ბევრი ბაბუაწვერას სარეველა მცენარედ აღიქვამს, მაგრამ ცოტამ თუ იცის, რომ ამ კაშკაშა ყვითელ ყვავილებს საოცარი სამკურნალო თვისებები გააჩნია. პაპარაცის დღევანდელ სტატიაში გაგიზიარებთ, თუ რა სარგებელი აქვს ბაბუაწვერას ჩვენი ორგანიზმისთვის.
ამ მცენარისგან შეიძლება დამზადდეს როგორც ჩაი, ასევე მურაბა. გამოვა ძალიან გემრიელი და ჯანსაღი! მის მომზადებას დიდი დრო არ დასჭირდება, მის სასარგებლო ეფექტს კი, ძალიან დიდი ხნის განმავლობაში იგრძნობთ.
ბაბუაწვერას სარგებელი ჩვენი ჯანმრთელობისთვის
სურნელოვანი ჩაი
ბაბუაწვერას ჩაი დიდი ხანია ცნობილია თავისი სამკურნალო თვისებებით. აი, რამდენიმე მიზეზი, თუ რატომ უნდა გამოიყენოთ იგი:
- ბაბუაწვერა შეიცავს ნივთიერებებს, რომლებიც ეხმარება ღვიძლიდან ტოქსინების და ჭარბი ქოლესტერინის გამოდევნას. ეს ხელს უწყობს ამ ორგანოს უკეთეს ფუნქციონირებას.
- ბაბუაწვერას ჩაი აუმჯობესებს კუჭ-ნაწლავის ტრაქტის მუშაობას, ეფექტურია შეკრულობასთან და სხვა პრობლემებთან ბრძოლაში.
- ბაბუაწვერას გააჩნია ინფექციის საწინააღმდეგო და ანთების საწინააღმდეგო თვისებები. ეს ხელს უწყობს ორგანიზმში ანთებითი პროცესების წინააღმდეგ ბრძოლას.
- ბაბუაწვერას ჩაის რეგულარული მოხმარება ხელს უწყობს იმუნიტეტის გაუმჯობესებას. ეს სასმელი ეხმარება ორგანიზმს სხვადასხვა ინფექციებთან და დაავადებებთან ბრძოლაში.
როგორ დავაყენოთ ჩაი სწორად
- მცენარის ფესვებიდან სასმელის მოსამზადებლად ვიყენებთ ბაბუაწვერას სრულად ჩამოყალიბებული ფესვებით. ეს მნიშვნელოვანია! შემდეგ ვიღებთ მცენარის ფესვებს და ვაქუცმაცებთ. ბაბუაწვერას ვაშრობთ ტაფაზე, ზეთის დამატების გარეშე. შემდეგ 1 ჩ/კ ფესვებს ვასხამთ 200 მლ სუფთა წყალს. მცენარეს ვადუღებთ 10 წუთის განმავლობაში. შემდეგ ვაგრილებთ, ვასხამთ ჭიქებში და ვამატებთ შაქარს, ჩვენი გემოვნებით.
- ჩაის მეორე ვარიანტის მოსამზადებლად ვიყენებთ ბაბუაწვერას ყვავილებს. აუცილებლად ვრეცხავთ ჭუჭყის მოსაშორებლად. ფურცლებს ვაცალკევებთ და ვათავსებთ ჩაიდანში. მცენარეს ვასხამთ მდუღარე წყალს. ჩაის დაყენებიდან 5 წუთის შემდეგ, სასმელს ვწურავთ საწურში. ოდნავ გაციებულ ჩაის ვამატებთ თაფლს. მზადაა!
მადისაღმძვრელი მურაბა
ბაბუაწვერას მურაბა ჯანმრთელობის თვალსაზრისით ძალიან ღირებული პროდუქტია. და აი, რატომ:
- ბაბუაწვერა შეიცავს დიდი რაოდენობით ანტიოქსიდანტებს. ანტიოქსიდანტები იცავს უჯრედებს თავისუფალი რადიკალებისგან და ხელს უშლის ნაადრევ დაბერებას.
- ანტიოქსიდანტები და ვიტამინი C, რომლებსაც ბაბუაწვერა შეიცავს, ხელს უწყობს კანის სიჯანსაღეს, ხდის მას უფრო მკვრივს და ანიჭებს მბზინვარებას.
როგორ მოვამზადოთ ბაბუაწვერას ჯემი ზამთრისთვის
საჭირო ინგრედიენტები:
- 600 გ შაქარი;
- 200 გ ბაბუაწვერა;
- 500 მლ წყალი;
- 0,5 ჩ/კ ლიმონმჟავა.
მომზადების მეთოდი:
- მაკრატლით მოჭერით ბაბუაწვერას ყვითელი ფურცლები. მოათავსეთ ისინი ქვაბში და დაასხით სუფთა წყალი. დადგით გაზქურაზე.
- ქვაბის შიგთავსი მიიყვანეთ ადუღებამდე. შემდეგ დაამატეთ ლიმონმჟავა, რომელიც დაგეხმარებათ ბაბუაწვერას კაშკაშა ყვითელი ფერის შენარჩუნებაში. შეამცირეთ ცეცხლი მინიმუმამდე.
- ქვაბი გაზქურაზე ნახევარი საათის განმავლობაში გააჩერეთ. შემდეგ გაზქურა გამორთეთ. ქვაბს დააფარეთ თავსახური. ბაბუაწვერას ნარევი ამ ფორმით 1 საათის განმავლობაში გააჩერეთ.
- მიღებული ნახარში გაწურეთ ორად დაკეცილი მარლის მეშვეობით. ფრთხილად გაწურეთ ყვავილები და შემდეგ ქვაბში მოათავსეთ. ბაბუაწვერას დაუმატეთ შაქარი და ქვაბი დადგით ცეცხლზე.
- სანამ შაქარი მთლიანად არ გაიხსნება, კარგად ურიეთ კოვზით. შემდეგ ბაბუაწვერა ადუღეთ ნახევარი საათის განმავლობაში, მორევის გარეშე.
- ჩაასხით ცხელი მურაბა სტერილიზებულ ქილებში. მჭიდროდ დააფარეთ ხუფები. დატოვეთ მურაბა ოთახის ტემპერატურაზე, სრულ გაგრილებამდე. მზადაა!
გაგრილების შემდეგ მურაბა შესქელდება და ქაფი გაქრება. პროდუქტი ფუტკრის თაფლის მსგავსი გახდება.
