ქალი ავსტრალიის სპორტულ დედაქალაქში ცხოვრობს და სოციალურ ქსელებში საკმაოდ აქტიურია. ის საუბრობს ვარჯიშზე, კვებაზე და ადამიანებს ასწავლის, როგორ შეინარჩუნონ სხეული შესანიშნავ ფორმაში ნებისმიერ ასაკში.
ლესლი მაქსველი არის ფიტნეს ექსპერტი, ბლოგერი და ქოუჩი მრავალი ქალისთვის მთელს მსოფლიოში. 65 წლის ასაკში მას სხეული იდეალურ მდგომარეობაში აქვს, ყოველდღიური ვარჯიშის წყალობით. სოციალურ ქსელებში მას ქალიშვილსა და შვილიშვილს ადარებენ, რადგან მათ საერთო ფოტოებზე ასაკობრივი სხვაობის გარჩევა რთულია.
ქალი მელბურნში ცხოვრობს. ამ ქალაქს ავსტრალიის სპორტულ და კულტურულ დედაქალაქს უწოდებენ, რადგან მსგავსი ღონისძიებების უმეტესობა სწორედ აქ ტარდება. ლესლი დიდი სიამოვნებით უყვება თავის მიმდევრებს ჯანსაღი ცხოვრების წესის შესახებ.
კითხვაზე, თუ რატომ აგრძელებს მაქსველი ამ ასაკში სპორტდარბაზში სიარულს, ქალი საკმაოდ მარტივად პასუხობს:
„ადამიანები ყოველთვის აღფრთოვანებულნი არიან ჯანსაღი, ძლიერი სხეულით. ეს თავს სექსუალურად გაგრძნობინებს. მაგრამ მე ამას არ ვაკეთებ მამაკაცებისთვის. მინდა ვიყო ძლიერი, უფრო პოზიტიურად მოვექცე საკუთარ თავს და ვიზრუნო მასზე. ყველა ასაკის ადამიანს შეუძლია საკუთარი სხეულის და ჯანმრთელობის მდგომარეობის შეცვლა. ამას დღეში მხოლოდ ერთი საათი სჭირდება. ნებისმიერ ასაკში შეიძლება იყო სექსუალური“, – ამბობს „ფიტნეს ბებია“, როგორც მას ინტერნეტში უწოდებენ.
ლესლი მუშაობს ძალისმიერ ვარჯიშებზე, რომლებიც შესაფერისია ყველა ასაკის ადამიანისთვის. მათ ეფექტურობას ის საკუთარი მაგალითით ადასტურებს. ლესლი კვირაში ოთხჯერ ვარჯიშობს.
სპორტდარბაზის კადრების გარდა, ლესლი შვილებისა და შვილიშვილების ფოტოებს აზიარებს. მისი მიმდევრები 21 წლის ტიასთან ერთად გადაღებულმა ფოტომ გააოცა. 65 წლის ფიტნეს ბლოგერის შვილიშვილი არ მალავს აღფრთოვანებას ბებიის ცხოვრების წესის მიმართ.
„ის საოცრად გამოიყურება. მის ასაკს რომ მივაღწევ, აუცილებლად მივყვები ასეთსავე ჯანსაღი ცხოვრების წესს. ვცდილობთ, ყოველ კვირას ერთად ვივარჯიშოთ, ძირითადად, სახლის დარბაზში“, – თქვა გოგონამ.
ახლა ტია ცდილობს ყოველ კვირას ლესლისთან ერთად ივარჯიშოს საკუთარ სავარჯიშო დარბაზში. გოგონა ყურადღებას ამახვილებს ფეხებზე და დუნდულებზე, ბებია კი სხეულის ზედა ნაწილზე მუშაობს.
ლესლი თითქმის 20 წელია სპორტშია. ამ დროის განმავლობაში იგი გახდა კვალიფიციური ფიტნეს ტრენერი და მრავალი ადამიანის მოტივატორი. ქალს არაერთხელ მიუღია მონაწილეობა ბოდიბილდინგის შეჯიბრებებში. მას მოპოვებული აქვს 30-ზე მეტი ჩემპიონის ტიტული.
უნდა აღინიშნოს მაქსველის კვებაც. მწვრთნელისთვის საჭმელი არის საკვები ნივთიერებების წყარო. ლესლის რაციონში მხოლოდ ჯანსაღი საკვებია. ლესლიმ მენიუდან მთლიანად ამოიღო სწრაფი კვება, ალკოჰოლი და გაზიანი სასმელები. ქალი ცდილობს საკვების მიღებას ყოველ 2-3 საათში ერთხელ, არასდროს შიმშილობს და არ სვამს ჭამის დროს. ზოგიერთ რეცეპტს ის საკუთარ ვლოგში და წიგნებშიც გვიზიარებს.
