პროდუქტის ვარგისიანობის ვადას ადამიანთა უმეტესობა დღემდე არ აღიარებს. უფრო ზუსტად რომ ვთქვათ, არ აღიარებს პირველ მოწამლვამდე. ჩემს შემთხვევაშიც ასე იყო, ახლა კი ნებისმიერი პროდუქტის ვარგისიანობის ვადას გულდასმით ვამოწმებ, ვცდილობ დავიცვა ჩემი თავი და ოჯახის წევრები ასეთი უსიამოვნებებისგან. ამ სფეროში უკვე საკმარისი გამოცდილება მაქვს, აი, ძველი საფუარი კი მაინც მაბნევს.

ვადაგასული საფუარი

ვადაგასულ საფუართან დაკავშირებული აზრი დიასახლისებს შორის არაერთმნიშვნელოვანია. მეტიც, ბევრი ერიდება ნედლი პროდუქტის გამოყენებასაც კი. თითქოს, ეს ხელოვნური პროდუქტია და ურჩევნიათ, პური ძველებური რეცეპტით, საფუვრის გარეშე გამოაცხოთ. რთულია სიმართლისა და სიცრუის გარჩევა.

ისინი, ვისაც დღემდე არ შეუძლია საფუვრიანი კერძების გარეშე ცხოვრება, ამ ინგრედიენტის შენახვისთვის სხვადასხვა გზას მიმართავს. დამწყებებმა კი არც კი იციან, რომ საფუვრის რამდენიმე სახეობა არსებობს. მოდით, ახლა ყველაფერს გიამბობთ!

საფუვრის სახეობები

1. ნედლი საფუარი კუბების ფორმით

ხშირად, მცხობელები უპირატესობას სწორედ ამ ვარიანტს ანიჭებენ პურის გამოსაცხობად. იგი საკმაოდ სველია (70%), ამიტომაც, ძლიერ დადუღებას უზრუნველყოფს. აგრეთვე, საფუარი უნდა შეინახოთ 10 გრადუსზე ცოტათი ნაკლებ ტემპერატურაზე, არაუმეტეს 6 კვირით, აი, ოთახის ტემპერატურაზე კი ერთ დღესაც ვერ ძლებს.

დატკეპნილ საფუარს არ უყვარს უჰაერობა, ამიტომ იგი ჰერმეტულად არ უნდა შეინახოთ. გახსოვდეთ, რომ კუბზე თითის დაჭერისას, იგი უნდა დაიფშვნას, არ ჩაიზნიქოს. მხოლოდ ასეთი საფუარია ხარისხიანი.

არაერთხელ მსმენია, რომ შეიძლება საფუარზე ფქვილის ან მარილის მოყრა – ასე მაცივრის გარეშე ცოტა მეტხანსაც შეინახება. თქვენ გიცდიათ მსგავსი რამ?

2. გრანულები

ეს ვარიანტი უფრო მშრალია და ნედლ საფუარზე ცუდად არ მოქმედებს. მისი შენახვის წესებიც თითქმის იგივეა. პროდუქტის უპირატესობა იმაში მდგომარეობს, რომ მისი გაზავება წყალთან არაა საჭირო. შეგიძლიათ მაშინვე ჩაყაროთ ფქვილში, რაც ზომიერ გადანაწილებას შეუწყობს ხელს.

3. მშრალი

ასეთ საფუარში მხოლოდ 6% სითხეა, ამიტომ რეცეპტში ორჯერ ნაკლები დაგჭირდებათ. შენახვაც ძალიან მარტივია – არ სჭირდება დაბალი ტემპერატურა, შენახვის ვადა კი ორ წლამდე მერყეობს. თუმცა, არ დაგავიწყდეთ ისიც, რომ ასეთი საფუვრის გამოყენება მნიშვნელოვნად განსხვავდება სხვებისგან.

მშრალი საფუარი რომ გაააქტიუროთ, ფრთხილად მოაყარეთ იგი წყლის ზედაპირს და აცადეთ გახსნა. 15 წუთში უკვე შეიძლება მორევა და გამოყენება.

4. სწრაფმოქმედი

პროგრესი არ ჩერდება. მისი წყალობით, დღეს უკვე გვაქვს საფუვრის ძალიან მძლავრი სახეობა. მისი დამატება პირდაპირ ცომში შეიძლება, უბრალოდ წინასწარ შეურიეთ 1-2 კოვზ ფქვილს.

მე მაინც პირველ ვარიანტს ვანიჭებ უპირატესობას, რამდენადაც, ბებიას ნაჩუქარ რეცეპტების რვეულში სწორედ ნედლი საფუარია მითითებული. თუმცა, დღემდე არაერთხელ დამვიწყებია, რომ საყინულეში საფუვრის რამდენიმე შეფუთვა მაქვს… რა მოვუხერხო მას? ამბობენ, რომ ცომს ცოტა მეტი დრო სჭირდება ძველი საფუვრით ასასუქებლად. მითხარით, თქვენ თუ გამოგიყენებიათ ვადაგასული გაყინული საფუარი და რამდენად წარმატებული იყო შედეგი?