ნაზი სალათი ბარდით: მომზადების დეტალური ინსტრუქცია

0
197

სალათ “თოლიის” რეცეპტი გასული საუკუნიდან იღებს სათავეს. რუსი ქალბატონები ამ რეცეპტს ყოველ ჯერზე მიმართავდნენ, როცა სტუმრები უკვე გზაში იყვნენ და სასწრაფოდ იყო საჭირო რამის მომზადება მათ გასამასპინძლებლად. გასაკვირი არცაა, რომ სწორედ ამ სალათს ირჩევდნენ, რადგან ეს გემრიელი კერძი სულ რამდენიმე წუთში მზადდება.

სწორედ ამიტომ, ჩვენი რედაქცია გიზიარებთ დაწვრილებით ინსტრუქციას ნაზი სალათის მოსამზადებლად.

ბარდის სალათის რეცეპტი

სალათი “თოლია” მრავალი წლის მანძილზე ინარჩუნებს საყვარელი კერძის ტიტულს უამრავ ოჯახში. იგი ერთნაირად კარგია ყოველდღიურობისთვისა და სადღესასწაულო სუფრისთვისაც. თუმცა, რაც ყველაზე სასიამოვნოა, მისი მომზადება ძალიან მარტივია.

ინგრედიენტები

  • 200 გ ყველი
  • 3 კვერცხი
  • 150 გ მაიონეზი
  • 200 გ ბარდის კონსერვი
  • 1 თავი ხახვი

მომზადება

  1. პირველ რიგში, მოხარშეთ კვერცხი და წვრილად დაჭერით ან დახეხეთ.
  2. სანამ კვერცხი იხარშება, დახეხეთ ყველი მსხვილად.
  3. დაჭერით ხახვიც წვრილ კუბებად.
  4. შეურიეთ ყველაფერი ერთ ჭურჭელში. დაუმატეთ მწვანე ბარდა და შეაზავეთ მაიონეზით. დაუმატეთ მარილი და სანელებლები გემოვნებით.

მზადაა! აი, ასე, 5 ინგრედიენტისგან სულ რამდენიმე წუთში მიიღებთ შესანიშნავ სალათს. ჩაინიშნეთ რეცეპტი და გაახარეთ როგორც საკუთარი თავი, ისე ოჯახის წევრები თუ მეგობრები.

პასუხი

დაწერეთ კომენტარი
ჩაწერეთ თქვენი სახელი