ბაბუას სახლში უზარმაზარი კაკლის ხე აქვს, რომელიც დაახლოებით 40 წლის იქნება. ბაბუა გულდასმით ზრუნავს მასზე, სხლავს, კვებავს. კაკალიც მადლობას გვიხდის ზრუნვისთვის გულუხვი მოსავლით და ბაბუაც მაქსიმალურად იყენებს ხის ნაყოფს. მისი საფირმო რეცეპტი არის მწვანე კაკლის ნაყენი.ნაყენს ის ივლისში ამზადებს, როცა კაკალი ჯერ კიდევ მწვანეა. ბაბუა მას კაკლის ლიქიორს უწოდებს და ყველა სტუმარს უმასპინძლდება. პაპარაცის რედაქცია დღეს ამ რეცეპტს გაგიზიარებთ. კაკლის სეზონი უკვე დაიწყო, შეგიძლიათ დაიწყოთ მოსავლის აღება!
მწვანე კაკლის ნაყენი
ინგრედიენტები
- 20 ცალი მწვანე კაკალი
- 1 ლიტრი სპირტი
- 20 ცალი მიხაკი
- ერთი ღერი დარიჩინი
- 2 ს/კ შაქარი
- 1 ს/კ წყალი
მომზადების წესი
- უნდა გაგაფრთხილოთ, რომ ეს არ არის სწრაფი პროცესი. მოწყვიტეთ 20 რბილი, ჯერ კიდევ მოუმწიფებელი კაკალი გარეცხეთ და გააშრეთ.
- დაჭერით 4 ნაწილად, ჩაყარეთ სამ ლიტრიან ქილაში, დაამატეთ მიხაკი და დარიჩინი. შეავსეთ ეს ყველაფერი ერთი ლიტრი კარგი არაყით. გააჩერეთ ბნელ ადგილას 40 დღის განმავლობაში, დროდადრო შეანჯღრიეთ ქილა.
- შემდეგ გაწურეთ მთელი ეს ნარევი დოლბანდის სამ ფენაზე მინანქრის ქვაბში.
- ცალკე მოადუღეთ შაქრის სიროფი პროპორციით 2 ჭიქა შაქარი 1 ჭიქა წყალზე. გააგრილეთ ოთახის ტემპერატურამდე.
- ნაყენი შეურიეთ შაქრის სიროფს, კარგად გააზავეთ. დადგით ცოტა ხანი და რამდენიმე საათის შემდეგ ჩაასხით ბოთლებში. ახლა უკვე შეგიძლიათ დალიოთ არომატული, გამაჯანსაღებელი სასმელი!
მწვანე კაკლის ნაყენს აქვს სასარგებლო თვისებები. შეიცავს ვიტამინებს B2 და B3, მინერალებს: კალიუმს, ნატრიუმს, რკინას და მაგნიუმს. თუ დაიცავთ ზომიერებას, შეგიძლიათ დაეხმაროთ საჭმლის მომნელებელ სისტემასაც. სიფრთხილით უნდა გამოიყენონ მათ, ვისაც თირკმელებისა და ღვიძლის პრობლემები აქვთ.ნაყენის მომზადების კიდევ ერთი საიდუმლო არის კრეფისთვის სწორი დღის შერჩევა. ბაბუა ამბობს, რომ კაკლის შეგროვება სასურველია 6 ან 7 ივნისს, იოანე ნათლისმცემლის ხსენების დღეს. ამ დღეს შეგროვებული კაკლიდან საოცარ მურაბასაც ამზადებენ. სცადეთ თქვენც და გაგვიზიარეთ ნახელავი კომენტარებში.
