ენის ლაბა, მუჟუჟი ან ლაბიანი – რეცეპტს, რომელსაც დღეს გთავაზობთ ერთი საერთო დეტალი აქვს, კერძოდ ბულიონი, რომელშიც ესა თუ ის შიგთავსი მაგრდება. თევზი, ხორცი ან ქათამი – არჩევანი თქვენზეა.
დღევანდელი კერძის ინგრედიენტებს (ენის გარდა) ნებისმიერ სამზარეულოში იპოვით. პროდუქტები უბრალო, არაფერი ზებუნებრივი. მხოლოდ მოქმედების თანმიმდევრობა დაიცავით. მოდით, დავიწყოთ.
ენის ლაბა
ინგრედიენტები:
- 3 საშუალო ზომის ღორის ენა
- სტაფილო
- ხახვი
- 6 მარცვალი ბაჰარის წიწაკა
- 6 მარცვალი ცხარე წიწაკა
- 2 დაფნის ფოთოლი
- წყალი
- მარილი
- 25 გრ ჟელატინი
- სტაფილო და მწვანილი გასაფორმებლად
მომზადება:
1. ენა გარეცხეთ, ზედმეტები მოაშორეთ და ცივი წყლით სავსე ქვაბში ჩადეთ. წყალი ადუღებამდე მიიყვანეთ და ენა მასში კიდევ ნახევარი საათით გააჩერეთ. შემდეგ ენა ამოიღეთ, წყალი გადაასხით, აღარ დაგჭირდებათ.
2. ქვაბს სუფთა წყალი კვლავ დაასხით. ენა, მარილი, გარეცხილი, მაგრამ არა დაჭრილი ხახვი, გასუფთავებული სტაფილო, წიწაკა, დაფნის ფოთოლი დაუმატეთ. ენა სრულ მომზადებამდე საშუალო ცეცხლზე ხარშეთ. ამის შემოწმება მარტივია: უბრალოდ ბასრი დანა დააჭირეთ, მზა ენას ადვილად გაჭრით.
3. ახლა ხახვი ამოიღეთ, სტაფილო გვერდზე გადადეთ, ენა დროებით ცივ წყალში გააჩერეთ. ბულიონი გაწურეთ და ჟელატინს აურიეთ. ენა უსარგებლო ფირებისგან გაწმინდეთ და თხელ ზოლებად დაჭერით.
4. ფართო, მაგრამ არა ღრმა თასში ენის ნაჭრები ჩააწყვეთ. ზემოდან ბულიონის და ჟელატინის ნარევი დაასხით. ზედაპირი შეგიძლიათ მწვანილის ტოტებით და მოხარშული სტაფილოთი მორთოთ. როცა გაფორმება მზად იქნება, ცოტა ბულიონი კიდევ დაასხით. კერძი მზადაა.
ბულიონი გამჭვირვალე და ღია ფერის გამოვა. მასში კერძის მთავარ ატრიბუტს კარგად დაინახავთ – გემრიელი, დიეტური ხორცი! თუ კერძს ჯანსაღი კვების მხრიდან შეხედავთ, გასაგები გახდება, რომ მასში ცხიმები და ნახშირწყლები პრაქტიკულად არაა, ანუ სხეულის ფორმები წესრიგში იქნება.
მთავარ სანელებლად მდოგვის გამოყენებას გირჩევთ. ზოგიერთი პირშუშხასაც იყენებს. ლაბისთვის რაიმე რთული სოუსის მომზადება არ ღირს. პირველ რიგში, თავად კერძის გემოა მნიშვნელოვანი.
