დედამთილისგან ოსური ხაჭაპურის მომზადება ვისწავლე. დაბრაწული ქერქი და წვნიანი შიგთავსი ვის არ მოეწონება! ცომის მოცემული რაოდენობისგან 3 ღვეზელი გამოდის, თანაც 26-28 სმ დიამეტრით.
დღეს Paparazzi.ge-ს რედაქცია გასწავლით ოსური ღვეზლის მომზადებას მარტივი საფუვრიანი ცომითა და უგემრიელესი გულსართით. ეს შესანიშნავი გადაწყვეტილებაა სადილისთვის, წვნიანთან, პურის ნაცვლად, ან უბრალოდ ჩაისთან ერთად.
ოსური ღვეზელი კარტოფილით
ინგრედიენტები ცომისთვის
- 500 გ ფქვილი
- 400 მლ რძე
- 50 გ კარაქი
- 10 გ შაქარი
- 5 გ მშრალი საფუარი (ან 15 გ ნედლი)
- 1 ჩ.კ. მარილი
ინგრედიენტები გულსართისთვის
- 200 გ მოხარშული კარტოფილი
- 300 გ ყველი (ოსური, სულგუმი, ადიგეური ან მოცარელა)
- 10 გ კარაქი
- მარილი, პილპილი გემოვნებით
დამატებითი ინგრედიენტები
- 30 გ კარაქი ხაჭაპურზე წასასმელად
მომზადება
- მოსახერხებელ ჭურჭელში შეურიეთ საფუარი და შაქარი, დაასხით თბილი რძე, მოურიეთ და გააჩერეთ 10-15 წუთით.
- დაადნეთ კარაქი და გააგრილეთ. ღრმა თასში შეურიეთ გაცრილი ფქვილი და მარილი. მშრალ მასაში პატარა ორმო გააკეთეთ და დაუმატეთ საფურვიანი მასა და კარაქი.
- მოზილეთ ცომი: ჯერ კოვზით, შემდეგ ხელებით. ურიეთ დაახლოებით 10-15 წუთით (ცომი ხელებზე რომ არ მიგეკროთ, წაისვით ზეთი). შედეგად, ცომი უნდა გახდეს გლუვი, რბილი და მკვრივი. დაამრგვალეთ ცომის მასა, დაახურეთ საკვები ცელოფანი და გააჩერეთ 30 წუთით თბილ ადგილას.
- ჩაზილეთ ცომი და კიდევ 30 წუთით გააჩერეთ. კიდევ ერთხელ გაიმეორეთ იგივე.
- სანამ ცომი სივდება, მოამზადეთ გულსართი. კარტოფილი მოხარშეთ მზაობამდე. ყველი დახეხეთ მსხვილად.
- დაჭყლიტეთ კარტოფილი, დაუმატეთ კარაქი და მოამზადეთ პიურე. ცხელ მასას დაუმატეთ ყველი და მოურიეთ ერთგვაროვნებამდე. დაუმატეთ მარილი და პილპილი გემოვნებით.
- დაყავით შიგთავსი სამ 170-გრამიან ნაწილად. თითოეული ნაწილი დაამრგვალეთ და დადეთ თეფშზე.
- ფქვილმოყრილ მაგიდაზე ჩაზილეთ ცომი და დაყავით სამ 320-გრამიან ნაწილებად. ცომის თითოეული ნაწილი კიდევ ერთხელ ჩაზილეთ, დაამრგვალეთ და დაახურეთ საკვები ცელოფანი. გააჩერეთ 5-10 წუთით.
- გაწელეთ ცომი ხელებით, შუაგულში დადეთ გულსართის ბურთი და შემოახვიეთ ცომი, კიდეები ერთმანეთს მიაწებეთ.
- ხელით გაათანაბრეთ ღვეზლის ზედაპირი, რათა მრგვალი, ბრტყელი კვერი მიიღოთ. ცენტრში ცომი გახვრიტეთ, ჰაერმა გამოსვლა რომ შეძლოს.
- აცხვეთ ღვეზელი 200 °С-მდე გახურებულ ღუმელში 15-20 წუთით. როცა ღვეზელი გამოცხვება, წაუსვით კარაქი. იგივე გაიმეორეთ დანარჩენ მასალაზეც. სულ 3 ღვეზელი უნდა გამოგივიდეთ.
სულ ეს იყო, ოსური ხაჭაპური მზადაა. გემრიელად მიირთვით!
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
