ჩვენ დროში, ალბათ, შეუძლებელია იპოვოთ დიასახლისი, ვინც აირჩევს ხელით რეცხვას მანქანით რეცხვის ნაცვლად. ამ მოწყობილობის წყალობით რეცხვის პროცესი მნიშვნელოვნად გამარტივდა და მისთვის საჭირო დრო შემცირდა. დღეს სარეცხი მანქანა ძალიან ფუნქციონალურია. აქვს ბევრი რეჟიმი. სამწუხაროდ, ერთ-ერთი რეჟიმის დროს (გაწურვისას) ზოგიერთი სარეცხი მანქანა ვიბრირებს და ხტუნავს.
ამ პრობლემის მოგვარება შესაძლებელია. თუ ამჩნევთ, რომ მოწყობილობა კანკალებს და სახლში „დარბის“, სათანადო ზომები უნდა მიიღოთ. ჯერ დაადგინეთ ვიბრირების მიზეზი, შემდეგ მის აღმოფხვრაზე გადადით.
რატომ ვიბრირებს და ხტუნავს სარეცხი მანქანა
ძირითადი მიზეზები
- უსწორმასწორო იატაკი. მოსაპირკეთებელი ფილებიც არ იძლევა სარეცხი მანქანის სიმდგრადის გარანტიას. მოწყობილობის ფეხების ქვეშ მდებარე იატაკის საფარის დონის ცვლილებები ვიბრაციის გაზრდას ხელს უწყობს. თუ იატაკი სველია, მოწყობილობამ შეიძლება იხტუნაოს მუშაობის დროს.
- ჩატვირთვის არასწორი მეთოდი. გესმით დოლურის ძლიერი ხმაური და მანქანის ხტუნვა? ეს ნიშანია, რომ თეთრეული არასწორად იყო ჩატვირთული. სარეცხი მანქანის დოლურა თანაბრად ვერ ბრუნავს, თუ თეთრეული ერთ გუნდად შეიკრა.
- მოწყობილობის გაუმართაობა. თუ სარეცხი მანქანის კონსტრუქციაში მოხდა რაიმე სახის ავარია, დამახასიათებელი კაკუნი და ვიბრაცია შეიძლება გაიგონოთ.
როგორ მოვაგვაროთ პრობლემა?
- თუ მანქანა ხტუნავს უსწორმასწორო იატაკის გამო, მისი გამოსწორება სცადეთ. შეამჩნიეთ სიმრუდე? მოწყობილობის ფეხების სიმაღლე დაარეგულირეთ. ამის გაკეთება შეიძლება ყველაზე ჩვეულებრივი საშუალებებით.
- მანქანა ზედმეტად დატვირთულია? არ დაუშვათ ეს. თქვენი მოწყობილობის ინსტრუქციაში მითითებულ მოცულობას არ გადააჭარბოთ. ასევე დოლურაში ნივთები ისე მოათავსეთ, რომ ერთ დიდ გუნდად არ შეიკრას.
- თუ მანქანის ვიბრირების და ხტუნვის მიზეზი მოწყობილობის გაუმართაობაა, გამოიძახეთ ხელოსანი, რომელიც ასეთი მოწყობილობების შეკეთებაზე სპეციალიზებულია.
მაშინაც კი, თუ მხოლოდ ერთ დიდ ნივთს რეცხავთ, მანქანის ძლიერი ვიბრირება შეიძლება დაინახოთ. ამ შემთხვევაში, გირჩევთ, მანქანა გამორთოთ, დოლურაში თეთრეული გადაანაწილოთ და რეცხვის ციკლი ხელახლა ჩართოთ.
