როცა ზამთრისთვის კონსერვების მომზადების დრო დგება, რჩეულებს შორის ყოველთვის ხვდება კიტრი და პომიდორი. საშინაო კონსერვაციის გამრავალფეროვნებისთვის, ჩვენი რედაქცია გთავაზობთ ყაბაყის სალათის შესანიშნავ რეცეპტს ზამთრისთვის, სტერილიზაციის გარეშე.
მდოგვი პიკანტურ გემოს მისცემს მარინადს, რომელიც ისედაც ძალიან გემრიელია. ყაბაყი კი ხრაშუნა, მომჟავო-მოტკბო და ზომიერად ცხარე გამოდის. არსებობს იმის რისკიც, რომ ბოლომდე არ მოხარშავთ და მაშინვე შემოგეჭმებათ, ქილების მოხუფვამდე.
ყაბაყის კონსერვი პომიდვრის პასტით
პომიდვრის პასტაში დაკონსერვებული ყაბაყის მომზადება ძალიან მარტივია. მიუხედავად იმისა, რომ ქილებს არ ვასტერილებთ, კონსერვი შენახვისთვის განსაკუთრებულ პირობებს არ მოითხოვს. იგი მშვენივრად ინახება ავინაზე ან შემოსასვლელის კარადაში. ინგრედიენტების მითითებული რაოდენობა რეცეპტში 4 ნახევარლიტრიან ქილაზეა გათვლილი.
ინგრედიენტები:
- 1.2 კგ ახალი ყაბაყი
- 800 მლ წყალი
- 125 მლ პომიდვრის პასტა
- 30 გ მარილი
- 75 გ შაქარი
- 4 ს.კ. 9%-იანი ძმარი
- 1 ჩ.კ. მშრალი მდოგვი
- 4 ღერო კამა
- 4 კბილი ნიორი
- 4 მოცხრის ფოთოლი
- 4 ალუბლის ფოთოლი
- 12 მარცვალი სურნელოვანი პილპილი
- 1 ცხარე წიწაკა
მომზადება
- გარეცხეთ და კარგად გამოავლეთ ქილები გამდინარე წყლით.
- გარეცხილი ახალი ყაბაყები დაჭერით რვასანტიმეტრიან ნაჭრებად.
- თითო ქილაში მოათავსეთ თითო ღერო კამა, ნიორის კბილი და ფოთლები, 3-3 პილპილის მარცვლები და რამდენიმე ნაჭერი ცხარე წიწაკა.
- მაქსიმალურად მჭიდროდ ჩაალაგეთ ყაბაყი ქილებში. დაასხით ახალადუღებული წყალი და გააჩერეთ 10 წუთით.
- ამავდროულად, მოამზადეთ მარინადი. აადუღეთ 800 მლ წყალი მარილთან და შაქართან ერთად. დაუმატეთ ტომატ-პასტა და მშრალი მდოგვი. კარგად მოურიეთ და აადუღეთ.
- გადაღვარეთ წყალი ქილებიდან და დაუმატეთ თითო ს.კ. ძმარი. პირთამდე დაასხით მდუღარე მარინადი.
- მოხუფეთ ქილები ცხელი, გასტერილებული ქილებით და მაშინვე ჩააბრუნეთ თავდაყირა. შეახვიეთ თბილ საბანში და გააჩერეთ ორი დღით, სრულად გაგრილებამდე.
ეს პიკანტური დასაყოლებელი იდეალურია მოთუშულ კარტოფილთან, პიურესთან, მაკარონთან ერთად. გემრიელად მიირთვით!
