ვაშლის პეროგის მარტივი რეცეპტი ნამდვილად მოგეწონებათ. ფენოვანი ცომის, ვაშლისა და არაჟნის ნაზი დესერტის მომზადება ხომ ბავშვსაც კი შეუძლია.
ვაშლის პეროგის უმარტივესი რეცეპტო
ინგრედიენტები:
- 300 გ ფენოვანი ცომი
- 3 ვაშლი
- 2-3 კვერცხი
- 3-4 ს.კ. არაჟანი
- 1 ს.კ. სახამებელი
- შაქარი და დარიჩინი გემოვნებით
- 1 შეკვრა ვანილი
- შაქრის პუდრა (სურვილისამებრ)
მომზადება.
- გაფრცქვენით, გული გააცალეთ და თხელ ფირფიტებად დაჭერით ვაშლები.
- დაჭერით ცომიც, დაყავით დაახლოებით 4 ნაწილად. ფორმის ფსკერზე დაჭრილი ცომის ფენა მოათავსეთ.
- მოაყარეთ ვაშლის ნაჭრები, შაქარი და დარიჩინი.
- ასეთი პროცედურა ორჯერ უნდა გაიმეოროთ. მეოთხე და ბოლო ფენა ისევ დაჭრილი ცომი იქნება.
- შეურიეთ თასში ერთმანეთს კვერცხი, არაჟანი, სახამებელი, შაქარი და ვანილი.
- მოასხით ფორმას კვერცხის მასა. დაელოდეთ 20 წუთით, ცომი თანაბრად რომ გაიჟღინთოს.
- აცხვეთ 30-40 წუთით ან დაბრაწვამდე.
- აცადეთ პიროგს გაგრილება და ჩაატრიალეთ თეფშზე. აღვნიშნავ, რომ მე ეს ძალიან მარტივად გამომივიდა. სილიკონი, თუნდაც არაფერი წაუსვათ, საერთოდ არ იკრობს ცომს.
- სურვილისამებრ, გააფორმეთ დესერტი შაქრის პუდრით. ამისთვის წვრილი საცერი გამოიყენეთ. თუ ექსპერიემტები გიყვართ, მოამზადეთ დესერტი ქიშმიშით, ბანანით, გაყინული ალუბლით ან სხვა გულსართით.
გემრიელად მიირთვით! სასიამოვნო კულინარიულ ექსპერიმენტებს გისურვებთ.