პროფესორ ვორობიოვას ტანვარჯიში. არ მოითხოვს ზედმეტ ძალისხმევას და გადატვირთვას.

სამუშაო მაგიდასთან დიდ დროს ატარებთ? ზეგანაკვეთური მუშაობა გიწევთ? ოფისის თანამშრომელისგან ხშირად მოისმენთ: „აი, ამ ანგარიშს დავამთავრებ, მოვაწესირგებ და სპორტულ დარბაზში, აუზზე წავალ, ან ვირბენ.“

მაგრამ სულ ახალი სამუშაო ჩნდება, კონკურენტები გვიტევენ, ხელმძღვანელობა შედეგებს ითხოვს, ფიზიკური ვარჯიშისთვის კი დრო არ გვრჩება. სამაგიეროდ, თანდათანობით ზურგი ტყდება, ფეხები სივდება, საღამოს თვალები გვტკივა. ასე, ოფისის ცხოვრების წესი წლიდან წლამდე ჩვენს ორგანიზმს ანადგურებს და სიბერეს აჩქარებს.

უკვე რამდენიმე ათწლეულია ექიმები განგაშს ტეხენ. მათი კვლევით, თანამშრომლები, რომლებიც იძულებულნი არიან დღეში 8-10 საათით ისხდნენ, ჯანმრთელობას ანადგურებენ და სიმსუქნის, დიაბეტის, სიმსივნის, დაავადებული ხერხემლის, გულის, თირკმლების და ნაადრევი სიკვდილის სერიოზული რისკის ქვეშ არიან.

საინტერესოა, რომ ამ უსიამოვნების ეფექტური მეთოდი ჯერ კიდევ მაშინ მოიფიქრეს, როცა საერთო ჰიპოდინამიასა და კომპიუტერიზაციაზე ჯერ კიდევ არავის სმენოდა, თავად ოფისის პლანქტონი ჯერ გამოყენებული არ იყო.

ვერობევის ტანვარჯიში

სსრკ–ში თანამშრომლებზე ზრუნვა პროპაგანდის ნაწილი იყო. იმ დროში გაზრდილს ალბათ ახსოვს, რომ დილით რადიოში „ვარჯიში გადიოდა“. სახლში ტანვარჯიშის გარდა სსრკ–ს საწარმოებში მთელი კოლექტივი ვარჯიშობდა, რომელიც მთელ საბჭოთა კავშირის რადიოში 11 საათზე გადიოდა.

გასული საუკუნის 80-იან წლებში გონებრივად დატვირთული თანამშრომლებისთვის შეიმუშავეს ვარჯიშების ნაკრები, რომელიც სამუშაო მაგიდიდან ადგომის გარეშე მოდუნებას ხელს უწყობდა.

ის ბევრი სერიოზული პრობლემის პროფილაქტიკას ემსახურება: მხედველობის გაუარესება, მეხსიერების დაქვეითება, მტკივნეული ხერხემალი, შაკიკი და ჭარბი წონაც კი, რომლის მიმართ მიდრეკილება მჯდომარე მუშაობის დროს ჩნდება.

უჩვეულო, მაგრამ დღემდე აქტუალური მეთოდის ავტორი – სამედიცინო მეცნიერების კანდიდატი, პენსიაზე გასული სამედიცინო სამსახურის პოლკოვნიკი ვასილ ივანოვიჩ ვორობევია. პროფესორი საბჭოთა კავშირის დროს იმდენად პოპულარული იყო, რომ სსრკ ეკონომიკური მიღწევების ოქროს მედალი ორჯერ მიიღო.

შეუმჩნეველი ვარჯიშები

ვორობევის ფარული ვარჯიშები საქმიდან დიდხანს დასვენებას ან განსაკუთრებულ ძალისხმევას არ მოითხოვს: შეგიძლიათ ივარჯიშოთ სამსახურისკენ მიმავალ გზაზე, პირდაპირ სამუშაო მაგიდასთან და ყოველდღიური საქმიანობიდან 10 წუთი გამოყოთ. ყოველ საათში გამოყოფილი 6 წუთი საკმარისია, რომ სასწაული მოხდეს. ვარჯიშების შედეგს უკვე რამდენიმე დღეში დაინახავთ.

1. ქუსლების აწევა

წინასწარ მაღალქუსლიანი ან სქელძირიანი ფეხსაცმელი გაიხადეთ. დაჯექით და იატაკიდან თითის წვერების აწევის გარეშე ქუსლები ასწიეთ. ამასთან ფეხები შეერთებული და ზურგი გამართული უნდა იყოს. ვარჯიში 40-ჯერ გაიმეორეთ.

