ცნობილი იაპონელი მკურნალი კაცუძო ნიში ამტკიცებდა, რომ ჩვენი ჯანმრთელობის ყველა პრობლემის მიზეზი ხერხემლიდან მოდის. დღეს, კარანტინისა და დისტანციურ მუშაობაზე გადასვლის პირობებში, ჩვენ სულ უფრო მეტ დროს ვატარებთ კომპიუტერის წინ ჯდომაში. ესე იგი, ახლა კაცუძო ნიშის გამაჯანსაღებელი სისტემა აქტუალურია ისე, როგორც არასდროს.
კაცუძო ნიშის სისტემა
ბავშვობაში პროფესორი ხშირად ავადმყოფობდა. თუმცა, ბიჭის სურვილი, გადაელახა თავისი სისუსტე, იმდენად ძლიერი აღმოჩნდა, რომ ჯერ კიდევ სიჭაბუკეში დაიწყო თავისი წესების შემუშავება. თანდათან, ისინი გადაიზარდა გამაჯანსაღებელ სისტემაში, რომელიც პოპულარული გახდა არამხოლოდ იაპონიაში, არამედ მთელ მსოფლიოში.
მასში შეგროვილია ძველბერძნული და ძველეგვიპტური მედიცინის, ტიბეტური და ჩინუტი პრაქტიკების, იოგასა და სხვა მრავალი წყაროს სიბრძნეები. ნიშის ჯანმრთელობის სისტემა გაცილებით შორს წავიდა. ეს არამხოლოდ სავარჯიშოთა ან კვების წესთან ნაკრები, არამედ მთელი ფილოსოფიაა.
საოცარი ფაქტი: სულ რაღაც 3 თვის სხვაობით, მსოფლიოს სხვა მხარეს, გერმანიაში გაჩნდა კიდევ ერთი ბიჭი, რომელმაც მსგავსი ცხოვრებისეული გზა გაიარა. ბავშვობიდან ავადმყოფი და სუსტი ჯანმრთელობის მქონე ჯოზეფ პილატესი იძულებული გახდა, სერიოზულად დაკავებულიყო სპორტით, ბოლოს კი შექმნა ერთ-ერთი ყველაზე გავრცელებული გამაჯანსაღებელი მეთოდიკა, რომელსაც მისი სახელი დაარქვა.
კაცუძო ნიშის ოქროს წესები
1. მაგარი საწოლი
ხერხემლისთვის აუცილებელია მყარი ზედაპირი. პროფესორის თქმით: “იდეალური ძილის პოზის ჩვევის გამოსამუშავებლად, არ არსებობს იმაზე უკეთესი საშუალება, ვიდრე ხერხემალზე გაჩენილი სიმრუდის გამოსწორება მყარ და სწორ საწოლზე დაძინებით. თუ რბილი საწოლის მოყვარული ნერვებს ატროფირებისა და პარალიზების საშუალებას მისცემს, დაავადებები მას დაუპატიჟებლად ეწვევიან.”
მე ვიცნობ ადამიანებს, რომლებსაც მუდმივად სძინავთ ტურისტულ ხალიჩაზე. თუმცა, არამგონია, რომ ამ მაგალითის გათვალისწინება ყველას შეუძლია. როგორ მოვიქცეთ? აირჩიეთ მაქსიმალურად მყარი ლეიბი, ნაკლებად სქელი.
2. მუთაქა ბალიშის ნაცვლად
იაპონელები ამბობენ: “გამრუდებული კისერი მოკლე სიცოცხლის ნიშანია”. კაცუძო ნიში გამოსავალს იმაში ხედავს, რომ რბილი ბალიშები შევცვალოთ კისრის მუთაქით. ამ დროს კისერი ბუნებრივ მდგომარეობაში იქნება.
ამ მუთაქაზე ზურგზე წოლით უნდა ჩაგეძინოთ, მთელი ღამის მანძილზე კი სხვა ნებისმიერ პოზაში შეიძლება ძილი: გვერდზე თუ მუცელზე. მისაჩვევად 3 კვირა დაგჭირდებათ. დროთა განმავლობაში, კეფა აღარ გაგიბუჟდებათ. უსიამოვნო შეგრძნებები ძილის დროს გაქრება.
3. სავარჯიშო “ოქროს თევზი”
ეს სავარჯიშო ასწორებს გამრუდებულ ხერხემალს, რითიც ხელს უშლის ნერვების გადატვირთვას. ამასთან, იგი არეგულირებს სისხლის მიმოქცევას, დადებითად მოქმედებს გულის მუშაობაზე და მთლიანად ასტაბილურებს ორგანიზმის ძირითადი სისტემების მუშაობას.
