სხეულის მდგომარეობასთან დაკავშირებული პრობლემები თითქმის ყველა თანამედროვე ადამიანს აწუხებს. ჩვენ ყველა საკმარისზე მეტ დროს ვატარებთ კომპიუტერთან, კისერს ვუხრით სმარტფონებს ან წიგნებს… შედეგად, პოზა ფუჭდება. თანაც, ეს არამხოლოდ ზრდასრულებსა და მოზარდებში, არამედ პატარა ბავშვებშიც ხდება. არადა, პრობლემის გადასაჭრელად საკმარისია სიზარმაცის დაძლევა და რამდენიმე სავარჯიშოს შესრულება, სხეულის პოზის გამოსსწორების მიზნით.

დღეს Paparazzi-ის რედაქცია რამდენიმე ასეთ სავარჯიშოს გაგაცნობთ, რომლებიც დიდ დროს არ წაგართმევთ, თუმცა დიდ სარგებელს ნამდვილად მოგიტანთ. შედეგად, ადამიანი აღარ დაემსგავსება წელში მოხრილ მოხუცს, მისი სხეული კი უფრო სწორი, ახალგაზრდული და ჯანმრთელი გამოჩნდება.

მრუდე სხეულის გასწორება სახლის პირობებში

რა თქმა უნდა, ყველას სურს ათლეტური, ლამაზი ფიგურა და სწორი სხეული. თუმცა, მხოლოდ ერთეულები თუ პოულობენ დროსა და მოტივაციას იმისათვის, რომ რეგულარულად იზრუნონ საკუთარ თავზე. ამიტომ, უმჯობესია, დაიწყოთ მარტივი სავარჯიშოებით, სასარგებლო ჩვევა რომ შემოიღოთ. შემდეგ კი, შეძლებისდაგვარად, გააფართოვეთ სავარჯიშოების კომპლექსი.

1. პირველი სავარჯიშოს შესასრულებლად დაგჭირდებათ კედელი, რომელთან ახლოს ავეჯი არ დგას. მიეყრდენით მას ისე, რომ ქუსლები, წვივის კუნთები, თეძოები, ბეჭები და კეფა კედელს მჭიდროდ ებჯინებოდეს. თუ მსგავსი მანიპულაციის შესრულება გიჭირთ, ესე იგი, სხეულის პოზა არასწორია და გამოსწორება სჭირდება.

2. ახლა წამოწიეთ ხელები ზემოთ და ისინიც მიაბჯინეთ კედელს. ჩასუნთქვასთან ერთად, ჩამოუშვით ხელები ძირს, მოხარეთ იდაყვები 90 გრადუსით.

3. ამოსუნთქვისას კიდევ ერთხე წამოწიეთ ხელები. პროცედურა 1-2 წუთის განმავლობაში უნდა იმეოროთ.

ამასთან, ყურადღება მიაქციეთ იმასაც, რომ ქუსლებიც, თეძოებიც, წვივის კუნთებიც, ბეჭებიცა და კეფაც მაქსიმალურად ებჯინებოდეს კედელს. ისუნთქეთ თანაბრად.

1. მეორე სავარჯიშოსთვის იპოვეთ თავისუფალი კუთხე. გაშალეთ წინამხრები და დაალაგეთ იდაყვები და ხელის გულები მეზობელ კედლებზე ისე, რომ ხელის გულებსა და მხრებს შორის 90-გრადუსიანი კუთხე იყოს დაცული.

2. ჩასუნთქვისას, მაქსიმალურად მიებჯინეთ კედელს. ამოსუნთქვისას, განიზიდეთ კედელი და დაუბრუნდით საწყის მდგომარეობას. აკონტროლეთ, რომ მხრები არ წამოწიოთ, კისრის კუნთები კი არ დაჭიმოთ.

თავი უნდა გააჩეროთ სწორად, არ დახაროთ არც წინ, არც უკან. სავარჯიშო შეასრულეთ დიდი ძალისხმევის გარეშე.

1. ახლა თითოეული ხელი ცალ-ცალკე უნდა გაავარჯიშოთ. ჯერ მიაბჯინეთ კედელს მარცხენა იდაყვი და ნელა შეატრიალეთ კორპუსი მეორე მხარეს. გახსენით მკერდი და გადაიტანეთ წონა მარცხენა ფეხზე. დარჩით ამ მდგომარეობაში 10 წამით.

2. გაიმეორეთ იგივე პროცედურა მარჯვენა მხარეს. ყურადღება მიაქციეთ, რომ მხარი არ იწეოდეს მაღლა, კისრის კუნთები კი არ იჭიმებოდეს. მოაბრუნეთ კორპუსი იქამდე, სანამ არ იგრძნობთ, რომ მხარი საკმაოდ გაიჭიმა.

ასეთი კომპლექსი ყოველდღიურ მოთელვასთან ერთად უნდა შეასრულოთ. თუმცა, კვირაში 2-3 ვარჯიში სულ არაფერს სჯობს. ეცადეთ, დაიცვათ ვარჯიშების რეგულარულობა. ასე სწორი და ლამაზი სხეული გარანტირებული გექნებათ.