ყველა არ მიჰყვება მათ, თუმცა ამაოდ.
საბჭოთა კავშირში პირველი სარეცხი მანქანები 1950-იანი წლების მეორე ნახევარში გამოჩნდა. მათ გამო რიგები იდგა, რადგან ეს მოწყობილობა დროის და ენერგიის დაზოგვის საშუალებას იძლეოდა. გასული საუკუნის 70-იან წლებში კი დიდ ქალაქებში საზოგადოებრივი სამრეცხაოები გაჩნდა. იქ, მცირე საფასურად, ტანსაცმლის გარეცხვა-გამშრალება შეეძლოთ მათ, ვისაც სახლში მანქანა არ ჰქონდა.
ახლა სარეცხი მანქანა ყველა სახლში არის. საკმარისია სარეცხი ჩაყაროთ დოლურაში, დააჭიროთ ღილაკს და დაივიწყოთ. ამ ამოცანასთან გამკლავება ბავშვსაც კი შეუძლია. მაგრამ თუ უგულებელყოფთ რეცხვის გარკვეულ წესებს, თქვენი დამხმარე მოწყობილობა შეიძლება მოულოდნელად გაფუჭდეს ან „გააფუჭოს“ ნივთები, რაც თქვენი ბრალი იქნება.
1. სწორად გაწმინდეთ სარეცხი მანქანა
სარეცხი მანქანის დოლურის შიგნით გროვდება ჭუჭყი და მრავლდება ბაქტერიები, ამიტომ სასურველია მისი გაწმენდა ყოველთვიურად. შეგიძლიათ გამოიყენოთ სპეციალური საშუალებები მაღაზიიდან ან ხელთარსებული საშუალებები: მაგალითად, ლიმონმჟავა. ასევე აუცილებელია კარზე რეზინის დეტალების, განსაკუთრებით კი ნაკეცების გარეცხვა: მათში გროვდება ტანსაცმლის ბუსუსები, კირის ნადები და მრავლდება ობი. ასევე, არ დაგავიწყდეთ ფილტრის გაწმენდა 2-3 თვეში ერთხელ.
2. მოერიდეთ სარეცხი მანქანის გადატვირთვას
მაშინაც კი, თუ ინსტრუქციებში წაიკითხავთ, რომ მანქანა უძლებს 5 კგ-მდე მშრალ სარეცხს, უმჯობესია მოათავსოთ ცოტა ნაკლები. დატოვეთ დაახლოებით ორი მუშტის ადგილი, რათა რეცხვა უფრო ეფექტური იყოს და მანქანამ უკეთ გაწუროს ტანსაცმელი.
3. არ შეინახოთ დოლურაში ჭუჭყიანი ან ნესტიანი სარეცხი
გსურთ, რომ თქვენს აპარატს ცუდი სუნი ჰქონდეს, მასში ბაქტერიები გამრავლდეს და საბოლოოდ მექანიზმი უფრო სწრაფად გაფუჭდეს? ეს მარტივია: გასარეცხი ნივთები პირდაპირ დოლურაში მოათავსეთ. გარდა ამისა, უმჯობესია სველი ნივთების დაუყოვნებლივ ამოღება, ან რაც შეიძლება მალე.
4. მიჰყევით ეტიკეტზე არსებულ ინსტრუქციებს
თუ პროდუქტის ეტიკეტზე წერია „მხოლოდ ქიმწმენდა“, დამიჯერეთ: მანქანაში რეცხვა 80%-იანი ალბათობით გააფუჭებს ნივთს. ამ შემთხვევაში მხოლოდ ხელით რეცხვა გამოდგება, ისიც, დიდი სიფრთხილით.
5. აირჩიეთ შესაფერისი სარეცხი საშუალება და რეცხვის რეჟიმი
ხანდახან ვეჩვევით ერთ უნივერსალურ სარეცხ საშუალებას და ჩვენთვის ყველაზე მოსახერხებელ რეჟიმს, უგულებელვყოფთ ნივთების მდგომარეობას და ქსოვილს, რისგანაც არის დამზადებული. ამ მიდგომით, მყისიერად დაზიანდება ნაზი ქსოვილებისგან დამზადებული ტანსაცმელი, რომელიც მოითხოვს რეცხვის სპეციალურ რეჟიმს და საშუალებას. ძლიერ დაბინძურებულ სარეცხზე კი შეიძლება ბაქტერიები დარჩეს. უმჯობესია გარეცხოთ იგი მაქსიმალურ ტემპერატურაზე.
6. ტანსაცმელი ამოაბრუნეთ
ნაზი ქსოვილებისგან დამზადებული სამოსი, ტრიკოტაჟი და სვიტერები – ამოაბრუნეთ და ისე გარეცხეთ. წინააღმდეგ შემთხვევაში, მათზე ძალიან სწრაფად გაჩნდება გორგლები და ასეთ რამეს დიდხანს ვერ ატარებთ.
