წელს სტაფილოს ოქროს ფასი დაედო, ხოლო ყაბაყს გოგრის ფასად იძლევიან. სეზონის დასაწყისში აქტიურად ვყიდულობდი, ახლა შეგროვებას ვერ ვასწრებ. ყოველდღე ყაბაყიდან მარტივ კერძებს ვამზადებ. საბედნიეროდ, რეცეპტები ზამთრის პერიოდში მოვიმარაგე. პაპარაცის რედაქცია გთავაზობთ საინტერესო რეცეპტებს ყაბაყით, რომელიც თქვენს ოჯახის წევრებს ნამდვილად გააოცებს. ახლობლებს ნიორთან ერთად შემწვარი ან გამომცხვარი ყაბაყით თავი რომ არ მოაბეზროთ, კულინარი ბლოგერების რეცეპტებით შეიარაღდით. ასეთ კერძებს ზრდასრულებიც და მოზარდებიც ღირსეულად დააფასებენ. ფანტელებში ამოვლებულმა ყაბაყის ბურთებმა განსაკუთრებული აღფრთოვანება გამოიწვიეს.
მწვანე ჩებურეკი
ინგრედიენტები: 0,5 კგ ყაბაყი; 100 გრ ხორბლის ფქვილი; 0,5 ჩ/კ დაფქული შავი წიწაკა; 1 ჩ/კ ხმელი რეჰანი; 0,5 ჩ/კ ქინძი; 1 ჩ/კ მარილი; 1 კვერცხი; 4 კბილი ნიორი; 50 გრ ხმელი ყველი; 50 გრ ლორი;კარაქი გემოვნებით;
მომზადების წესი: ყაბაყი მსხვილ სახეხზე გახეხეთ. მარლით წვენი გაწურეთ. რბილობს ფქვილი, მარილი, ხმელი სანელებლები და კვერცხი დაუმატეთ. დაპრესილი ნიორიც დაუმატეთ.ინგრედიენტებს აურიეთ. მზა ცომი გვერდზე გადადეთ. ხმელი ყველი და ლორი შიგთავსისთვის მსხვილ სახეხზე გახეხეთ. ტაფაზე კარაქის კუბი გაადნეთ. ცხელ კარაქში 2 კოვზი ყაბაყის ცომი მოათავსეთ. ზედაპირზე გაასწორეთ და ქერქის წარმოქმნამდე შეწვით.ახლა ნახევარზე ლორის და ყველის ნარევი მოათავსეთ. ზემოდან ყაბაყის კვერის მეორე ნახევარი დააფარეთ. კიდევ ერთი წუთით წვით. სუფრაზე ცხელი კერძი გაიტანეთ.
ყაბაყის პიცა
ინგრედიენტები: 0,5 კგ ყაბაყი; 3 კვერცხი; 100 გრ ხორბლის ფქვილი; 1 ჩ/კ ხმელი ნიორი; 1 ჩ/კ მარილი; 0,5 ჩ/კ დაფქული შავი წიწაკა; 3 ს/კ კეტჩუპი; 0,5 ც/კ პროვანსული სუნელების ნაკრები; 150 გრ ლორი; 1 პომიდორი; 100 გრ ხმელი ყველი; კამა გემოვნებით; ოხრახუში გემოვნებით;
მომზადება: ყაბაყი მსხვილ სახეხზე გახეხეთ. საცერით წვენი გაწურეთ. ყაბაყის რბილობს კვერცხი, მარილი, ხმელი ნიორი, დაჭრილი მწვანილი და ფქვილი დაუმატეთ. აურიეთ. მზა ცომი საცხობ ფორმაში გადაიტანეთ. საცხობ ფორმას წინასწარ კარაქი წაუსვით. მასა გაათანაბრეთ. პიცის ქერქი 180 გრადუსამდე გახურებულ ღუმელში 30 წუთით აცხვეთ.მზა ქერქს კეტჩუპი წაუსვით, პროვანსული ბალახები მოაყარეთ. სოუსზე ლორის ნაჭრები ერთ ფენად დააწყვეთ. მათზე პომიდვრის თხელი ფენები დააწყვეთ. ზემოდან გახეხილი ყველი მოაყარეთ.პიცა იმაზე ტემპერატურაზე 10 წუთით აცხვეთ. მზა კერძი ახალი რეჰანის ფოთლებით მორთეთ. ცხელი ყაბაყის პიცა სუფრაზე გაიტანეთ.
ყაბაყის ბურთები მოცარელით
ინგრედიენტები: 0,5 კგ ყაბაყი; 2 ს/კ მანანის ბურღული; 0,5 ჩ/კ დაფქული შავი წიწაკა; 2 ჩ/კ მარილი; 1 ჩ/კ თავშავა; 0,5 კგ ძროხის ფარში; 100 გრ ხახვი; 4 კბილი ნიორი; 100 გრ სიმინდის ფანტელები; 3 ჩ/კ ხმელი ოხრახუში; 3 ჩ/კ ჩილის წიწაკა; 100 გრ მოცარელა;
მომზადების წესი:ყაბაყი მსხვილ სახეხზე გახეხეთ. წვენი ნებისმიერი თქვენთვის მოსახერხებელი მეთოდით გაწურეთ. რბილობს მანანის ბურღული, წიწაკა მარილით, თავშავა და ხახვის ღერო დაუმატეთ. აქვე დაამატეთ ძროხის ხორცის ფარში და დაპრესილი ნიორი. ხელით აურიეთ. უშაქრო სიმინდის ფანტელები დააქუცმაცეთ, ხმელი ოხრახუში და ჩილის წიწაკა აურიეთ. ცოტა ხორცი–ყაბაყის მასა აიღეთ. კვერი გააკეთეთ, ცენტრში მოცარელა ჩადეთ. ყველი ბურთში გაახვიეთ. ბურთი ფანტელებში ამოავლეთ. ამ მეთოდით დანარჩენი ბურთები გააკეთეთ. მზა ბურთები პერგამენტ დაფარებულ საცხობ ფორმაზე დააწყვეთ.კერძი 180 გრადუსამდე გახურებულ ღუმელში დაახლოებით 40 წუთით აცხვეთ. ბურთებმა ფორმა არ უნდა დაკარგოს. მზა კერძი სუფრაზე ცხელი გაიტანეთ.
ასეთი ყაბაყის ბურთები სუფრაზე არაჟანი–ნივრის სოუსით ან გრილი შინაურული კეტჩუპით გამაქვს. ყველი გემრიელად იწელება, ფანტელები ხრაშუნობს. წასახემსებელი კი არა, ნამდვილი სიამოვნებაა. თქვენ რომელ მარტივ კერძებს ამზადებთ ყაბაყით?