2. თითის წვერების აწევა

თითის წვერები ქუსლების იატაკიდან აწევის გარეშე ასწიეთ. ვარჯიში 40-ჯერ შეასრულეთ.

3. დუნდულები

ვარჯიში შეგიძლიათ მჯდომარე, მდგომარე პოზაში ან სიარულის დროს შეასრულოთ. დუნდულის კუნთები მინიმუმ 40-ჯერ რიტმულად დაჭიმეთ.

4. მუცელი

მუცლის კუნთების ვარჯიში სუნთქვის ვარჯიშებთან ერთად დღეში 3-4 მიდგომაზე შეასრულეთ. ასე პრესის დაჭიმვას შეძლებთ. მუცელი ამოსუნთქვაზე დაჭიმეთ და ჩასუნთქვაზე მოადუნეთ. რეკომენდებულია 15-20-ჯერ შეასრულოთ.

5. ზურგი

ზურგის კუნთების ვარჯიში შეგიძლიათ როგორც მჯდომარე, ასევე მდგომარე პოზაში შეასრულოთ. ზედიზედ 40-ჯერ უმოძრაო მხრების პირობებში ბეჭები ხერხემლისკენ გასწიეთ.

6. ხელები

მხრების დონეზე, სხვადასხვა მხარეს გაშლილი ხელები მომუჭეთ და გაშალეთ. ვარჯიში კომპიუტერთან მუშაობის შემდეგ არა მხოლოდ თითებს მოადუნებს, არამედ ზურგს დაასვენებს. მთავარი პირობა – სწორი დგომა. ვარჯიში მინიმუმ 40-ჯერ გაიმეორეთ.

7. თავი

თავის რიტმული ბრუნვა 180 გრადუსით: გაიხედეთ მარჯვნივ, მარცხნივ. მინიმუმ 40-ჯერ გაიმეორეთ.

8. ნიკაპი

უმოძრაო ზურგის და მხრების პირობებში ნიკაპი წინ გაჭიმეთ. ასეთი ვარჯიში 40-ჯერ შეასრულეთ. ვარჯიში სახის კონტურს მნიშვნელოვნად აუმჯობესებს და ორმაგი ნიკაპის გაჩენის რისკს ამცირებს.

სხვა ვარჯიშები, რომლებიც სამუშაო მაგიდასთან შეგიძლიათ შეასრულოთ

1. გაიმართეთ, მხრები უკან გასწიეთ და ზურგის კუნთები ძლიერ დაჭიმეთ, ბეჭები შეაერთეთ. ამ პოზაში 4-6 წამით გაჩერდით, შემდეგ სრულად მოდუნდით და თავისუფლად ისუნთქეთ. 3-5-ჯერ გაიმეორეთ.

2. ორივე ხელით სკამს ჩაეჭიდეთ და თავის აწევა სცადეთ. ამ პოზაში 3-4 წამით გაჩერდით. 5-7-ჯერ გაიმეორეთ.

3. დუნდულის კუნთები ძლიერ დაჭიმეთ და ოდნავ ასწიეთ. ამ პოზაში 3-4 წამით გაჩერდით. 5-7-ჯერ გაიმეორეთ.

4. ფეხებით იატაკს ძლიერ დაეყრდენით. ამ პოზაში 10-12 წამით გაჩერდით. 5-7-ჯერ გაიმეორეთ.

5. ხელები მაგიდაზე დადეთ და ზედაპირს ძლიერ დააწექით. დაჭიმულობა 5-7 წამით შეინარჩუნეთ, შემდეგ მოდუნდით. 3-5-ჯერ გაიმეორეთ.

როგორც ნებისმიერი სხვა გასახდომი სისტემა, ვორობევის ვარჯიში ეფექტური არ იქნება, თუ კვების ჩვევებს და ცხოვრების წესს არ შეცვლით. გახსოვდეთ, რომ ვორობევის მეთოდის დღეში ერთხელ შესრულება, როგორც ამას ბევრი შეცდომით აკეთებს, შედეგს არ მოგცემთ. ყოველ საათში 6 წუთი (მინიმუმ 5-6 საათში ერთხელ) და სხვაგვარად არა.

თუ კომპიუტერთან მუშაობისას მჯდომარე პოზაში დიდ დროს ატარებთ, ამ მარტივი ვარჯიშების შესრულება აუცილებლად დაგჭირდებათ. მას ბევრი დრო და სპეციალური მოწყობილობები არ სჭირდება. უკვე ერთ კვირაში შესანიშნავ შედეგს მიიღებთ.