ცხოვრების ნაკლებად მოძრავი წესი და სხეულის არასწორი პოზიცია დღის განმავლობაში იწვევს ხერხემლის სხვადასხვა დაავადებას. სტატისტიკური მონაცემების თანახმად, დედამიწის მოსახლეობის თითქმის ნახევარი განიცდის ზურგთან დაკავშირებულ ამა თუ იმ პრობლემას.

ჩვენ სულ უფრო მეტ დროს ვატარებთ კომპიუტერთან და ნაკლებად ვავარჯიშებთ სხეულს. პრობლემა იმაში მდგომარეობს, რომ ჩვენი სხეული მუდმივი ჯდომისთვის არაა შექმნილი. კვლევების შედეგები აჩვენებს, რომ დროის გატარების ეს გზა არსებითად ამოკლებს სიცოცხლის ხანგრძლივობას. ამიტომ, ძალიან მნიშვნელოვანია მეტი მოძრაობა და ვარჯიში, რაც გააუმჯობესებს ზურგის კუნთების მდგომარეობას.

ჩვენ მიერ შემოთავაზებული საშუალებები შესანიშნავი თერაპიაა, რომელიც აძლიერებს და ახურებს ზურგის კუნთებს. სავარჯიშოების ეს გეგმა შეგიძლიათ სახლში ან სამსახურშიც კი შეასრულოთ. დაუთმეთ სხეულს მხოლოდ 7 წუთი დღეში, რათა იზრუნოთ ზურგის ჯანმრთელობაზე და მოიშოროთ დისკომფორტი და ტკივილი ხერხემლიდან.

ზურგის გასახურებელი სავარჯიშოები

1. დაწექით ზურგზე, წამოწიეთ მარჯვენა ფეხი, დაიჭირეთ ხელებით სწორად. ამ მდგომარეობაში გაჩერდით 20 წუთით, შემდეგ გაიმეორეთ იგივე მეორე ფეხზე.

2. დაწექით ზურგზე და მოხარეთ მარცხენა მუხლი. დაუშვით იგი ნელა მარჯვენა მხარეს და მარჯვენა ხელით ეცადეთ, იატაკს მაქსიმალურად მიაჭიროთ. მარცხენა ხელი და მხარი იატაკს არ უნდა მოსწყდეს. გაჩერდით ამ მდგომარეობაში 30 წამით.

მოდუნდით და გაიმეორეთ მეორე ფეხით. სავარჯიში 2-3-ჯერ უნდა გამეორდეს ორივე მხარეს. შეასრულეთ მოძრაობები ნელა, ტალღოვნად, მყისი მოძრაობების გარეშე. თუ მოძრაობები ტკივილს იწვევს, შეამცირეთ მობრუნების კუთხე.

3. ზურგზე წოლისას მოხარეთ ფეხები, წამოწიეთ ერთი მუდლი და მიიტანეთ მკერდთან მაქსიმალურად ახლოს. გაჩერდით ასე 30 წამით, შემდეგ გაიმეორეთ იგივე მეორე ფეხზე. ორივე ფეხით სავარჯიშო 5-5-ჯერ უნდა შესრულდეს.

4. დაწექით ზურგზე, მოხარეთ მუხლები, წამოწიეთ ერთი ფეხი, მოათავსეთ ერთი ფეხის ქუსლი მეორეს მუხლზე. დაიჭირეთ მოძრავი ფეხი კოჭით და ნელა მოქაჩეთ მკერდისკენ. გაჩერდით ასე 30 წამით. გაიმეორეთ მოძრაობა მეორე ფეხით, ორივე ფეხზე 3-3-ჯერ.

5. დაიდეთ ხელები ერთი ფეხის მუხლზე, ხოლო მეორე გაწიეთ უკან, როგორც ფოტოზეა. ზურგი სწორად უნდა იყოს, ამ მდგომარეობაში 30 წამით გაჩერდით და გაიმეორეთ მეორე მხარეს.

6. დაწექით გვერდზე, მოჰკიდეთ ხელი ზედა ფეხის კოჭს და უკან დაქაჩეთ. შეასრულეთ ასეთი მოძრაობები 30 წამის განმავლობაში, შემდეგ გაიმეორეთ მეორე ფეხით. ეს სავარჯიშო კარგად წელავს თეძოების კუნთებსაც.

7. დგომისას, იპოვეთ წელის სიმაღლის საყრდენი. შემდეგ დაიხარეთ წინ. ამ პოზიციაში 30 წამით უნდა გაჩერდეთ. შეისვენეთ ცოტა ხნით და გაიმეორეთ. ასეთი სავარჯიშო შესანიშნავად წელავს ხერხემალს.

ახლა უკვე იცით, როგორ მოიშოროთ ზურგის ტკივილები. ეს საკმაოდ მარტივი, თუმცა ეფექტური სავარჯიშოებია. მათი შესრულება დისკომფორტის შეგრძნებისთანავე შეგიძლიათ.