ჯანმრთელი ხერხემალი, მოქნილი სახსრები, ბალანსისა და წონასწორობის შეგრძნება, ლამაზი დგომი – აი, ნამდვილი განძი ნებისმიერი ადამიანისთვის. ჯანმრთელობას ფულით ვერ იყიდით, კარგი ჯანმრთელობის გარეშე კი სიამოვნებას ვერაფერი გვანიჭებს.

ასაკთან ერთად, ჩვენ ისეთ ფიზიკურ ფორმასა და ჯანმრთელობას ვფლობთ, როგორიც დავიმსახურეთ. ჩემი ერთ-ერთი დაქალის მაგალითზე კიდევ ერთხელ დავრწმუნდით, თუ რამდენად მნიშვნელოვანია სავარჯიშოებისა და სხვა ფიზიკური დატვირთვებისთვის დროის გამოყოფა, თანაც რეგულარულად. რეალურად, ამისთვის არც ისე დიდი ძალისხმევა და დრო გჭირდებათ.

ლამაზი დგომი

თუ ბევრს მუშაობთ, მოხრილი დადიხართ, დროთა განმავლობაში, ყველაზე იდეალური დგომიც კი ფუჭდება, ხერხემალი კი მრუდდება. სხეულის არასწორი მდგომარეობა კი მთელ ორგანიზმს ვნებს, თუმცა ერთი შეხედვით, ეს შეუმჩნეველია.

არასწორი დგომის შედეგები შეიძლება გამოიხატოს თავის ტკივილებით, ქოშინითა და გახშირებული გულისცემით ვარჯიშის დროს, ტკივილით მკერდის არეში. ბოლოს და ბოლოს, ეს არაესთეტიკური და ამაზრზენიცაა.

ჩემს დაქალს დგომის გამოსწორებაში დაეხმარა ერთი სავარჯიშო, რომელსაც იგი ყოველდღე, 30 წამით, 2 კვირის მანძილზე ასრულებდა. ეფექტი უკვე მესამე დღეს გახდა თვალსაჩინო, ამასთან, გამოვლინდა სხვა დადებითი ცვლილებებიც.

არწივის პოზა, იგივე გარუდასანა – იოგას კლასიკური სავარჯიშოა, რომელიც ხშირად გვხვდება მთელი სხეულის კუნთების ასამუშავებელ კომპლექსებში. გარუდასანა იმ პრობლემების ფართო სპექტრის გადაჭრაში გვეხმარება, რომლებიც დამწყებებს ამოძრავებს.

სავარჯიშო მიეკუთვნება წონასწორობის კლასს, ამიტომ ავითარებს ყურადღების კონცენტრაციის უნარს, მისი შესრულების შემდეგ, ააქტიურებს აზრებს სამსახურთან დაკავშირებით, საყოფაცხოვრებო წვრილმანები აღარ შეგაწუხებთ და დაგეხმარებათ მხოლოდ მნიშვნელოვან საკითხზე კონცენტრაციაში.

ამ სავარჯიშოს ეფექტი: იხსნება სახსრების მოძრაობის შებოჭილობა (როგორც იდაყვის, ისე მენჯ-ბარძაყის), უმჯობესდება დგომი. ესაა წელისა და გავის დანაყოფის რევმატიზმის შესანიშნავი პროფილაქტიკა, ასევე, შარდ-სასქესო სისტემისა და სწორი ნაწლავის დაავადებების პროფილაქტიკაც.

არწივის პოზა ამუშავებს კოჭებს, აძლიერებს ფეხის კუნთებს, ხელს უშლის კუნთის დაჭიმვას წვივებში, ავითარებს წონასწორობისა და კოორდინაციის შეგრძნებასმ აძლიერებს ვესტიბულარულ აპარატს, გვეხმარება ვენების ვარიკოზული გაგანიერების დროს.

დღეს ჩვენი რედაქცია მოგიყვებათ, თუ როგორ უნდა შეასრულოთ ეს სავარჯიშო (გარუდასანა) საშინაო პირობებში. ამ პოზის რეგულარული პრაქტიკის ეფექტი უმოკლეს ვადაში გამოვლინდება.

როგორ შევასრულოთ არწივის პოზა

1. ოდნავ მოხარეთ მუხლი, გადაიტანეთ წონა მარცხენა ფეხზე, მოხვიეთ ხელები და წამოწიეთ მარჯვენა მუხლი მკერდთან ახლოს.

2. მარჯვენა ფეხი გადააჯვარედინეთ მარცხენაზე, ტერფით ან კოჭით წამოედეთ მარცხენას მუხლს, ცერი მიმართეთ ქვემოთ.

3. მარჯვენა ხელი გადააჯვარედინეთ მარცხენაზე, ხელის გულები შეაერთეთ, თითები მიმართეთ ცისკენ.

4. სცადეთ ჩაჯდომა ისე, რომ მენჯი არ ამოძრავოთ.

5. წინამხრები იატაკის პარალელური უნდა იყოს, თითების ბოლოები კი ზემოთ უნდა იყოს მიმართული. შეასრულეთ 5 ღრმა სუნთქვითი ციკლი, გაიხსენით და გაიმეორეთ მეორე მხარეს.

ხოლო იმის უფრო თვალსაჩინოდ დასანახავად, თუ როგორ უნდა შეასრულოთ არწივის პოზა, იხილეთ ეს ვიდეო. მასში საუბარია იმ საინტერესო ლეგენდაზეც, რომლის გამოც ამ პოზას გარუდასანა ეწოდება.

უკუჩვენებები: მუხლის სახსრის ტრავმების დროს, ამ სავარჯიშოს შესრულება არ შეიძლება, რამდენადაც სწორედ მუხლებზე მოდის მთელი დატვირთვა. განსაკუთრებით ფრთხილად შეასრულეთ სავარჯიშო, თუ გავა-ბოქვენის ან წელის მონაკვეთის გამოხატული პრობლემები გაქვთ.

გარუდასანას დასრულების შემდეგ, არტერიებისა და ვენების დატვირთვის გამო, შესაძლებელია მსუბუქი თავბრუსხვევის შეგრძნებაც. ამის ნუ შეგეშინდებათ, რადგან ასე სისხლძარღვები ვარჯიშდება, უმჯობესდება მათი ტონუსი.