უმეტესობა ჩვენგანს ვერ წარმოუდგენია ცხოვრება ყავის გარეშე. შეუძლებელია წარმოიდგინო საუზმე, კაფეში მეგობრებთან ერთად შეკრება ან ქალაქში გასეირნება – ფინჯანი არომატული სასმლის გარეშე. რა თქმა უნდა, ყოველთვის შეგიძლიათ ყავის დალევა კაფეში, მაგრამ ხანდახან ძალიან გვინდება თავად გავაკეთოთ საყვარელი სასმელი. პაპარაცის დღევანდელ სტატიაში გეტყვით, თუ როგორ უნდა მოადუღოთ ყავა, რომლის გემოც აუცილებლად გაგახარებთ.
ყავის მოდუღების წერები მეგობარმა გამანდო, რომელიც ბარში მუშაობს. აღმოჩნდა, რომ არსებობს რამდენიმე არც თუ ისე აშკარა შეცდომა, რომელსაც ვუშვებთ ყავის მომზადებისას. თუ ამ შეცდომებს თავიდან ავიცილებთ, ყავა ზუსტად ისეთი გამოვა, როგორიც უნდა იყოს.
როგორ მოვადუღოთ ყავა: 10 გავრცელებული შეცდომა
ძველი ყავის მარცვლები
ხარისხიანი ყავის მარცვლების გარეშე გემრიელი ყავა არ გამოვა. ამიტომ მარცვლები ძალიან ფრთხილად უნდა შეირჩეს. უპირველეს ყოვლისა, ყურადღება უნდა მიაქციოთ ვარგისიანობის ვადას. საქმე ისაა, რომ დროთა განმავლობაში ყავის მარცვლები კარგავს არომატს და შრება. ასეთი მარცვლებისგან მომზადებული ყავა უგემური გამოდის. ამიტომ, ყავის შეძენამდე აუცილებლად დახედეთ მის დამზადების თარიღს.
არასწორი შენახვა
პირველ რიგში, გახსოვდეთ, რომ უმჯობესია არ შეიძინოთ ბევრი ყავა. მარცვლები დაშუშვისთანავე იწყებს თვისების დაკარგვას. თუ ისე მოხდა, რომ აპირებთ ყავის შენახვას რეკომენდებულ 2-3 კვირაზე მეტხანს, უმჯობესია ამისთვის საყინულე გამოიყენოთ.
ყავა, რომლის დალევასაც აპირებთ უახლოეს მომავალში, უნდა ინახებოდეს გრილ, ბნელ ადგილას. მაგრამ მაცივრის თარო ამისთვის არ გამოდგება. უმჯობესია, ეს იყოს კარადა, სადაც იშვიათად იყურებით და რომელიც მდებარეობს სითბოს წყაროსგან მოშორებით.
მოერიდეთ ყავის შენახვას პლასტმასის და ლითონის ჭურჭელში. ყავა სწრაფად შთანთქავს სუნს, ასეთმა სიახლოვემ შეიძლება მნიშვნელოვნად გააფუჭოს სასმლის არომატი. თუ ყავას შუშის ქილაში ინახავთ, გახსოვდეთ, რომ ის მჭიდროდ უნდა იხურებოდეს.
ყავის შესანახად საუკეთესო შეფუთვა პოლიეთილენის ზიპ პაკეტია. ის იცავს ყავას უცხო სუნისა და ტენისგან.
მარცვლების დაფქვა
თუ უკვე დაფქულ ყავას იყიდით, ის არომატს უფრო სწრაფად დაკარგავს. გამოცდილი ბარისტები ყავის მოდუღებამდე მარცვლებს ფქვავენ. ამიტომ, თუ გსურთ, რომ თქვენი ყავა იყოს გემრიელი და არომატული, აუცილებლად უნდა შეიძინოთ ყავის საფქვავი.
