ბევრმა ჩვენგანმა იცის, რა რთული შეიძლება იყოს ცხოვრება, როცა მხოლოდ საკუთარი თავის იმედი გაქვს. ამიტომ, როცა ადამიანს დახმარება სჭირდება, განსაკუთრებით ახლობელს, ვცდილობთ შეძლებისდაგვარად დავეხმაროთ. მაგრამ, სამწუხაროდ, ზოგიერთი ადამიანი სხვების დახმარებას ისე აღიქვამს, როგორც მოცემულობას. უნდა ვუთხრათ თუ არა უარი ასეთ ადამიანებს დახმარებაზე, თუ მათ ეს ძალიან სჭირდებათ? რთული კითხვაა.
პაპარაცის დღევანდელ სტატიაში გაგიზიარებთ მკითხველის ისტორიას, რომელმაც მეგობრის თქმით, ძალიან დიდი თანხა ითხოვა დახმარებისთვის.
საჭიროა დავეხმაროთ ადამიანს
მეზობელ ლიასთან ყოველთვის კარგი ურთიერთობა მქონდა. თითქმის თანატოლები ვართ და ბავშვობიდან ვმეგობრობდით. ჯერ ის გათხოვდა, შემდეგ კი მე. ჩვენი შვილებიც ერთმანეთის მიყოლებით დაიბადნენ. მე მარტში გავაჩინე ვაჟი, ლიამ კი ივნისში ქალიშვილი. მთელი ამ წლების განმავლობაში მე და ჩემი მეზობელი ერთმანეთს ისე ვეხმარებოდით, როგორც შეგვეძლო, რადგან ორივე გაჭირვებულად ვცხოვრობდით და გვესმოდა, რას ნიშნავდა ეს. სამწუხაროდ, ლიას პირადი ცხოვრება ვერ აეწყო. იგი ქმარს დიდი ხნის წინ დაშორდა და ამიტომ ქალიშვილს მარტო ზრდიდა. ეს ადვილი არ არის. გარდა ამისა, მას ასევე მუდმივად უწევდა დედაზე ზრუნვა და სახლის საქმეების შესრულება. რთული იყო, მას საკუთარი თავისთვის დრო აბსოლუტურად არ რჩებოდა.
როდესაც ირამ, ლიას ქალიშვილმა კოლეჯში დაიწყო სწავლა, ლიამ გადაწყვიტა, რომ სამუშაოდ საზღვარგარეთ წასულიყო და დახმარება მე მთხოვა. მას არ შეეძლო დედამისის ასე მიტოვება, მას სჭირდებოდა ვინმე, ვინც მასთან მივიდოდა და სახლის საქმეებში დაეხმარებოდა. გადავწყვიტე, რომ მას უნდა დავხმარებოდი. არ მინდოდა მეგობრის გასაჭირში მიტოვება, ამიტომ დავთანხმდი.
საქმე ისაა, რომ მე ცოტა უფრო ნაკლები საზრუნავი მაქვს. ჩემი ქმარი კარგ ფულს შოულობს, ჩემი შვილი უფასოზე სწავლობს სახელმწიფო სასწავლებელში და ჩემი მშობლები თავს კარგად გრძნობენ, მადლობა ღმერთს. მოხუცზე ზრუნვას დიდი დრო სჭირდება. ამიტომ, შევთანხმდით, რომ დედამისთან კვირაში სამჯერ მივდიოდი და ის ამაში გარკვეულ თანხას გადამიხდიდა. თანხა, რა თქმა უნდა, სრულიად სიმბოლური იყო. მაგრამ მე მზად ვიყავი ამისთვის. უცნაური იყო, მაგრამ ვგრძნობდი, რომ ლია იმედგაცრუებული იყო ამ შეთანხმებით. თუმცა, მას არჩევანი არ ჰქონდა და საბოლოოდ დათანხმდა.
მოხუცი დედის მოვლა
ასე გავიდა მთელი წელი. მთელი ამ ხნის განმავლობაში ლია უცხო ქვეყანაში ფულს შოულობდა, მე კი ლალი დეიდაზე ვზრუნავდი. სინამდვილეში, მასთან მისვლა უფრო ხშირად მიხდებოდა, რადგან ვხედავდი, რომ ასე იყო საჭირო. ხანდახან ღამითაც კი მივდიოდი, როცა ლიას დედა მოულოდნელად ცუდად ხდებოდა. ლია მიხდიდა, როგორც შეთანხმებული ვიყავით. სექტემბრის დასაწყისში იგი სახლში დაბრუნდა დასასვენებლად. მართალი გითხრათ, მეგონა, რომ რაიმე სუვენირს ჩამომიტანდა და უცხო ქვეყანაში ცხოვრების შესახებ მომიყვებოდა, მაგრამ სანახავად არც კი მოვიდა. ვიფიქრე, რომ ალბათ ბევრი საქმე ჰქონდა და აღარ შევაწუხე.
როცა მე დამჭირდა დახმარება, მხოლოდ მაშინ მივხვდი, რა იყოს ასეთი საქციელის მიზეზი. საქმე ისაა, რომ ჩემს შვილს საშუალება მიეცა, რომ ორი კვირით საზღვარგარეთ წასულიყო სასწავლებლად. მე ამისთვის საკმარისი თანხა არ მქონდა. გადავწყვიტე ლიასთვის მეკითხა, შეეძლო თუ არა 800 ევროს სესხება რამდენიმე თვით. ჩემს თხოვნას კატეგორიული უარი მოჰყვა. გარდა ამისა, ლიამ მითხრა, რომ მან უკვე ისედაც ძალიან ბევრი გადამიხადა. ნორმალური მეგობარი ხომ საერთოდ არ მოითხოვდა ფულს ასეთი დახმარებისთვის.
მისმა სიტყვებმა გამაოგნა. რამე დავაშავე? ამდენი დრო დავხარჯე დედამისზე ზრუნვაში, საკუთარი დედასავით ვუვლიდი. თანაც ამაში რაღაც გროშებს მიხდიდა, მაშინ როცა ლიას ჰქონდა შესაძლებლობა, რომ ამ დროის განმავლობაში საზღვარგარეთ კარგი ფული გამოემუშავებინა. ის კი, იმასაც ნანობს, რომ ჩემზე ფული არ დაზოგა.
მოკლედ, ჩემი მეზობელი, რა თქმა უნდა, არ დამეხმარა. გარდა ამისა, ძუნწიც მიწოდა. თუმცა… ერთი კვირის შემდეგ ის ჩემთან მოვიდა, რადგან ისევ საზღვარგარეთ აპირებდა წასვლას. მოსალაპარაკებლად მოვიდა, რომ ამჯერად დედამისზე ზრუნვისთვის ჩემთვის 100 ლარით ნაკლები გადაეხადა. მის ქალიშვილს ხომ ქალაქში ბინა სჭირდება, ფულის დაზოგვაა საჭირო. ვუთხარი, რომ არანაირი თანხის სანაცვლოდ აღარ დავეხმარებოდი. მესმის, რომ ადამიანს დახმარება სჭირდება. როგორ იქნება დედამისი აქ მარტო? მაგრამ ჩემს მიმართ ასეთ დამოკიდებულებას უბრალოდ ვერ ვაპატიებ. ადამიანურად რომ მომქცეოდა, დახმარებაზე უარს არასოდეს ვიტყოდი, მაგრამ ეს უკვე ჩემი ბრალი აღარ არის. ახლა ლია თავად გამოვიდეს შექმნილი სიტუაციიდან.
