როგორ მოვამზადოთ სალტისონი (Sülze) სახლის პირობებში? ეს გასაოცარი ცივი კერძი, ერთდროულად, ხოლოდეცსაც ჰგავს და სახლის ძეხვსაც. რეცეპტი იტალიაში შეიმუშავეს და მან უკვე მტკიცე ადგილი დაიკავა უკრაინულ, პოლონურ და ბელორუსულ სამზარეულოებში.
ქათმის კუჭმაჭის სალტისონი შესანიშნავი კერძი იქნება როგორც ყოველდღიურ, ისე სადღესასწაულო სუფრაზე. მოამზადეთ იგი უქმეებზე, ბავშვებს ან ქმარს მთელი კვირა სენდვიჩები რომ მოუმზადოთ. უბრალოდ დაჭერით და დაადეთ პურის ნაჭერს – მიიღებთ გემრიელ და მსუყე ბუტერბროდებს.
სალტისონი სახლის პირობებში
ინგრედიენტები:
- 300 გ ქათმის გული
- 300 გ ქათმის კუჭი
- 30 გ ჟელატინი
- 200-300 გ ქათმის ფილე
- 300 გ ქათამის ღვიძლი
- 1 ჩ.კ. (ბორცვით) მარილი
- 0.5 ჩ.კ. დაფქული შავი პილპილი
- 1 ს.კ. იტალიური ბალახეული
მომზადება
- დაჭერით კუჭმაჭი მცირე ნაჭრებად.
- შეურიეთ ყველაფერი თასში, დაუმატეთ გემოვნებით მარილი, პილპილი და საყვარელი სანელებლები.
- ქათმის ბარკლებისგან განსხვავებით, კუჭმაჭს არ აქვს ჟელედ ქცევის თვისება. ამიტომ, 30 გ ჟელატინის დამატება მოგვიხდება.
- შეურიეთ ყველაფერი ერთგვაროვანი მასის მიღებამდე. გააჩერეთ 20 წუთით.
- ამ დროში, მოამზადეთ ჭურჭელი, რომელშიც სალტისონი მოიხარშება – მე ამისთვის წვენის ლიტრიან ტეტრაპაკს ვიყენებ.
- მჭიდროდ გაავსეთ ჭურჭელი ხორცის მასით.
- აიღეთ ქვაბი, რომელშიც იგი სრულად მოთავსდება, და გაავსეთ ჭურჭელი წყლით ისე, რომ ტეტრაპაკის შეფუთვა არ დაიფაროს.
- აადუღეთ წყალი და ხარშეთ სალტისონი ნელ ცეცხლზე 2 საათით.
- შეფუთვის ზედა ნაწილიც ისე რომ მომზადდეს, როგორც დანარჩენი, დაახურეთ თეფში.
- დროის გასვლის შემდეგ, ამოიღეთ მზა სალტისონი ქვაბიდან, აცადეთ გაგრილება და შედგით მაცივარში 6 საათით.
- ამოიღეთ მიღებული კერძი შეფუთვიდან და დაჭერით ულუფებადაც.
- სახლში მომზადებული სალტისონი საკმაოდ მკვრივი გამოდის, მისი გემო კი ხორციანი კერძების მოყვარულებს მოეწონება. წარმატებულ კულინარიულ ექსპერიმენტებს გისურვებთ, გემრიელად მიირთვით!
ფრინველის სუბპროდუქტები ნაკლები ღირს, ამავდროულად, მკვებავი ნივთიერებებითაა სავსე და მსუყეცაა. მათი გამოყენება ნამდვილად კარგი არჩევანია.
