ჩემს ოჯახს ძალიან უყვარს გამომცხვარი კერძები, კერძოდ, ღვეზლები, ამიტომ მათ ხშირად ვამზადებ. თუმცა, იმისათვის, რომ ღვეზელი არამხოლოდ გემრიელი, არამედ სასარგებლოც იყოს, მხოლოდ ხარისხიან, ნატურალურ ინგრედიენტებს ვიღებ.
ცომის ინგრედიენტები
- 300 გ ფქვილი (სასურველია, მსხვილად დაფქული)
- 250 მლ რძე (შეიძლება შრატის გამოყენებაც)
- 50 გ კარაქი
- 50 გ ქატო
- 0.5 ჩ.კ. სოდა
- მარილი და შაქარი გემოვნებით
ხელებით შეაზილეთ კარაქს ფქვილი ისე, რომ ცხიმის კენჭები აღარ იგრძნობოდეს. შემდეგ დაუმატეთ რძე, ქატო, სოდა, შაქარი და კარგად მოურიეთ.
დაამზადეთ პატარა პურები ან კვერები. შიგთავსის სახით მე ვიღებ საშუალო ზომაზე დახეხილ სტაფილოსა და ვაშლს, შეიძლება ნიგვზისა და ქიშმიშისხ დამატებაც.
მარილიან ღვეზელებს უხდება მოთუშული სტაფილო, კომბოსტო ან გოგრა, ასევე, შემწვარი სოკო. შედგით ცხელ ღუმელში 20-30 წუთით და გემრიელად მიირთვით!
