იოგა დამწყებთათვის: 5 მარტივი ასანა გონებასა და სხეულს შორის კავშირის გასაძლიერებლად

0
38

იოგა აქტივობაა, რომელსაც მოაქვს ბევრი სარგებელი არა მხოლოდ სხეულისთვის, არამედ სულისთვის. ასეთ სტრესულ დროში ცხოვრებისას დასვენება მნიშვნელოვანია. იოგა ამის შესაძლებლობას იძლევა. მისი ვარჯიშები მიმართულია გონებასა და სხეულს შორის კავშირის გაძლიერებაზე.

მოქნილობის, დგომის და წონასწორობის გასაუმჯობესებლად ასანები უნდა შეასრულოთ. მარტივად რომ ვთქვათ, გარკვეული პოზები უნდა მიიღოთ და მთელი პროცესის განმავლობაში სუნთქვა აკონტროლოთ. მოცემული ასანები შესაფერისია როგორც გამოცდილი იოგებისთვის, ასევე დამწყებთათვის.

იოგა დამწყებთათვის: 5 მარტივი ასანა

ხის პოზა

დამაბალანსებელი ვარჯიში, რომელიც კონცენტრაციის გაუმჯობესებას ხელს უწყობს. ამ ასანას შესრულებით სიმშვიდეს მოიპოვებთ. ტექნიკა ასეთია:

  1. სწორად დადექით. მარჯვენა ფეხი მუხლში მოხარეთ. მისი ტერფი მარცხენა ბარძაყის შიდა ნაწილზე მოათავსეთ.
  2. ხელები მოხარეთ და ხელისგულები მკერდის წინ შეაერთეთ.
  3. საყრდენი წერტილი იპოვეთ და წონასწორობა დაიცავით. ამ პოზაში ყოფნისას ღრმად ისუნთქეთ.

ძაღლი პირით ქვემოთ

ეს პოზა ზურგის ზედა ნაწილს და მხრებს აძლიერებს. ამის წყალობით ხელები გაძლიერდება. თან ამ პოზაში მყესები და წვივები დაიჭიმება, სისხლის მიმოქცევა გაუმჯობესდება და კისერში დაძაბულობა გაქრება. როგორ შეასრულოთ ასანა:

  1. ოთხზე დადექით. ხელისგულები მხრების ქვეშ მოათავსეთ, მუხლები – ბარძაყების სიგანეზე. ფეხების თითები ხალიჩაზე უნდა იდოს. ხელების თითები ფართოდ გაშალეთ. ხელისგულებით იატაკს დააწექით.
  2. ჩაისუნთქეთ და მენჯი მაღლა ასწიეთ. ხელები, ზურგი, ასევე კისერი ერთ ხაზზე გაჭიმეთ. მუხლები გაასწორეთ. ბარძაყები დაჭიმეთ. ქუსლები იატაკზე დაუშვით, ამოისუნთქეთ.
  3. მენჯით ზემოთ და უკან გაიჭიმეთ, სცადეთ ზურგის დაგრძელება. პროცესში ბეჭები ერთმანეთს მაქსიმალურად დააშორეთ. პოზაში ნახევარი წუთი გაჩერდით.
  4. შემდეგ თითის წვერებზე აიწიეთ და საწყის პოზას დაუბრუნდით.

ბავშვის პოზა

ეს ასანა წელავს ბარძაყებს, ხერხემალს, ასევე მხრებს. მისი დახმარებით წელის არეში დაძაბულობას გააქრობთ. რა უნდა გააკეთოთ:

  1. მუხლებზე დადექით. ფართოდ გაშალეთ. თეძოები ქუსლებს დააჭირეთ.
  2. ხელები წინ იატაკზე გაშალეთ. შუბლით ხალიჩას უნდა შეეხოთ.
  3. არ დაგავიწყდეთ ღრმად ჩასუნთქვა და ამოსუნთქვა ასანას შესრულებისას.

მეომრის პოზა 2

თუ გსურთ, ფეხების გაძლიერება და ზედა ტანის დაჭიმვა, ეს ვარჯიში შეასრულეთ. სიტყვაზე, ეს ასანა დგომასაც აუმჯობესებს, რაც მჯდომარე მუშაობის დროს მნიშვნელოვანია. ტექნიკა ასე სრულდება:

  1. ფეხები მაქსიმალურად გაშალეთ. მარცხენა ფეხი მუხლით წინ მოაბრუნეთ. მარჯვენა ფეხით იატაკს დაეყრდენით.
  2. მარცხენა მუხლი სწორი კუთხით მოხარეთ. ხელები გვერდებზე გაშალეთ. წინ გაიხედეთ. აკონტროლეთ, რომ მუცელი დაჭიმული იყოს.
  3. ამ პოზაში ღრმად ჩაისუნთქეთ და ამოისუნთქეთ.

კობრას პოზა

ამ ასანათი შეძლებთ მუცლის, კისრის ზედა ნაწილის, ბიცეფსის დაჭიმვას, ასევე ზურგის, დუნდულების და მყესების გაძლიერებას. როგორ შეასრულოთ:

  1. მუცელზე დაწექით. ფეხები მხრების სიგანეზე გაშალეთ, ფეხების ზედა ნაწილი იატაკს უნდა ეხებოდეს.
  2. იდაყვები მოხარეთ. ხელები ნეკნების მახლობლად იატაკზე მოათავსეთ. მაჯების და იდაყვების გამართვა სცადეთ.
  3. ჩაისუნთქეთ და გულმკერდი იატაკიდან ასწიეთ.
  4. ამ პოზაში გაჩერდით, ზომიერად ისუნთქეთ, შემდეგ საწყის პოზას დაუბრუნდით და გაიმეორეთ.

ასეთი იოგა დამწყებთათვის მარტივია, რადგან ასანას ტექნიკა მარტივი გასაგებია. რაც შეეხება თავად შესრულებას, აქ გაცილებით რთულადაა საქმე. მთავარია, იოგას ხალიჩა შეიძინოთ და პრაქტიკას დრო რეგულარულად დაუთმოთ. ასე ძილის და ყოველდღიური ცხოვრების ხარისხი გაუმჯობესდება, ტონუსის და საღი აზრის შენარჩუნებას შეძლებთ.