მზად ხართ, რომ ერთხელ მაინც დაინტერესდეთ, როგორ დაკავდეთ სპორტით? რა თქმა უნდა, მოტივაცია დიდ როლს თამაშობს ამ საქმეში და თუ გაქვთ კონკრეტული მიზანი, რისთვისაც იმუშავებთ, ვერაფერი შეგიშლით ხელს.თუმცა, სპორტში ბევრი დაბრკოლებაც შეგხვდებათ და ხშირად ეს დაკავშირებულია იმასთან, რომ დავალება ადამიანის ძალებს აღემატება. გირჩევთ დაიწყოთ მცირედით, კერძოდ, მარტივი ვარჯიშებით სახლში. დღეს პაპარაცის ამ სტატიაში გაგიზიარებთ სახლის ვარჯიშების წარმატებულ ვარიანტებს!
როგორ დავიწყოთ ვარჯიში
ნებისმიერი ვარჯიშის დაწყებამდე მნიშვნელოვანია სწორად გაახუროთ კუნთები. სპორტულ დარბაზებში ადამიანები დარბიან დაახლოებით 10-15 წუთს სარბენ ბილიკზე. მე უპირატესობას ვანიჭებ კლასიკური ვარჯიშებს, სხეულის ყველა ნაწილის დამუშავებას სათითაოდ. გარდა ამისა, ვარჯიშის წინ ძალიან კარგია სახტუნაოთი ხტომა. სცადე!
სახლში ვარჯიში ძალიან მოსახერხებელია. ამისათვის არ გჭირდებათ სპეციალური აღჭურვილობა. საკმარისია კომფორტულად ჩაცმა და დასაფენი ზოგიერთი ვარჯიშისთვის, რომელიც უნდა შესრულდეს მჯდომარე ან დაწოლილ მდგომარეობაში.გაგიზიარებთ ხუთ კლასიკურ ვარჯიშს, რომლის რეგულარულად შესრულებით, მალევე დაინახავთ, რომ თქვენი სხეული ძლიერდება და თავს უკეთ გრძნობთ!
ვარჯიშების ნაკრები სახლისთვის
1 . ჩაჯდომები – ეს არის ერთ-ერთი კლასიკური ვარჯიში, რომელიც აუცილებლად უნდა იყოს წარმოდგენილი თქვენს სპორტულ რუტინაში. შეგიძლიათ ჩაჯდომა სხვადასხვა გზით. მაგალითად, დამატებითი წონით ან მის გარეშე, ხელები თავის უკან ან თქვენს წინ.არ არსებობს ისეთი ვარჯიში, რომელიც ჩაანაცვლებს ჩაჯდომას. ამ პრაქტიკის უპირატესობებზე ადრე უკვე დავწერეთ და გირჩევთ, ყურადღებით წაიკითხოთ ეს სტატია.
2 . შემდეგ ვარჯიშს “ბურპი” ეწოდება. ის ძალიან ეფექტურია, რადგან აერთიანებს ჩაჯდომის, ფიცრის, აზიდვებისა და ხტუნვის ელემენტებს. დადექით გამართულად, გაშალეთ ფეხები მხრების სიგანეზე. ამოსუნთქვისას მკვეთრად ჩაჯექით, ხელები იატაკზე დადეთ. შემდეგ ნახევრად ნახტომში, სხეულის წონა ხელებზე გადაიტანეთ, ხოლო ფეხები უკან გაწიეთ და დადექით ფიცრის პოზაში.
კლასიკურ ვერსიაში, ამ ეტაპზე, საჭიროა 1-ჯერ აზიდვა. თუმცა, დამწყებთათვის ამის გაკეთება არ არის აუცილებელი. უბრალოდ დაჭიმეთ მუცლის პრესი და ფეხების შიდა ნაწილი, დაუბრუნდით ჩაჯდომის პოზიციას. შემდეგ კი სწრაფად ახტით, გაჭიმეთ ხელები სხეულის გასწვრივ.
სხვა ვარჯიშები
- კლასიკური აზიდვები შეიძლება გაკეთდეს სხვადასხვა გზით. გთავაზობთ გამარტივებულ ვერსიას: ხელები დააწყვეთ იატაკზე, ოდნავ უფრო ფართოდ, ვიდრე მხრის სახსრები. შეაერთეთ მუხლები, გადააჯვარედინეთ ფეხები. შექმენით ტანისა და თეძოს სწორი ხაზი.ჩასუნთქვისას მოხარეთ ხელები, ჩამოწიეთ მხრები იატაკის პარალელურად. ამ დროს იდაყვები გვერდებზე უნდა იყოს შებრუნებული. ყურადღებით იყავით, რომ ზურგის ქვედა ნაწილი არ ჩამოიწიოს. ამოსუნთქვისას აწიეთ იატაკიდან, დაჭიმეთ მკერდისა და ხელების კუნთები. დაუბრუნდით საწყის პოზიციას.
- პრესისთვის ვარჯიშების გარეშე არაფერი გამოვა. დამწყებსაც კი შეუძლია გაუმკლავდეს მის კლასიკურ ვერსიას. დადექით მწოლიარე მდგომარეობაში, მოხარეთ მუხლები და ხელები თავის უკან მოათავსეთ. ამავდროულად, დააფიქსირეთ ფეხები ხალიჩაზე.ამოსუნთქვისას აწიეთ ბეჭები, ხოლო ზურგი უნდა ეყრდნობოდეს იატაკს. შეასრულეთ ვარჯიში მშვიდად, აჩქარების გარეშე.
რჩევა რედაქციისგან: ნებისმიერი ვარჯიშის ბოლოს გირჩევთ გააკეთოთ ფიცრის პოზა. ეს ეფექტური ვარჯიში მიზნად ისახავს ძირითადი კუნთების გაძლიერებას. საწყისი პოზიცია წააგავს სხეულის პოზიციას აზიდვების დროს. იდაყვები უნდა იყოს მოხრილი სწორი კუთხით, მხრებთან შესაბამისობაში.ვიზუალურად, თქვენი სხეული ერთ სწორ ხაზს უნდა ქმნიდეს. წონის გადატანა უნდა მოხდეს იდაყვებზე და ფეხის თითებზე. გაშეშდით ამ მდგომარეობაში რაც შეიძლება დიდხანს. რაც უფრო ხშირად გააკეთებთ ამ ვარჯიშს, თანდათან უფრო დიდხანს შეძლებთ მის შესრულებას.ეს მხოლოდ მცირე ნაწილია იმ სავარჯიშოებისა, რომელიც შეგიძლიათ გააკეთოთ სახლში. შეეცადეთ მეტი ივარჯიშოთ და ინტერნეტში მოიძიოთ საშინაო სპორტის თემა და გახსოვდეთ, რომ ნებისმიერ საქმეში მთავარი ნაბიჯია დაწყება!
თქვენ ვარჯიშობთ ხოლმე სახლში? გაგვიზიარეთ გამოცდილება კომენტარებში.