არაზუსტი პროპორციები
მოამზადეთ ყავა მწარმოებლის ინსტრუქციის მიხედვით. დაიცავით ეს პროპორციები. არ გამოიყენოთ ინგრედიენტები თვალზომით.
თუ ყავის სასმელს ამზადებთ, მაშინ აუცილებლად უნდა დაიცვათ რეცეპტი.
საკუთარი რეცეპტები
თუ მწარმოებლის შეფუთვაზე არ არის მითითებული ყავის მომზადების რეცეპტი, შეგიძლიათ გამოიყენოთ ყავის მომზადების კლასიკური რეცეპტი – 2 ჩ.კ. ყავა – 1 ჭიქა წყალზე. მიღებული სასმლის გემოდან გამომდინარე, შეგიძლიათ შეცვალოთ ინგრედიენტების რაოდენობა.
თუ ყავა ძალიან სუსტია, დაამატეთ ცოტა მეტი დაფქული მარცვალი. იპოვეთ თქვენთვის საუკეთესო გემო.
უხარისხო წყალი
ყავის კარგი გემოს უზრუნველსაყოფად, უნდა გამოიყენოთ სუფთა სასმელი წყალი. არ მოადუღოთ ყავა ქლორირებული ონკანის წყლით. აუცილებლად გამოიყენეთ წყლის ფილტრი.
არასაკმარისად ცხელი წყალი
გემრიელი ყავის მომზადება მხოლოდ ძალიან ცხელი წყლით შეიძლება. თუ წყლის ტემპერატურა 95 გრადუსზე დაბალია, მაშინ ყავა ბოლომდე ვერ გამოავლენს თავის გემოს და არომატს.
სახლში ყავის მოსადუღებლად აუცილებლად შეიძინეთ თურქული ყავის მადუღარა ან ფრანგული პრესი. მათი დახმარებით თქვენ შეძლებთ მოამზადოთ ყავა წყლის საჭირო ტემპერატურაზე.
ცივი ჭიქა
მზა ყავას გემოს გამოსავლენად დრო სჭირდება. ამიტომ, ის უფრო დიდხანს უნდა დარჩეს ცხელ მდგომარეობაში. ამისათვის ყავა უნდა ჩაასხათ თბილ ჭიქაში. ეს შეიძლება გაკეთდეს ძალიან მარტივად – უბრალოდ უნდა გამოავლოთ ჭიქა ცხელი წყლით. მოხდება სითბოს გაცვლა, რის გამოც ფინჯანი მზად იქნება ყავის დასასხმელად.
არასწორი ჭურჭელი
თუ ყავას თხელ კედლებიან ფინჯანში ჩაასხამთ, სასმელი ძალიან სწრაფად გაცივდება. როგორც უკვე ვთქვით, ეს არ მისცემს საშუალებას ყავას, საკუთარი არომატის გამოსავლენად. შეარჩიეთ სქელკედლებიანი ჭიქები, რომლებიც დიდხანს შეინარჩუნებს სასმლის ტემპერატურას.
დანამატები
რა თქმა უნდა, სუფთა შავი ყავა კლასიკურ გემოდ ითვლება. მაგრამ ნუ შეგეშინდებათ ყავაში დამატებითი ინგრედიენტების დამატების. თუ ყავას შაქრით სვამთ, უმჯობესია აირჩიოთ ყავისფერი შაქარი. მოგწონთ ყავა რძით? გამოიყენეთ ცხიმიანი რძე ან ნაღები. უცხიმო რძე ყავას გაათხელებს და წყლის გემოს მისცემს.
სცადეთ დალიოთ ყავა უჩვეულო დანამატებით. დარიჩინი და ვანილი შეავსებს სასმლის არომატს. ყავას ძალიან ორიგინალური გემო ექნება, თუ შაქრის გარდა, მწიკვ მარილს დაუმატებთ.
ეჭვგარეშეა, ჩვენი რჩევების გათვალისწინებით, შეძლებთ ისეთივე ყავის მომზადებას, როგორიც ყავის მაღაზიებში იყიდება.