სავარჯიშო უნდა შეასრულოთ დილა-საღამოს. ვარჯიშის შემდეგ, შეიგრძნობთ მოდუნებასა და სიმშვიდეს, თითქოს დროებით ოქროს თევზი ხართ და წყალში ცურავთ, ჩამოირეცხეთ დაღლილობა, შფოთვა და დაავადებები.
შესრულების ტექნიკა
- საწყისი პოზიცია: დაწექით ზურგზე, გაასწორეთ ფეხები, ხელები დაიდეთ თავქვეშ, სხეული იატაკს მიაჭირეთ, ტერფები სახისკენ მიმართეთ.
- დაიწყეთ სწრაფი მერყევი მოძრაობები, სხეულის ვიბრაციის მსგავსად. სხეული ერთი მხრიდან მეორისკენ უნდა იხრებოდეს, თითქოს მცურავი თევზია. მოძრაობა სწორედ ერთი მხრიდან მეორისკენ უნდა ხდებოდეს და არა ზემოთ-ქვემოთ.
- პირველ ჯერზე, შეასრულეთ სავარჯიშო 1 წუთის განმავლობაში, ბოლოს სამ წუთამდე უნდა ახვიდეთ.
- თავიდან, სავარჯიშო შესასრულებლად რთულად მოგეჩვენებათ. ამ შემთხვევაში, სთხოვეთ დახმარება ახლობელს: დაგიჭირონ ფეხის ტერფები და ერთდროულად არხიოს ისინი მარკვნიდან მარცხნივ.
სავარჯიშოები კაპილარებისთვის
კაპილარებსაც სჭირდება ვარჯიში! ნიშის გამაჯანსაღებელ სისტემაში არსებობს სპეციალური ვიბრაციული ტანვარჯიში კიდურებისთვის.
შესრულების ტექნიკა
- საწყისი პოზიცია ზურგზე წოლაა.
- წამოწიეთ ხელები და ფეხები იატაკის პერპენდიკულარულად.
- შეასრულეთ ვიბრაციული მოძრაობები 1-2 წუთის განმავლობაში.
სავარჯიშო “ხელის გულებისა და ტერფების შეერთება”
ტერფებისა და ხელის გულების შეერთება არეგულირებს ორგანიზმის ყველა სისტემის მუშაობას. კაცუძოს თქმით, ჯანმრთელობის მეხუთე წესი ეხმარება სულისა და სხეულის ძალებს წონასწორობის მიღწევაში.
შესრულების ტექნიკა
- საწყისი მდგომარეობა – დაწექით ზურფზე. კისერი დადეთ მოსახერხებელ მუთაქაზე.
- გაშალეთ ფეხები განზე, მოკეცეთ მუხლები და შეაერთეთ ტერფები. მოხარეთ ხელები იდაყვებში და შეაერთეთ ხელის გულები მკერდზე.
- დახუჭეთ თვალები და დაწექით ასე 5-10 წუთით.
სავარჯიშო ხერხემლისა და მუმცლისთვის
ეს სავარჯიშო ერთდროულად მოქმედებს მუცელზეც და ზურგზეც. ასე მიიღწევა ბალანსი ორგანიზმის სხვადასხვა სისტემას შორის, უმჯობესდება სულიერი განწყობა. თუმცა, პირველ რიგში, ეს ყველაფერი დადებითად აისახება ხერხემალზე.
შესრულების ტექნიკა
- ჩვენ გამოვტოვებთ მოსამზადებელ სავარჯიშოებს და პირდაპირ ძირითად ნაწილზე გადავალთ. დაჯექით იატაკზე მუხლებით ისე, რომ დუნდულები ქუსლებზე მოთავსდეს.
- გაასწორეთ ხერხემალი იატაკის პერპენტიკულარულად, მხრები გაასწორეთ, თვალები გაახილეთ, ენა მიაბჯინეთ სასას, ტუჩები მოკუმეთ, ისუნთქეთ თანაბრად, მთელი წონით დაეყრდენით ფეხებს.
- იდეალური პოზის შენარჩუნებით, დაიწყეთ რხევა მარცხნიდან მარჯვნივ, ამავდროულად, მუცელი ამოძრავეთ წინ-უკან.
- “იქეთ-აქეთ რხევით, ჩვენ მყარად ვდგავართ მიწაზე”. – წერია “ფუკანზაზენგის” ტრაქტატში, რომლითაც ძენის სწავლება ხელმძღვანელობს. შეასრულეთ ეს სავარჯიშო 10 წუთის განმავლობაში ყოველ დილა-საღამოს და ნახავთ, რამდენად შეიცვლება თქვენი სხეული.
ამ ვიდეოში უფრო მეტს გაიგებთ კაცუძო ნიშის წესებისა და მისი სავარჯიშოების შესახებ. მისი რჩევები შთაგაგონებთ, სავარჯიშოების შესრულება კი უზრუნველყოფს ჯანმრთელობასა და შესანიშნავ განწყობას.
