ვერც გავიგეთ, ისე მოახლოვდა გარგარის სეზონი. წელს პრინციპში დრო სულ სხვანაირად მიდის, მაგრამ როგორც არ უნდა იყოს, დროა მოვამზადოთ ხელნაკეთი გარგარის მურაბა. ბოლოს და ბოლოს, ზამთარი უკვე ახლოსაა და რა იქნებ სახლში მომზადებული მურაბის გარეშე?დღეს პაპარაცის ამ სტატიაში გაგიზიარებთ მურაბის აზერბაიჯანულ რეცეპტს. ეს არის ზაფხული ქილაში!
გარგარის მურაბა
ინგრედიენტები:
- 1 კგ გარგარი
- 800 გრ. შაქარი
- 250 მლ. წყალი
- ნახევარი ლიმონის წვენი
- სოდა
მომზადების წესი:
- ინგრედიენტები მოცემულია 1 კგ გარგარის საფუძველზე, მაგრამ შეგიძლიათ თავად გამოთვალოთ თქვენი ოდენობის მიხედვით. ასე რომ, დასაწყისისთვის მოვამზადოთ ხილი. ამისათვის აიღეთ ჩვეულებრივი წყალი. დაახლოებით 2 ლიტრი 1 კგ გარგარზე. გახსენით სოდა წყალში: 1 სუფრის კოვზი სოდა ლიტრ წყალში. ამ ხსნარში ჩაყარეთ გარგარი და გააჩერეთ რამდენიმე საათი. ეს აუცილებელია იმისათვის, რომ მომზადების დროს არ დაიშალოს.
- ახლა ამოიღეთ კურკები ჯოხის საშუალებით. მნიშვნელოვანია, რომ ნაყოფი მთელი დარჩეს. შემდეგ გატეხეთ კურკები და გული კვლავ მოათავსეთ ნაყოფში.
- შემდეგ უნდა მოამზადოთ შაქრის სიროფი. რეცეპტში საჭიროა 250 მილილიტრი წყალი, მაგრამ მეტის დამატება შეიძლება. მთავარია, შაქარი მთლიანად გადნეს.
- გარგარი ჩაყარეთ ცხელ სიროფში, აურიეთ. შემდეგ გამორთეთ ცეცხლი და დატოვეთ ყველაფერი ისე, როგორც არის 8 საათის განმავლობაში. შემდეგ ისევ დადგით ცეცხლზე. ადუღეთ 10 წუთი და დატოვეთ გაციებამდე. შემდეგ კვლავ გაიმეორეთ პროცედურა.
- ბოლოს დაუმატეთ ნახევარი ლიმონის წვენი, ადუღეთ კიდევ 5 წუთი. შემდეგ ჩაასხით მურაბა სტერილურ ქილებში. შეგიძლიათ დატოვოთ ცოტა, რომ მაშინვე დატკბეთ საოცარი გემოთი.
ასეთი წესით მომზადებული გარგარის ჯემი წარმოუდგენლად სურნელოვანი და გემრიელია. კურკის გული განსაკუთრებულ არომატს მატებს. თუ აქამდე არასდროს გაგიკეთებიათ, გირჩევთ სცადოთ. მე მიყვარს, რომ გარგარი მთლიანი რჩება ამ რეცეპტში. როგორც ჩანს, ასე კიდევ უფრო გემრიელია! თქვენ რას ამზადებთ მწიფე გარგარით? გაგვიზიარეთ კომენტარებში.