7. გარეცხეთ წინდები და პატარა ნივთები სპეციალურ ჩანთებში
იმისათვის, რომ წინდები არ გაიჭედოს რეზინის მანჟეტში, ან თუნდაც ფილტრში, გარეცხეთ ისინი სპეციალურ ბადისებრ ჩანთაში ან ძველ ბალიშის პირში.
8. დაარეგულირეთ გაწურვის სიჩქარე
გახსოვდეთ, რომ ქსოვილები უძლებს სხვადასხვა გაწურვის სიჩქარეს. მაღალი სიჩქარის შემთხვევაში ქსოვილი ძალიან სწრაფად ცვდება და იხევა. ასე რომ, ბამბის ტანსაცმლისთვის გაწურვის სიჩქარე მაქსიმუმ 600 ბრ/წთ-ია, ჯინსისთვის – 900, ხოლო თეთრეულის და პირსახოცებისთვის – 1400. დელიკატური ქსოვილებისთვის კი შეგიძლიათ აირჩიოთ მხოლოდ – 400 ბრ/წთ.
9. შეკარით ყველა ელვა და ღილაკები
გარეცხვის წინ მნიშვნელოვანია არა მხოლოდ ჯიბეების შემოწმება და ტანსაცმლის შიგნიდან ამობრუნება, არამედ ელვა შესაკრავის შეკვრაც. ეს ხელს შეუშლის ელვის კბილებს სხვა ნივთებთან შეხებაში რეცხვის დროს.
10. გარეცხეთ მაღაზიაში ნაყიდი ახალი ტანსაცმელი
დერმატოლოგები ამბობენ, რომ კანზე სოკო ზოგჯერ უჩნდება მათ, ვინც „წარუმატებლად მოიზომა ბლუზა მაღაზიაში“. ამიტომ, თუნდაც ახალი ტანსაცმელი სუფთად გამოიყურებოდეს, უმჯობესია გარეცხოთ. ეს ასევე დაგეხმარებათ თავიდან აიცილოთ ალერგია ან დერმატიტი, რომელიც წარმოიქმნება უხეში საღებავებისა და პროდუქტების გამო, რომლებიც გამოიყენება ტანსაცმლის დასამუშავებლად მაღაზიებში მოხვედრამდე.
11. წინასწარი რეცხვა შედეგიანია
ეს ნაბიჯი განსაკუთრებით მნიშვნელოვანია თეთრეულის რეცხვისას. ბალიშის პირებზე ხშირად რჩება მაკიაჟის, ღამის კრემისა და ცხიმის კვალი, რამაც შეიძლება გამოიწვიოს ბაქტერიების გამრავლება და გამოიწვიოს ალერგია და აკნე.
12. ლაქების წინასწარ დამუშავება
თუ ტანსაცმელზე ძნელად მოსაშორებელი ლაქებია, უმჯობესია გარეცხვამდე ცალკე დამუშავდეს ლაქების მოსაშორებელი საშუალებით. წინააღმდეგ შემთხვევაში, რეცხვის შედეგები არ დაგაკმაყოფილებთ.
თუმცა, თუ ტანსაცმელი ძლიერ არის დაბინძურებული აალებადი ნივთიერებებით, როგორიცაა ბენზინი, ალკოჰოლი ან გამხსნელი, სარეცხ მანქანაში გარეცხვამდე გარეცხეთ ხელით.
13. მოაცილეთ შინაური ცხოველების თმა
შინაური ცხოველები ტოვებენ ბეწვს ჩვენს ტანსაცმელზე, ბალიშის პირებზე და ზოგიერთ შემთხვევაში თეთრეულზეც კი. გარეცხვის წინ აუცილებლად მოაშორეთ ბეწვი სპეციალური წებოვანი ქაღალდით ან ჯაგრისით, რათა თავიდან აიცილოთ სარეცხი მანქანის ფილტრის დაბინძურება.
14. გამოიყენეთ მათეთრებელი, რაც შეიძლება ნაკლებად
თუ გადაწყვეტთ მათეთრებელის გამოყენებას, დარწმუნდით, რომ ის კარგად არის გაზავებული წყლით, რათა თავიდან აიცილოთ ლაქები თქვენს ნივთებზე. და გახსოვდეთ: მათეთრებელი ქსოვილს თანდათან აზიანებს.
15. ნუ გადააჭარბებთ სარეცხი საშუალებების რაოდენობას
სარეცხი საშუალებები ფხვნილის, გელის, ტაბლეტების, კაფსულების ან ფირფიტების სახით უნდა იქნას გამოყენებული საჭირო რაოდენობით. რეცხვისთვის საჭირო რაოდენობა ყოველთვის მითითებულია შეფუთვაზე. თუ თქვენ იყენებთ ძალიან ბევრს, ნივთები უკეთესად არ გაირეცხება, ქაფი შეიძლება გამოვიდეს გარეთ, ნივთები კი – გავლების შემდეგაც წებოვანი დარჩეს.
