ექიმ ბუბნოვსკის სავარჯიშოების ახალი და ალბათ საუკეთესო კომპლექსი სახსრების ტკივილის წინააღმდეგ

0
300
© msk.kp.ru

იცოდით, რომ სამედიცინო მეცნიერებათა დოქტორი, პროფესორი და ტელე-წამყვანი სერგეი ბუბნოვსკი, ავიაკატასტროფის შემდეგ, 27 წელი კასტილებით დადიოდა? მან შეუძლებელი შეძლო! ფეხზე დამოუკიდებლად დადგა და ეს ყველაფერი თავისივე შემუშავებული სისტემის დამსახურებით.

ექიმი ბუბნოვსკის სავარჯიშოების კომპლექსი – ესაა გზა ჭეშმარიტი ჯანმრთელობისაკენ. ექიმი გვირჩევს, უარი ვთქვათ, გამახურებელ კომპრესებზე, შალის კაშნეებზე, კორსეტებსა და ტკივილგამაყუჩებლებზე.

ბუბნოვსკის სავარჯიშოთა კომპლექსი

ჩვენმა რედაქციამ მოამზადა ძალიან ეფექტური და, ამასთან, საკმაოდ მარტივი სავარჯიშოების კომპლექსია, რომელიც დაგეხმარებათ არამხოლოდ ოსტეოქონდროზისა და ართროზის დროს, არამედ ჯანმრთელობის სხვა პრობლემების მკურნალობაშიც. სავარჯიშოების შესრულება შესაძლებელია პირდაპირ საწოლში – ზარმაცებიც კი გაართმევენ თავს.

1. სავარჯიშო ტერფებისთვის

ეს სამი სავარჯიშო გვეხმარება ბრტყელტერფიანობის, პოდაგრის, ქუსლის დეზის, კოჭის სახსრის ართრიტის დროს, ქუსლის ხრტილის ტრავმის ან ოპერაციის შემდეგ, ვენების ვარიკოზული გაგანიერების, კოჭის სახსრის შეშუპებისა და შაკიკის დროს. ყოველი სავარჯიშო 15-ჯერ უნდა შეასრულოთ, სანამ მოქმედ სახსრებში სითბოს არ იგრძნობთ. ხოლო თუ ხრაშუნს გაიგონებთ – ნუ მიაქცევთ ყურადღებას.

პირველი სავარჯიშოს შესასრულებლად დაწექით ზურგზე. ხელები თავისუფლად დაალაგეთ სხეულის გასწვრივ, ფეხები გაასწორეთ. მონაცვლეობით გაშალეთ ტერფის დიდი თითი, შემდეგ მოხარეთ თქვენკენ მაქსიმალურად, ამასთან, გაჭიმეთ ტერფი წინ და უკან.

მეორე სავარჯიშოს საწყისი მდგომარეობა ისეთივეა, როგორიც პირველში. მონაცვლეობით გაშალეთ ფეხის თითები და მაქსიმალურად დააშორეთ ერთმანეთს. შეერთების დროს ეცადეთ, დიდი თითები საწოლის ზედაპირს შეახოთ. გაშლისას ნელა, აუჩქარებლად იმოძრავეთ.

მესამე სავარჯიშო ასე სრულდება: საათის ისრის მიმართულებით და პირიქით, აბრუნეთ ტერფები მონაცვლეობით. ამასთან, ყურადღება მიაქციეთ ფეხის დიდ თითებს და ეცადეთ, ამ თითებით წრეები მოხაზოთ.

2. ახლა მუხლის სახსრის სავარჯიშოზე გადავდივართ, რომელიც არგია მოთელვისთვის და გვეხმარება მუხლის სახსრის ოსტეოართრიტის დროს, მისი ტრავმის შემდეგაც. შეასრულეთ 15-ჯერ.

საწყისი მდგომარეობა ისეთივეა, როგორიც ტერფების სავარჯიშოების დროს. ფეხები გაასწორეთ, ხელები ტორსის გასწვრივ დაალაგეთ. მონაცვლეობით მოხარეთ და გაშალეთ ფეხები მუხლებში, თითქოს ტერფებს საწოლზე ასრიალებთ. მოხრისას ეცადეთ, თეძოებს ქუსლით შეეხოთ.

3. ხოლო ეს სავარჯიშო მენჯ-ბარძაყის სახსრისთვისაა. შემდეგი ორი სავარჯიშო გვეხმარება კოქსართროზის, მენჯ-ბარძაყის სახსრის თავის ასეპტიკური ნეკროზის, ზურგის ქვედა ნაწილის ტკივილის დროს.

დაწექით ზურზე და მოხარეთ მუხლები. მონაცვლეობით გაშალეთ ფეხები ზემოთ. შეგიძლიათ ხელებით საწოლის ზურგს დაეყრდნოთ.

საწყისი მდგომარეობა იგივეა, ფეხები მხრების სიგანეზე, მუხლებში მოხრილი. ხელები ოდნავ გაშალეთ განზე, ხელის გულებით ქვემოთ. მონაცვლეობით დაუშვით მოხრილი ფეხი საწოლისკენ – მარცხენა მუხლი მარჯვენა ფეხისკენ და პირიქით. სავარჯიშო 15-ჯერ უნდა შეასრულოთ.

შემდეგი სავარჯიშო ძალიან სასარგებლოა მენჯის ორგანოების ჩამოწევის, ყაბზობის, ბუასილის, სწორი ნაწლავის ნახეთქების დროს.

მოხარეთ ფეხები მუხლებში, მოათავსეთ მუხლები ერთად ისე, რომ ტერფებიც ერთმანეთს ეხებოდეს, ხელები კი თავისუფლად დაალაგეთ განზე. ყურადღება მიაქციეთ, რომ ეს სავარჯიშო საკმაოდ რთული, თუმცა ეფექტურია.

მაშ ასე, ამოსუნთქვისას ეცადეთ, მაქსიმალურად მაღლა წამოწიოთ მენჯები და თეძოს კუნთები რამდენჯერმე შეკუმშეთ.

და ბოლო სავარჯიშო მუცლის ღრუსთვისაა – ვკუმშავთ მუცელს.

მოხარეთ ფეხები მუხლებში, ფეხის ძირები მჭიდროდ დაალაგეთ საწოლზე. მარჯვენა ან მარცხენა ხელის გული მუცელზე დაიდეთ. ჩასუნთქვისას გამობერეთ და ამოსუნთქვისას შეკუმშეთ მუცელი. ცოტახნით შეიკავეთ სუნთქვა, სანამ შეძლებთ. გაიმეორეთ ოცჯერ.

ამ სავარჯიშოს შესრულებისას შეიძლება კუნთის კუმშვები დაგეწყოთ, არ შეგეშინდეთ – სწორ გზაზე ხართ!

პასუხი

დაწერეთ კომენტარი
ჩაწერეთ თქვენი სახელი