ზოგი ქაშაყის და ჭარხლის სალათს მხოლოდ ესტონურ კერძად მიიჩნევს, ზოგი ფინურად, ზოგიც კი შვედურად. ზოგს საერთოდ ჩვენთვის ნაცნობ სალათში „ქაშაყი ბეწვის ქვეშ“ ერევა. ნუთუ ასეთი მნიშვნელოვანია, თუ რომელ ქვეყანას ეკუთვნის სალათი „როსოლი“? ნუთუ უფრო მნიშვნელოვანი არაა, რომ კერძი გემრიელია და მისი მომზადება ნებისმიერს შეუძლია?
„პაპარაცმა“ დეტალური რეცეპტი უკვე მოგიმზადათ. თუ საახალწლო სუფრისთვის ახალ სალათს ეძებთ, რომ „მშიერი ხარის კეთილგანწყობა მოიპოვოთ“, ჩვენს მასტერკლასზე გეპატიჟებთ!
სალათი ქაშაყით და ჭარხლით
ინგრედიენტები:
- 400 გრ ჭარხალი
- 250 გრ კარტოფილი
- 150 გრ სტაფილო
- ½ პატარა ხახვი
- 200 გრ ქაშაყი
- 2 დამწნილებული კიტრი
- 1 ვაშლი
- 1 ს/კ მაიონეზი
- მარილი გემოვნებით
- შავი დაფქული წიწაკა გემოვნებით
- 1 ჩ/კ მდოგვი
- 1 ს/კ არაჟანი
- 1 კონა ახალი მწვანილი
- 3 კვერცხი
მომზადება:
1. პირველ რიგში, კვერცხი, ჭარხალი, სტაფილო და კარტოფილი მოხარშეთ. მანამდე მჟავე კიტრი პატარა კუბებად დაჭერით და რამდენიმე წუთით საწურზე მოათავსეთ, რომ ზედმეტი მარილწყალი მოიშოროთ.
2. შემდეგ მწვანილი დაჭერით, თეფშზე დაყარეთ და დროებით გვერდზე გადადეთ. ამის შემდეგ ვაშლი გათალეთ და პატარა კუბებად დაჭერით. დაჭრილი ვაშლი სასალათეში ჩაყარეთ. ხახვთან იგივე პროცედურა გაიმეორეთ.
3. მოხარშულ და გაგრილებულ ბოსტნეულს ქერქი მოაშორეთ და კუბებად დაჭერით.
4. აუცილებლობის შემთხვევაში ქაშაყის ფილეს ძვლები მოაშორეთ და კუბებად დაჭერით. შემდეგ ყველა ინგრედიენტი ვაშლს და ხახვს სასალათეში დაუმატეთ. საწურზე დაყრილი კიტრი არ დაგავიწყდეთ. ყველაფერს კარგად აურიეთ. მარილი და შავი, დაფქული წიწაკა გემოვნებით დაუმატეთ.
5. ცალკე, პატარა თასში მაიონეზი, მდოგვი და არაჟანი აურიეთ, მიღებული სოუსი სალათს დაუმატეთ. ამის შემდეგ დაჭრილი მწვანილით და ოთხად გაჭრილი მოხარშული კვერცხით გააფორმეთ.
ვიმედოვნებთ, რომ კერძი თქვენ და თქვენს ახლობლებს მოეწონათ. გემრიელად მიირთვით!
