უკვე შეგვიძლია ნელ-ნელა დავიწყოთ ზამთრისთვის მზადება. რთულია იმის პროგნოზირება, თუ რა გველოდება ექვს თვის შემდეგ, ამიტომ გადავწყვიტე მომემზადებინა იმდენი კონსერვაცი, რომ მთელი ცივი სეზონი უპრობლემოდ გადავიტანოთ. პირველ რიგში ზამთრისთვის ვამზადებ პომიდვრის სალათს. ბევრი ბოსტნეული, მდიდარი გემო – სწორედ ის არის, რაც ცივ დღეებში გვესიამოვნება.დღეს პაპარაცის ამ სტატიაში გაგიზიარებთ ზამთრის უგემრიელესი სალათის რეცეპტს.
პომიდვრის სალათი ზამთრისთვის
- 1 კგ. ბულგარული წიწაკა
- 3 კგ. პომიდორი
- 1 კგ. ხახვი
- 1 კგ. სტაფილო
- 6 ს/კ შაქარი
- 300 გრ. მცენარეული ზეთი
- 6 ს/კ ძმარი – 6%
- 6 ს/კ მარილი
მომზადების წესი
- აიღეთ მწიფე და ახალ ბოსტნეული, რათა სალათს უნაკლო გემო ჰქონდეს. კარგად გარეცხეთ და გააშრეთ.
- პომიდორი დავჭრათ ნაჭრებად, ხახვი ნახევარ რგოლებად. ბულგარული წიწაკა და სტაფილო დავჭრათ ზოლებად. ფორმას დიდი მნიშვნელობა არ აქვს. უბრალოდ, ასე დაჭრილი სალათი არ გადაიქცევა ფაფად და მისი ჭამა უფრო სასიამოვნო იქნება.
- დაჭრილი ბოსტნეული მოათავსეთ დიდ ჯამში. დაამატეთ მარილი, შაქარი და ზეთი. ეს ყველაფერი კარგად აურიეთ და 3-4 საათი გააჩერეთ, რომ ბოსტნეულმა წვენი გამოუშვას.
- შემდეგ დადგით ეს ყველაფერი ცეცხლზე და მიიყვანეთ ადუღებამდე. ამის შემდეგ, დაუმატეთ 6%-იანი ძმარი და ადუღეთ კიდევ 3-5 წუთი.
- ამის შემდეგ, სალათი დაუყოვნებლივ გაანაწილეთ სტერილიზებულ ქილებში და დაახურეთ თავსახური. დაალაგეთ ქილები თავდაყირა, შეფუთეთ და დატოვეთ გაგრილებამდე. შემდეგ შეინახეთ ბნელ, გრილ ადგილას. პომიდვრის სალათი ზამთრისთვის მზად არის!
მრავალფეროვანი ბოსტნეულის წყალობით, სალათი ვიტამინებით მდიდარი და გემრიელი გამოდის. არ ყოფილა შემთხვევა, რომ გაფუჭებულიყო. შარშან ორი პარტია გავაკეთე, წელს სამის გაკეთებას ვფიქრობ. გაზაფხულამდე ერთი ქილაც არ მიგვყოლია. ზამთარში ყველაზე მეტად ხორცის გარნირად მოგვწონს.თქვენ რას ამზადებთ წელს ზამთრისთვის? გაგვიზიარეთ კომენტარებში.
