ბადრიჯანი აგვისტოს ბოსტნეულების იისფერი მეფეა. ის ჩვენთან ინდოეთის ტროპიკული რეგიონებიდან შემოვიდა და ხალხის სიყვარული სწრაფად მოიპოვა. ხალხმა ბადრიჯნის სხვადასხვა ფორმა და ფერი (ჩვეული იისფერის გარდა) ტყუილად არ გამოიგონა. ბადრიჯნის მომზადების იმდენი ვარიანტი არსებობს, რომ ვერც დათვლით.
დღეს „პაპარაცი“ გიამბობთ, თუ როგორ გააოცოთ სტუმრები ძაღლყურძენასებრთა ოჯახის ამ მშვენიერი წარმომადგენლის კერძით. ბადრიჯნის სალათი კვერცხით და ხახვით ყველაზე მწვავე დეგუსტატორსაც კი აღფრთოვანებაში მოიყვანს. კერძის დაგემოვნების შემდეგ ყველას ჰგონია, რომ ნამდვილ სოკოს ჭამს.
სინამდვილეში, აქ მთავარი ინგრედიენტი ბადრიჯანია. გასაოცარია, თუმცა ერთ–ერთი პრეტენზიული პროდუქტიდან ნაზი და უჩვეულო სალათი გამოდის. განა ეს არ ადასტურებს, რომ კულინარია ხელოვნებაა?
ბადრიჯნის სალათი ხახვით
ინგრედიენტები:
- 3 საშუალო ზომის ბადრიჯანი
- 3 ქათმის კვერცხი
- 2 საშუალო ზომის ხახვი
- 3 ს/კ მაიონეზი
- შაქარი, მარილი და წიწაკა გემოვნებით
მარინადის ინგრედიენტები:
- 1 ჩ/კ შაქარი
- 0,5 ჩ/კ მარილი
- 3 ს/კ ძმარი (9%–იანი)
- 70 მლ წყალი
მომზადება:
- კვერცხი მოხარშეთ. გააგრილეთ, ნაჭუჭები მოაშორეთ და ზოლებად დაჭერით.
- ბადრიჯანი გარეცხეთ, პატარა ნაჭრებად დაჭერით. მარილი მოაყარეთ და ნახევარი საათით გააჩერეთ, რომ სიმწარე გაქრეს.
- ხახვი დაამარინადეთ. ამისთვის ორივე ხახვი თხელ ნახევარ რგოლებად დაჭერით და მარინადის ინგრედიენტები (მდუღარე წყალი, შაქარი, მარილი, ძმარი) დაუმატეთ. კარგად აურიეთ და 15 წუთით გააჩერეთ.
- ტაფა გააცხელეთ, მცენარეული ზეთი დაუმატეთ და ბადრიჯნის ნაჭრები შეწვით. შეწვის დრო – მაქსიმუმ 6-8 წუთი. ბადრიჯანს ზედმეტი ცხიმი რომ მოაშოროთ, ტაფიდან პირდაპირ ქაღალდის პირსახოცზე გადაიტანეთ.
- შემდეგ ბადრიჯანი სასალათეში მოათავსეთ, დაჭრილი კვერცხი და დამარინადებული ხახვი დაუმატეთ. მარილი მოაყარეთ და მაიონეზით მორთეთ. ინგრედიენტებს კარგად აურიეთ. სალათი მაცივარში ნახევარი საათით შეინახეთ.
- სალათი მზადაა. შეგიძლიათ „სოკოს“ გემოთი გაოცდეთ. გემრიელად მიირთვით!
ბადრიჯნის აშკარა მოძულესაც შეგიძლიათ ეს სალათი გაასინჯოთ: ის მთავარი ინგრედიენტის ბუნებაში ვერ გაერკვევა. ხოლო როცა აუხსნით, ძლიერ გაოცდება და შეიძლება არც დაგიჯეროთ.
თუ ბადრიჯნის მომზადების ჩვენი მარტივი რეცეპტი მოგეწონათ, მისი სახლში გაკეთება აუცილებლად სცადეთ. მით უმეტეს, ახლა ზაფხულია და მისი სარგებელი და გემო მწვერვალს აღწევს. ამასთან სასიამოვნო ფასით გამოირჩევა. ბადრიჯანი შესანიშნავად ერწყმის სოკოს, ბულგარულ წიწაკას, პომიდორს და ხილსაც კი.
თქვენ როგორი სახით გიყვართ ამ იისფერი ბოსტნეულის მირთმევა?
