წელისა და ზურგის ტკივილი მაშინვე მეხსნება, როგორც კი ამ სავარჯიშოს ვასრულებ

0
54

თითოეული ადამიანი ეძებს თავისეულ გზას, სხეულის ტონუსში შესანარჩუნებლად. ვიღაც “ორშაბათიდან იწყებს”, ვიღაც კი სპორტ-დარბაზში სიარულს ცდილობს, ზოგი სახლში ვარჯიშობს, ზოგმაც მხოლოდ დათვის სვლა იცის. აი, სწორედ ამაზე ვისაუბრებთ დღეს. იქნებ, სწორედ ეს გჭირდებოდათ მთელი ამ წლების განმავლობაში.

Paparazzi.ge-ის რედაქციამაც გამოსცადა ეს სავარჯიშო, რათა გაერკვია, ნამდვილად ეფექტურია თუ არა იგი. თუმცა, ნუთუ ამას ერთი გავლით გაიგებთ. ამიტომაც გადავწყვიტეთ, მივნდობოდით ჩვენს მკითხველს, რომელიც ამ სავარჯიშოს დიდი ხანია ასრულებს.

დათვის სვლა

როგორც აღმოჩნდა, დათვის სვლის ტექნიკა არახალია და დიდი ხანია გამოიყენება. უბრალოდ, მას ყველა არ იცნობს. მას რამდენიმე სხვა სახელწოდებაც აქვს. მაგალითად, “ეგვიპტური ტექნიკა” ან “ჩინური სვლა”. ყოველ შემთხვევაში, ბევრი ადამიანი ცდილობს მის გამოყენებას ყოველდღიურად.

მთავარი კითხვა: როგორ ასრულებენ ამ მოძრაობებს და რატომაა იგი საჭირო? ჩვენი მკითხველი გვარწმუნებს, რომ ასეთი სვლა სასარგებლოა საკვების მონელებისთვისაც კი. დათვის სვლა ამშვიდებს ადამიანს, მცირე დატვირთვა აქვს გულსა და სისხლძარღვებზე. ჩვენი დაკვირვებით, მას უკუჩვენება არ აქვს.

კიდევ რა სარგებელი მოაქვს ასეთ სვლას? ეს დასუსტებული კუნთების სავარჯიშოა, რომელიც ავითარებს ამტანობას, მოქნილობას და, ზოგადად, მდგომარეობის შეცვლა გონებასაც ხსნის. თუმცა, მნიშვნელოვანია მისი სწორად შესრულება, მდგომარეობა რომ არ გაუარესდეს.

დათვის სვლა

მოკლედ, ეს სავარჯიშო მწყობრში მოგიყვანთ. დაე, იგი სერიოზული წინსვლის პირველ ნაბიჯად იქცეს, ან უბრალოდ დილის ფიზიკურ დატვირთვად გამოიყენოთ. ცდად ნამდვილად ღირს! მხოლოდ 1 სავარჯიშო, რომელიც თავს გაცილებით უკეთ გაგრძნობინებთ.

კარგი იქნება, თუ ამ სავარჯიშომდე ოდნავ გახურდებით: შეასრულებთ რამდენიმე ჩაჯდომას, თამასას ან სხვა მოთელვით სავარჯიშოს. თუ ამ ყველაფრის გაკეთება შეგიძლიათ, თამამად შეუდექით სვლასაც.

  1. დასაწყისისთვის, დადექით ოთხ კიდურზე. ხელები და ფეხები მხრების სიგანეზე გაშალეთ, თავიდან ფეხები ნახევრად მოხრილი უნდა გქონდეთ.
  2. ახლა მაქსიმალურად წამოწიეთ მენჯის არე. ამავდროულად, ზურგი სწორად უნდა გააჩეროთ. თუ ამ ეტაპზე წონასწორობის შენარჩუნებას შეძლებთ, გადადით უშუალოდ ვარჯიშზე.
  3. გადადგით ერთდროული ნაბიჯი მარჯვენა ხელითა და მარცხენა ფეხით. შემდეგ პირიქით. დათვის სვლა სულ ესაა.

ნუ იჩქარებთ, პირველი ჯერისთვის სულ რამდენიმე ნაბიჯი იქნება საკმარისი. ვთქვათ, 5 ორივე მხარეს (სულ 10). ეს 30 წამს წაგართმევთ. თანდათან გაზარდეთ შესრულების ტემპი და ხანგრძლივობა. ჩვენი მკითხველი გვთავაზობს, ამ მდგომარეობაში 5 წუთით ვიაროთ, თან ამტკიცებს, რომ სავარჯიშო მისთვის ყოველმხრივ ეფექტური აღმოჩნდა. ჩვენ მისი გვჯერა.

თუმცა, იმის თქმაც მინდა, რომ ამ სავარჯიშოს შესრულება გაუჭირდებათ ჭარბწონიან ადამიანებსა და მათ, ვისაც წნევასთან დაკავშირებული პრობლემები აწუხებთ. ნუ გარისკავთ და გააკეთეთ ყველაფერი ფრთხილად, ან ექიმს სთხოვეთ ნებართვა. მართალია, დატვირთვა მცირეა, თუმცა, იგი არსებობს.