ყველა დიასახლისს კატლეტის მომზადების საკუთარი მეთოდი აქვს. ბევრს ურჩევნია მათი საფანელით მომზადება, რათა გემრიელი ქერქი გაუკეთდეს. ეს ზუსტად ის კატლეტებია, რომლებსაც სასადილოებში ამზადებდნენ და ბავშვობის გემოები, როგორც წესი, ყველაზე საყვარელია. თუმცა, მაღაზიაში ნაყიდი საფანელი შეიძლება ყოველთვის არ გვქონდეს ხელთ, როცა გვჭირდება. და მხოლოდ ამისთვის ხომ არ წახვალ მაღაზიაში, როცა კერძისთვის ყველაფერი მზად გაქვს. პაპარაცის დღევანდელ სტატიაში გეტყვით, როგორ და რისგან უნდა დაამზადოთ შინაურული საფანელი, რათა ჩაანაცვლოთ მაღაზიაში ნაყიდი.
შინაურული საფანელი: მომზადების ვარიანტები
დღეს მოგიმზადეთ რამდენიმე ვარიანტი, თუ რისგან შეგიძლიათ მოამზადოთ საფანელი კატლეტისთვის. ყველა ეს მეთოდი მარტივად ჩაანაცვლებს მაღაზიაში ნაყიდ საფანელს, როდესაც მოულოდნელად აღმოაჩენთ, რომ ის სახლში არ გაქვთ. უფრო მეტიც, ქერქი არანაკლებ ხრაშუნა და მადისაღმძვრელი გამოვა. საფანელის წყალობით, კატლეტი წვნიანი გამოვა. ამიტომ, უცხიმო ფარშისგან მომზადებული კატლეტიც კი, საკმაოდ რბილი და გემრიელი იქნება.
საფანელის სახეები
1. თუ სახლში არ გაქვთ მაღაზიაში ნაყიდი საფანელი, შეგიძლიათ თავად გააკეთოთ უპრობლემოდ. ამისათვის, საკმარისია, თეთრი პური ან ბატონი ღუმელში გამოაშროთ და გაატაროთ ხორცსაკეპ მანქანაში. შემდეგ თითოეული კატლეტი მიღებულ ნამცეცებში უნდა გააბრტყელოთ.
2. გარდა წინა მეთოდისა, შეგიძლიათ მოამზადოთ საფანელის კიდევ ერთი ფენა, რომელსაც ხშირად ამზადებენ რესტორნებში. მიუხედავად ასეთი დონისა, მისი გამეორება სახლში ძალიან მარტივია. ამ ტიპის საფანელს უწოდებენ “ლიეზონს”. მის მოსამზადებლად უნდა ათქვიფოთ ერთი კვერცხი და მოაყაროთ მარილი და პილპილი გემოვნებით. შემდეგ უნდა დაამატოთ 1 ს.კ. რძე ან წყალი და ისევ აურიეთ. შემდეგ თითოეული კატლეტი ჯერ ხელნაკეთ საფანელში უნდა დაამუშაოთ, შემდეგ კი კვერცხის ნარევში ამოავლოთ. შედეგად მიიღებთ მადისაღმძვრელ კერძს ოქროსფერი ქერქით, რომელიც შიგნიდანაც ძალიან წვნიანი იქნება.
3. კატლეტისთვის საფანელის მომზადების განსაკუთრებით ორიგინალური გზაა – სეზამის ან სელის თესლის გამოყენება. შეგიძლიათ მათში ხორცის ბურთულები გააბრტყელოთ. თუმცა ამ მეთოდით კატლეტებს ზეთში დიდხანს ვერ მოამზადებთ. თესლი უბრალოდ დაიწვება და ვერაფერს ვეღარ გამოასწორებთ. ამ შემთხვევაში, თქვენ უნდა შეწვათ კატლეტი ტაფაში მხოლოდ ქერქის წარმოქმნამდე, შემდეგ კი ღუმელში მიიყვანოთ მზადყოფნამდე.
4. რა თქმა უნდა, გსმენიათ, რომ კატლეტების შეწვა შეიძლება ჩვეულებრივ ხორბლის ფქვილში. თუმცა შეწვისას ის ხანდახან კატლეტს შორდება. იმისათვის, რომ ეს ფენა უკეთესად შენარჩუნდეს, ფქვილს უნდა შეურიოთ კარტოფილის სახამებელი 1:1 თანაფარდობით.
5. საფანელის მომზადების ერთ-ერთი უმარტივესი გზაა მისი დამზადება შვრიის ან სიმინდის ფანტელებისგან. ამისათვის, უბრალოდ უნდა დააქუცმაცოთ ცომის გასაბრტყელებლით. ამის მის შემდეგ, შეგიძლიათ დაუყოვნებლივ გამოიყენოთ კატლეტისთვის.
6. ხორბლის ფქვილის ნაცვლად, რომლის შესახებაც ზემოთ დავწერეთ, შეგიძლიათ გამოიყენოთ ჩვეულებრივი მანანის ბურღულიც. იგი ასევე შექმნის მკვრივ გარსს ორიგინალური გემოთი.
დარწმუნებულები ვართ, რომ კატლეტებისთვის ხელნაკეთი საფანელი უფრო მეტად მოგეწონებათ, ვიდრე მაღაზიაში ნაყიდი, რადგან მისი მომზადება ძალიან მარტივია და არ საჭიროებს დამატებით ხარჯებს. გარდა ამისა, თქვენ უკვე გაქვთ ყველა საჭირო ინგრედიენტი თქვენს სამზარეულოში.
