რა მოვამზადოთ სადილზე ან ვახშამზე? რა თქმა უნდა, ქათმის გულმკერდი კორეულად! დაუმსახურებლად დავიწყებული სუბპროდუქტის, კერძოდ, ქათმის გულმკერდის მომზადების უჩვეულო რეცეპტი ბოშა გალინას ვიდეო რეცეპტებში აღმოვაჩინე. სალათი ზომიერად ცხარე და პიკანტური გამოდის. ოჯახის წევრებს ძალიან მოეწონათ.დღეს პაპარაცის რედაქცია გიზიარებთ ქათმის სალათის რეცეპტს ბოსტნეულით და არომატული სანელებლებით.

ქათმის გულმკერდი კორეულად

ინგრედიენტები:

500 გრ ქათმის ან ინდაურის გულმკერდი; 1 ლ წყალი; 2 ხახვი; 1 ჩ/კ მარილი; 1 სტაფილო; 1 ჩ/კ შაქარი; 6 კბილი ნიორი; 1 დაფნის ფოთოლი; 6-7 მარცვალი შავი წიწაკა; ½ ცხარე წითელი წიწაკა; 1 ჩ/კ პაპრიკა; 1 ჩ/კ კაკალი ქინძი; 2 ს/კ მცენარეული ზეთი; 1 ჩ/კ ცხარე წიწაკა და დაფქული შავი წიწაკა; 1–2 ს/კ სოიოს სოუსი; 1 ჩ/კ ძმარმჟავა (70%); 10-15 გრ ქინძი

მომზადება:

1. ამ კერძის მოსამზადებლად გამოგადგებათ როგორც ქათმის, ასევე ინდაურის გულმკერდი. ასევე შეგიძლიათ ღორის ან ძროხის ხორცი აიღოთ. ქათმის გულმკერდი შუაზე გაჭერით და გაწმინდეთ, ზედმეტი ცხიმი მოაშორეთ. კარგად გარეცხეთ და ცოტა გააშრეთ.  ცხელი წყლით სავსე ქვაბში ხორცის ნაჭრები ჩააწყვეთ. შავი წიწაკის მარცვლები, დაფნის ფოთოლი და მარილი დაუმატეთ. თავდახურულ ქვაბში ადუღების მომენტიდან დაახლოებით 1 საათით მომზადებამდე ხარშეთ. მზა ხორცის ნაჭრები გააგრილეთ.

2. სტაფილო კორეულად გახეხეთ. ხახვი გაასუფთავეთ და ნახევარ რგოლებად დაჭერით, ნიორი წვრილ სახეხზე გახეხეთ. ქინძი წვრილად დაჭერით, ცხარე წიწაკა თხლად დაჭერით. ქინძის კაკლები სანაყში დანაყეთ. მცენარეული ზეთი ტაფაზე დაასხით და გააცხელეთ. ბოსტნეული თასში გადაიტანეთ. ბოსტნეულს პაპრიკა, დაფქული შავი და ცხარე წიწაკა, ქინძის კაკლები მოაყარეთ. კარგად გაცხელებული ზეთი სანელებლებს მოასხით. გულმკერდის ნაჭრები ფირფიტებად დაჭერით და სალათს დაუმატეთ. ძმარმჟავა, სოიოს სოუსი მოასხით, 1 ჩ/კ შაქარი და მწიკვი მარილი დაუმატეთ. სალათს კარგად აურიეთ და 1 საათით დასამარინადებლად გააჩერეთ. ესეც ასე. გემრიელი სალათი კორეულად მზადაა. გემრიელად მიირთვით!

კორეულად მომზადებული ქათმის გულმკერდის სალათი შეგიძლიათ დამოუკიდებელ კერძად მიირთვათ ან ნებისმიერი გარნირი დაუმატოთ. გემრიელი და ოდნავ ცხარე კერძი არა მხოლოდ ყოველდღიურ სუფრას, არამედ სადღესასწაულო მაგიდას დაამშვენებს.

ამ კერძს ღირსეულად დააფასებენ ისინიც, ვისაც ქათმის გულმკერდი არ უყვართ. ეს ნამდვილად გემრიელი და სასარგებლოა!