოციები მძვინვარებს მასში ამ წუთში. პაპარაცის დღევანდელ სტატიაში გთავაზობთ სახალისო ტესტს გადაჯვარედინებული ხელების მიხედვით.
დასაწყისისთვის გირჩევთ, რომ სრულად მოდუნდეთ. შემდეგ შეეცადეთ მიიღოთ თქვენთვის ყველაზე ჩვეული პოზა გადაჯვარედინებული ხელებით. მზად ხართ? შემდეგ დაასახელეთ ხელი, რომელიც მეორე ხელის ზემოდან აღმოჩნდა. ამის შემდეგ გადადით ამ სწრაფი ფსიქოლოგიური ტესტის გაშიფვრაზე.
ტესტის შედეგები
პოზა №1
თუ ხელების გადაჯვარედინებისას ყველაზე ხშირად მარჯვენა ხელს დებთ მარცხენაზე, მაშინ თქვენში რაციონალიზმი ჭარბობს. ბუნებამ რკინის ლოგიკით დაგაჯილდოვათ, რომელიც გეხმარებათ როგორც ყოველდღიურ ცხოვრებაში, ასევე სამსახურში. თქვენთვის ფაქტები პირველ ადგილზეა, გრძნობები კი მეორეზე. თქვენ არ ჩქარობთ დასკვნების გამოტანას. თქვენ მათ აკეთებთ მხოლოდ არსებული ინფორმაციის სრული ანალიზის შემდეგ.
ის, რომ ემოციებს არ ყვებით, ძალიან გეხმარებათ კარიერის შექმნაში. თქვენ გიცნობენ, როგორც ძალიან ორგანიზებულ და შრომისმოყვარე ადამიანს, რომლიც გრძნობებს არ ჰყვება. ცივი გონება არის თქვენი თანაშემწე ახალი კარიერული სიმაღლეების მიღწევაში.
რაციონალიზმი და ლოგიკა სამსახურში ნამდვილად გეხმარებათ, მაგრამ ზოგჯერ ზედმეტი სიცივე პრობლემად იქცევა პირად ურთიერთობებში. ნუ შეგეშინდებათ თქვენი ნამდვილი გრძნობების გამოვლენის, რომლებსაც განიცდით. გახსოვდეთ, რომ მათი გამოვლენა არ არის სისუსტის ნიშანი.
პოზა №2
როცა ხელების გადაჯვარედინებისას, მარცხენა ხელი ზემოდან არის მოქცეული? ეს ნიშნავს, რომ ბუნებამ ძლიერი ინტუიციით დაგაჯილდოვათ. თქვენ ხართ ადამიანი, რომელიც საკუთარ ინტუიციას ეყრდნობა და ამას უმიზეზოდ არ აკეთებს. თქვენ ხელმძღვანელობთ არა თქვენი გონებით, არამედ ემოციებით. ხანდახან ეს ემოციები გძლევთ და არასწორ არჩევანს აკეთებთ. ეს დიდი მინუსია.
მაგრამ უნდა ითქვას, რომ გული ძალიან იშვიათად გღალატობთ. თქვენ ხართ ემპათი, რის წყალობითაც ძალიან მარტივად გრძნობთ სხვა ადამიანების განწყობას. ყოველთვის ახერხებთ სწორი სიტყვების პოვნას, რათა მხარი დაუჭიროთ ადამიანს რთულ დროს. თქვენი ინტუიცია ამისთვის ყველაზე სწორ ფრაზებს გვთავაზობთ.
ასე გადაჯვარედინებული ხელები ასევე მიუთითებს იმაზე, რომ საკმაოდ შემოქმედებითი ადამიანი ხართ. ამის გამო, თქვენ უნდა მოძებნოთ პროფესიები, რომლებიც დაკავშირებულია ხელოვნებასთან, სპორტთან, ფსიქოლოგიასთან ან სულიერ პრაქტიკებთან. ამ გზით თქვენ შეძლებთ სრულად გახსნათ საკუთარი პოტენციალი.
თუ თქვენ შესძელით თქვენთვის ბუნებრივი პოზის მიღება ხელების გადაჯვარედინებით, ჩათვალეთ, რომ ეს შედეგები ზუსტია.
