“… ომის დაწყების შემდეგ მე და ჩემს შვილებს ქვეყნიდან წასვლა მოგვიწია. ბედმა მოხუცი იტალიელი ქალის, აგათას სახლში მიგვიყვანა.  მან თავის სახლში უფასოდ შეგვიფარა იმ პირობით, რომ სახლის საქმეებში დავეხმარებოდი. მაგრამ ახლა არ ვიცი ვინ ვის ეხმარება. იმდენი რამ მასწავლა! მაგალითად, მან ამიხსნა, რა შეიძლება მოვამზადო პურისგან, რომელიც წინა დღეებიდან შემოგვრჩა.

ეს რეცეპტი ძალიან გამომადგა. გარდა ამისა, კერძი გამოდის საინტერესო, იტალიური გემოსი. პაპარაცის დღევანდელ სტატიაში კი თქვენც გაგიზიარებთ.

რისი მომზადება შეიძლება პურისგან

ინგრედიენტები

• 400 გრ. ძველი პური
• 2 კბილი ნიორი
• 1 ს/კ კაპარი
• 1 ნიახურის ბოლქვი
• 4 კვერცხი
• 100 გრ. მაგარი ყველი
• მარილი, პილპილი და სანელებლები გემოვნებით
• ზეთი
• ტომატის სოუსი

მომზადების წესი

1 . დაჭერით პური, დაასხით წყალი და დადგით 5 წუთის გამავლობაში. შეგიძლიათ წყლის მაგივრად გამოიყენოთ რძე.

2 . დააქუცმაცეთ კაპარი, ნიახური და ნიორი. თუ კაპარი არ გაქვთ, შეგიძლიათ მათ გარეშეც. ასევე შეგიძლიათ ექსპერიმენტი ჩაატაროთ სხვა ბოსტნეულით.

3 . კარგად გაწურეთ დამბალი პური, დაუმატეთ დაქუცმაცებული ბოსტნეული, კვერცხი და სანელებლები. გახეხეთ ყველი და შეურიეთ დანარჩენ ინგრედიენტებს. მოზილეთ როგორც კატლეტის ფარში.

4 . გააკეთეთ პატარა კატლეტები და შეწვით წინასწარ გახურებულ ტაფაში დაახლოებით 3 წუთის განმავლობაში, სანამ ოქროსფერი არ გახდება. შეგიძლიათ გამოაცხოთ, ზედმეტი ზეთის თავიდან ასაცილებლად.

5 . გააცხელეთ ტომატის სოუსი და მოასხით შემწვარ კატლეტებს. უმჯობესია, სუფრაზე მიტანამდე რამდენიმე წუთით ადრე, კატლეტების სოუსით გაჟღენთვა. შემდეგ დაამატეთ ახალი მწვანილი და მიირთვით.

აი, რის მომზადება შეგიძლიათ ნარჩენი პურისგან. ამ უჩვეულო კატლეტებს ძალიან კარგი გემო აქვს, ხრაშუნა და არომატულია, შესანიშნავად ავსებს მსუბუქი სალათი. ყველაფერი ერთად იქცევა მსუყე ლანჩად ან ვახშმად. სხვათა შორის, ბავშვებსაც ძალიან მოსწონთ ეს უჩვეულო კერძი და რაც ყველაზე მეტად მომწონს არის ის, რომ პური არ იკარგება. მადლობა სინიორა აგატას ასეთი საინტერესო რეცეპტისთვის!

სცადეთ თქვენც და გაგვიზიარეთ შთაბეჭდილებები კომენტარებში.