კვების გარკვეული წესების დაცვით ძვლების და სახსრების ტკივილის შემსუბუქებას ანთებითი პროცესების შენელებას შეძლებთ. „პაპარაცი“ დღეს ამ წესებს და ექიმების რჩევების გიზიარებთ.
ზამთარში ძვლების და სახსრების ტკივილის გამწვავება იშვიათი მოვლენა არაა. ძირითადად, მას ფიზიკური აქტივობის შემცირება და D ვიტამინის დეფიციტი იწვევს, რაც მთლიანობაში საყრდენ-მამოძრავებელი სისტემის მდგომარეობაზე ცუდ გავლენას ახდენს. კვების კორექტირება ცხოვრების გამარტივებაში დაეხმარება მათ, ვისაც ზამთარში მტკივნეული შეგრძნებები აწუხებთ.
1. არაქიდონური მჟავის მიღება შეზღუდეთ
არაქიდონური მჟავა ცხიმიანი მჟავაა, რომელიც ორგანიზმში ანთებითი ფაქტორების ე.წ. ეიკოზანოიდების ზრდას ხელს უწყობს. საკვებში რაც უფრო ნაკლები არაქიდონური მჟავაა, ანთებითი ფაქტორებიც მით უფრო ნაკლები იქნება. თუ სახსრების ტკივილი გაწუხებთ, ამ ცხიმოვანი მჟავის მიღება შეამცირეთ. ისეთი პროდუქტები, როგორიცაა ქონი, ღვიძლი, კვერცხის გული არაქიდონური მჟავით განსაკუთრებით მდიდარია.
2. ყველი და რძე – მკაცრად ზომიერად
რძე არაქიდონურ მჟავას შეიცავს, მაგრამ მისი უცხიმო ვარიანტი უფრო ნაკლებ მჟავას შეიცავს, ვიდრე ჩვეულებრივი რძე.
3. მჟავე ფორმებს მოერიდეთ
სახსრების ტკივილისკენ მიდრეკილების მქონე ადამიანებმა მჟავა-მეტაბოლური პროდუქტების მიღებას თავი მაქსიმალურად უნდა აარიდონ. მას მიეკუთვნება შაქარი, თეთრი ფქვილი, ყავა და შავი ჩაი, ასევე ალკოჰოლი, ხორცი, კვერცხი და ყველი.
4. ნაკლები ხორცი
ცხოველური წარმოშობის ცხიმოვანი პროდუქტები ბევრ ანთებით ნივთიერებას, იმავე არაქიდონურ მჟავას შეიცავს. შესაბამისად, სახსრების ტკივილის დროს ცხიმიანი ხორცის ან ძეხვის ნაწარმის მიღება მნიშვნელოვნად უნდა შეზღუდოთ.
5. თევზი, პირიქით – ბევრი
ცხიმიანი თევზი ბევრ ომეგა-3 მჟავას შეიცავს, რომელიც ანთების საწინააღმდეგო ეფექტს იძლევა. ეს კი ანთებით გამოწვეულ ტკივილისგან სახსრების და ძვლების დასაცავად ძალიან მნიშვნელოვანია.
6. მცენარეული საკვები აუცილებლად
ხილი და ბოსტნეული ბევრ ვიტამინს და მიკროელემენტს შეიცავს. ზოგიერთი მათგანი ანტიოქსიდანტურ, ანთების საწინააღმდეგო ეფექტს ფლობს. E და C ვიტამინის, ასევე სელენიუმის საკმარისი რაოდენობით მიღება განსაკუთრებით მნიშვნელოვანია. სელენიუმის კარგი წყაროა კაკალი, C ვიტამინის – ციტრუსი, ღვიძლი, კომბოსტო, E ვიტამინის – მცენარეული ზეთი.
7. წონაში მომატება არ დაუშვათ
კვების სისტემა ისე უნდა შეადგინოთ, რომ ჭარბი კილოგრამების მომატება არ დაუშვათ. უკვე არსებული ჭარბი წონის შემთხვევაში სჯობს ცოტათი გახდეთ. ასე სტრესს მოიშორებთ, რომელსაც სახსრები ჭარბი სხეულის მასის გამო განიცდის.
